ತೆಲಂಗಾಣ ಪೊಲೀಸರ ಎದುರು 86 ಮಾವೋವಾದಿಗಳು ಶರಣಾಗತಿ | Maoists

Maoists : ಛತ್ತಿಸ್​​ಘಡ ರಾಜ್ಯದ ನಿಷೇಧಿತ ಸಿಪಿಐ ಸಂಘಟನೆಯ 86 ಮಾವೋವಾದಿಗಳು ತೆಲಂಗಾಣ ಭದ್ರಾದ್ರಿಯ ಕೊತ್ತಗೂಡಂ ಜಿಲ್ಲೆಯಲ್ಲಿ ಪೊಲೀಸರ ಎದುರು ಶನಿವಾರ(ಏ.05) ಶರಣಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ಕೊಂಡೇನಾಳು ಪಿಎಸಿಸಿ ಬ್ಯಾಂಕ್‌ಗೆ ಮೋಹನ್ ಅಧ್ಯಕ್ಷ

ನಾಲ್ವರು ಸಮಿತಿ ಸದಸ್ಯರು ಸೇರಿದಂತೆ(AMC) ಮಾವೋವಾದಿಗಳು ನಕ್ಸಲಿಸಂನ ಹಿಂಸಾತ್ಮಕ ಮಾರ್ಗವನ್ನು ತ್ಯಜಿಸಿ ತಮ್ಮ ಕುಟುಂಬದೊಂದಿಗೆ ಶಾಂತಿಯುತ ಜೀವನವನ್ನು ಕಳೆಯಲು ನಿರ್ಧಾರಿಸಿದ್ದು, ತೆಲಂಗಾಣ ಪೊಲೀಸ್​ ಮಹಾನಿರ್ದೇಶಕ(IGP) ಎಸ್​​.ಚಂದ್ರಶೇಖರ್​ರೆಡ್ಡಿ ಎದುರು ಶರಣಾದರು ಎಂದು ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಇನ್ನು ನಾಲ್ವರು ಸಮಿತಿ ಸದಸ್ಯರ ತಲೆಗೆ ನಾಲ್ಕು ಲಕ್ಷ ರೂ. ಘೋಷಿಸಲಾಗಿತ್ತು ಎಂದು ಭದ್ರಾದ್ರಿಯ ಕೊತ್ತಗೂಡಂ ಜಿಲ್ಲೆ ಎಸ್​ಪಿ ಬಿ.ರೋಹಿತ್​ ರಾಜ್​ ತಿಳಿಸಿದ್ದಾರೆ.

ಇದನ್ನೂ ಓದಿ:ವಕ್ಫ್​​​ ಹೆಸರಲ್ಲಿ ಇನ್ಮುಂದೆ ಯಾರು ಲೂಟಿ ಮಾಡಲು ಸಾಧ್ಯವಿಲ್ಲ; ಸಿಎಂ ಯೋಗಿ ಆದಿತ್ಯನಾಥ್​​ | Yogi Adityanath

ಪೊಲೀಸರ 'ಆಪರೇಷನ್ ಚೆಯುತ' ಕಾರ್ಯಕ್ರಮದಡಿಯಲ್ಲಿ ಬುಡಕಟ್ಟು (ಆದಿವಾಸಿ) ಸಮುದಾಯಗಳಿಗೆ ಅಭಿವೃದ್ಧಿ ಮತ್ತು ಕಲ್ಯಾಣ ಉಪಕ್ರಮಗಳ ಜತೆಗೆ ಮಾಜಿ ಬಂಡುಕೋರರಿಗೆ ನೀಡಲಾಗುತ್ತಿರುವ ಕಲ್ಯಾಣ ಕ್ರಮಗಳ ಬಗ್ಗೆ ತಿಳಿದ ನಂತರ ಮಾವೋವಾದಿಗಳು ಶರಣಾಗುತ್ತಿದ್ದಾರೆ. ಈ ವರ್ಷ ಇಲ್ಲಿಯವರೆಗೆ ವಿವಿಧ ಕೇಡರ್‌ಗಳ 224 ಮಾವೋವಾದಿಗಳು ಪೊಲೀಸರ ಮುಂದೆ ಶರಣಾಗಿದ್ದಾರೆ ಎಂದು ತಿಳಿಸಿದ್ದಾರೆ(ಏಜೆನ್ಸೀಸ್​).

https://www.vijayavani.net/committed-suicide-because-he-couldnt-find-a-job-shared-a-photo-of-himself-as-a-tribute

https://www.vijayavani.net/actress-khushboo-sobs-remembering-the-help-of-crazy-star-ravichandran-video-goes-viral