ಗ್ರಾಮೀಣ ನಿವಾಸಿಗಳಿಗೆ 100 ದಿನದೊಳಗೆ ಸಿಗಲಿದೆ‌ 'ಬೆಳಕು': ಸಚಿವ ವಿ.ಸುನೀಲ್ ಕುಮಾರ್

ಬೆಂಗಳೂರು: ಗ್ರಾಮೀಣ ಪ್ರದೇಶದಲ್ಲಿ ಮನೆಗಳನ್ನು ಕಟ್ಟಿ ವಿದ್ಯುತ್ ಸಂಪರ್ಕಕ್ಕೆ ಕಾದಿರುವ ಕುಟುಂಬಗಳು 100 ದಿನಗಳೊಳಗೆ 'ಬೆಳಕು' ಕಾಣಲಿವೆ.

ಇಂಧನ ಇಲಾಖೆಯಲ್ಲಿ 100 ದಿನಗಳ ಕಾರ್ಯಕ್ರಮ ರೂಪಿಸಲಾಗಿದ್ದು, ಸೆಪ್ಟೆಂಬರ್‌ 1ರಿಂದ ಕಾರ್ಯಾರಂಭಿಸಿದೆ. ರಾಜ್ಯದ ಹಳ್ಳಿಗಳಲ್ಲಿರುವ ಮೂರು ಲಕ್ಷ ಮನೆಗಳಿಗೆ ಸ್ಥಳೀಯ ಸಂಸ್ಥೆಯ ಎನ್​ಒಸಿ ಅಗತ್ಯವಿಲ್ಲದೆ ವಿದ್ಯುತ್ ಸಂಪರ್ಕ ಕಲ್ಪಿಸಲಾಗುವುದು ಎಂದು ಇಂಧನ, ಕನ್ನಡ ಮತ್ತು ಸಂಸ್ಕೃತಿ ಖಾತೆ ಸಚಿವ ವಿ.ಸುನೀಲ್ ಕುಮಾರ್ ತಿಳಿಸಿದರು.

ಬಿಜೆಪಿ ಕಚೇರಿಯಲ್ಲಿ ಸುದ್ದಿಗಾರರ ಜತೆಗೆ ಮಂಗಳವಾರ ಮಾತನಾಡಿದ ಸುನೀಲ್​ ಕುಮಾರ್, ಸಚಿವರ ವಸತಿ ಗೃಹ ಸೇರಿದಂತೆ ಸರ್ಕಾರಿ ಕಚೇರಿಗಳಿಗೆ ವಿದ್ಯುತ್ ಪ್ರಿಪೇಡ್ ಮೀಟರ್ ಅಳವಡಿಸಲು ನಿರ್ಧರಿಸಲಾಗಿದೆ. ಇದರಿಂದ ವಿದ್ಯುತ್ ಬಿಲ್ ಬಾಕಿ ಉಳಿದು ಎಸ್ಕಾಂಗಳಿಗೆ ಆರ್ಥಿಕ ಹೊರೆ ತಪ್ಪಲಿದೆ ಎಂದರು.

ರೀಚಾರ್ಜ್ ಸೆಂಟರ್: ಎಲೆಕ್ಟ್ರಿಕಲ್ ವಾಹನಗಳ ಬಳಕೆಗೆ ಪ್ರೋತ್ಸಾಹ, ಅನುಕೂಲತೆ ಕಲ್ಪಿಸಲೆಂದು ರಾಜ್ಯಾದ್ಯಂತ 500 ರೀಚಾರ್ಜ್ ಸೆಂಟರ್​ಗಳನ್ನು ಸ್ಥಾಪಿಸಲಾಗುವುದು.

ಗಂಗಾ‌ಕಲ್ಯಾಣ ಯೋಜನೆಯಡಿ ಕೊಳವೆ ಬಾವಿಗಳಿಗೆ 30 ದಿನಗಳೊಳಗೆ ವಿದ್ಯುತ್ ಸಂಪರ್ಕ, ವಿದ್ಯುತ್ ವಿಭಾಗ ಕೇಂದ್ರಗಳಲ್ಲಿ ಪರಿವರ್ತಕ ಬ್ಯಾಂಕ್ ಸ್ಥಾಪಿಸಿ, ಕೆಟ್ಟ ಪರಿವರ್ತಕ 24 ತಾಸಿನೊಳಗೆ ಬದಲಾಯಿಸಲಾಗುವುದು ಎಂದು ಸುನೀಲ್ ಕುಮಾರ್ ಹೇಳಿದರು.

https://www.vijayavani.net/a-post-of-assistant-professor-at-jss-in-bangalore-and-mysore/

https://www.vijayavani.net/a-wife-complaint-against-husband-in-basavanagudi-police-station/