ಈ ಅವಧಿಯಲ್ಲಿ ನಕ್ಸಲ್ ಹಿಂಸಾಚಾರ ಅತಿರೇಕಕ್ಕೆ ತಲುಪಿತು. ಹಲವು ನಕ್ಸಲ್ ಸಂಘಟನೆಗಳು ಒಟ್ಟಾಗಿ ಕಾರ್ಯಾಚರಣೆ ನಡೆಸಿದ್ದು, ಇದಕ್ಕೆ ಪ್ರಮುಖ ಕಾರಣ. 2007ರಲ್ಲಿ ದೇಶದ 200ಕ್ಕೂ ಹೆಚ್ಚು ಜಿಲ್ಲೆಗಳು ನಕ್ಸಲ್ಪೀಡಿತವಾಗಿದ್ದವು. ಸ್ಫೋಟ ಕೃತ್ಯಗಳನ್ನು ಗಣನೀಯವಾಗಿ ಹೆಚ್ಚಿಸಿದ ನಕ್ಸಲರು ಆದಿವಾಸಿ ಮತ್ತು ಗುಡ್ಡಗಾಡು ಪ್ರದೇಶಗಳಲ್ಲಿ ಲೋಕ ಅದಾಲತ್ಗಳನ್ನೂ ನಡೆಸಿದರು. ಈ ಅವಧಿಯಲ್ಲಿ ಛತ್ತೀಸ್ಗಢ, ಪಶ್ಚಿಮ ಬಂಗಾಳ, ಒಡಿಶಾ, ಜಾರ್ಖಂಡ್, ಮಹಾರಾಷ್ಟ್ರ ತೆಲಂಗಾಣ, ಮಧ್ಯಪ್ರದೇಶ, ಆಂಧ್ರಪ್ರದೇಶ, ಬಿಹಾರಕ್ಕೆ ರೆಡ್ ಕಾರಿಡಾರ್ ವಿಸ್ತಾರಗೊಂಡಿತು. ಆದರೆ, 2015ರ ನಂತರ ನಕ್ಸಲ್ ನಿಗ್ರಹ ಕಾರ್ಯಾಚರಣೆ ತೀವ್ರ ಸ್ವರೂಪ ಪಡೆದುಕೊಂಡಿತು. ಆರಂಭಿಕ ಹಂತದಲ್ಲಿ ನಕ್ಸಲರು ಪ್ರತಿದಾಳಿ ನಡೆಸಿದರೂ 2018ರ ಬಳಿಕ ಭದ್ರತಾಪಡೆಗಳು ಮೇಲುಗೈ ಸಾಧಿಸಿ, 2025ರ ಹೊತ್ತಿಗೆ ರೆಡ್ ಕಾರಿಡಾರ್ ವ್ಯಾಪ್ತಿ ಮತ್ತು ಪ್ರಭಾವ ಗಣನೀಯವಾಗಿ ಕಡಿಮೆಯಾಗಿದೆ.
