ಈ ಮಂಗಳವಾರದ ರಜೆಗೆ ಬಿತ್ತು ಬ್ರೇಕ್:​ ಆಯುಧಪೂಜೆ ಪ್ರಯುಕ್ತ ಬನ್ನೇರುಘಟ್ಟದಲ್ಲಿ ಝೂ ಓಪನ್​

ಬೆಂಗಳೂರು: ಆಯುಧಪೂಜೆ ಹಿನ್ನೆಲೆ ಮಂಗಳವಾರ (ಅ.4) ಬನ್ನೇರುಘಟ್ಟ ಜೈವಿಕ ಉದ್ಯಾನಕ್ಕೆ ಪ್ರವಾಸಿಗರ ಭೇಟಿಗೆ ಅವಕಾಶ ನೀಡಲಾಗಿದೆ.

ಪ್ರತಿ ಮಂಗಳವಾರ ಬನ್ನೇರುಘಟ್ಟ ಜೈವಿಕ ಉದ್ಯಾನವನಕ್ಕೆ ಪ್ರವಾಸಿಗರ ಭೇಟಿಗೆ ಅವಕಾಶ ಇಲ್ಲ. ಪ್ರತಿ ಮಂಗಳವಾರ ವಾರದ ರಜೆ ನಿಗದಿಯಾಗಿದೆ. ಆದರೆ ಬಾರಿ ಆಯುಧಪೂಜೆ ಹಬ್ಬ ಮಂಗಳವಾರ ಇದೆ. ಅಂದು ಶಾಲಾ-ಕಾಲೇಜು, ಕಚೇರಿಗಳಿಗೆ ರಜೆ ಇರುವುದರಿಂದ ಹೆಚ್ಚಿನ ಸಂಖ್ಯೆಯ ಪ್ರವಾಸಿಗರು ಉದ್ಯಾನವನದ ವೀಕ್ಷಣೆಗೆ ಆಗಮಿಸುವ ನಿರೀಕ್ಷೆ ಇದೆ. ಹಾಗಾಗಿ ಪ್ರವಾಸಿಗರಿಗೆ ಅನುಕೂಲವಾಗುವಂತೆ ಈ ಬದಲಾವಣೆ ಮಾಡಲಾಗಿದೆ.

ಅಂದು ಉದ್ಯಾನವನದ ಮೃಗಾಲಯ, ಸಫಾರಿ ಮತ್ತು ಚಿಟ್ಟೆ ಉದ್ಯಾನವನ ವೀಕ್ಷಣೆಗೆ ಅವಕಾಶವಿದೆ. ಸಾರ್ವಜನಿಕರು ಈ ಬದಲಾವಣೆ ಗಮನಿಸಿ ಸೌಲಭ್ಯವನ್ನು ಉಪಯೋಗಿಸಿಕೊಳ್ಳಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

https://www.vijayavani.net/a-mandya-maddur-yadavanahalli-sridhara-gangadhara-story/

https://www.vijayavani.net/a-banglore-3-students-missing-case/