ಆರ್ಥಿಕ ಹಾಗೂ ಮಿಲಿಟರಿ ಕ್ಷೇತ್ರದಲ್ಲಿ ಬಲಾಢ್ಯ ದೇಶವಾಗಿರುವ ಚೀನಾ ಕೂಡ ಈ ವಾಸ್ತವವನ್ನು ಅರಿಯಬೇಕಿದೆ. ತನ್ನ ಸ್ವಂತ ಹಿತಾಸಕ್ತಿಗಳಿಗೋಸ್ಕರ ಪಾಕಿಸ್ತಾನವನ್ನು ಮತ್ತು ಅದು ಪ್ರಾಯೋಜಿಸುತ್ತಿರುವ ಭಯೋತ್ಪಾದನೆಯನ್ನು ಬೆಂಬಲಿಸುವುದು ಸರಿಯಲ್ಲ. ಉಗ್ರವಾದದ ಭೀಕರತೆ ಅಂತಾರಾಷ್ಟ್ರೀಯ ಸಮುದಾಯಕ್ಕೆ ತಡವಾಗಿಯಾದರೂ ಅರ್ಥವಾಗುತ್ತಿದೆ. ಹಾಗಾಗಿ, ಕೇವಲ ಖಂಡನೆ, ಹೇಳಿಕೆಗಳಿಗೆ ಸೀಮಿತವಾಗದೆ ಜಾಗತಿಕ ನಾಯಕರು ಭಯೋತ್ಪಾದನೆಯ ಆರ್ಥಿಕ ಮೂಲಗಳನ್ನು ಕತ್ತರಿಸಿ ಹಾಕಬೇಕು. ಉಗ್ರ ಸಂಘಟನೆಗಳನ್ನು ನಿಷೇಧಿಸಿ, ಕುಖ್ಯಾತ ಭಯೋತ್ಪಾದಕರನ್ನು, ಆ ಸಂಘಟನೆಗಳ ಇತರ ಸದಸ್ಯರನ್ನು ಕಾನೂನಿನ ಕಟಕಟೆಗೆ ತಂದು ನಿಲ್ಲಿಸಬೇಕು. ಶಾಂತಿಸ್ಥಾಪನೆಯ ಪ್ರಯತ್ನ ಯಶಸ್ವಿಯಾಗಬೇಕಾದರೆ ಉಗ್ರವಾದದ ಅಂತ್ಯ ಆಗಲೇಬೇಕು. ಈ ನಿಟ್ಟಿನಲ್ಲಿ ಭಾರತದ ಸಂಕಲ್ಪ ಶಕ್ತಿಯನ್ನು, ಬದ್ಧತೆಯನ್ನು ಜಾಗತಿಕ ಸಮುದಾಯ ಅರ್ಥ ಮಾಡಿಕೊಂಡು, ಬೆಂಬಲಕ್ಕೆ ನಿಲ್ಲಲಿ.
