ಟೆಕ್ಸಾಸ್​​ನಲ್ಲಿ ಭಾರೀ​ ಪ್ರವಾಹ; 81 ಜನರು ಬಲಿ: 41 ಮಂದಿ ಕಾಣೆ! | Texas

ಅಮೆರಿಕಾ: ಮಧ್ಯ ಟೆಕ್ಸಾಸ್​ನಲ್ಲಿ(Texas) ಶುಕ್ರವಾರ ಹಠಾತ್​​ ಸಂಭಂವಿಸಿದ ಭಾರೀ ಪ್ರವಾಹದಲ್ಲಿ 81 ಜನರು ಮೃತಪಟ್ಟಿದ್ದು, 41 ಮಂದಿ ಕಾಣೆಯಾಗಿದ್ದಾರೆ ಎಂದು ಅಲ್ಲಿನ ಸರ್ಕಾರ ಸೋವಾರ ಧೃಢಪಡಿಸಿದೆ.

ಹೆಚ್ಚಿನ ಸಾವು-ನೋವುಗಳು ಕೆರ್​ ಕೌಂಟಿಯಲ್ಲಿ ಸಂಭವಿಸಿದೆ. ಅಲ್ಲಿ ನದಿ ತೀರದ ಕ್ರಿಶ್ಚಿಯನ್​​ ಹುಡುಗಿಯರ ಶಿಬಿರ ಪ್ರವಾಹಕ್ಕೆ ಸಿಲುಕಿದೆ. ಈ ಹಿನ್ನೆಲೆ ಅಲ್ಲಿ ಹಲವಾರು ಮಹಿಳೆ- ಮಕ್ಕಳು ಮೃತಪಟ್ಟಿದ್ದು, ಕೆಲವರು ನಾಪತ್ತೆಯಾಗಿದ್ದಾರೆ ಎಂದು ವರದಿಯಾಗಿದೆ.

ಇದನ್ನೂ  ಓದಿ:18 ಅಡಿ ಉದ್ದದ ಕಾಳಿಂಗ ಸರ್ಪ ಸೆರೆ ಹಿಡಿದ ಮಹಿಳಾ ಅರಣ್ಯಾಧಿಕಾರಿ! ವಿಡಿಯೋ ವೈರಲ್​​ | Black Cobra

ಟ್ರಾವಿಸ್ ಕೌಂಟಿ, ಬರ್ನೆಟ್ ಕೌಂಟಿ, ವಿಲಿಯಮ್ಸನ್ ಕೌಂಟಿ, ಕೆಂಡಾಲ್ ಕೌಂಟಿ ಮತ್ತು ಟಾಮ್ ಗ್ರೀನ್ ಕೌಂಟಿ ಪ್ರದೇಶಗಳಲ್ಲಿ ಅಧಿಕ ಸಾವು-ನೋವುಗಳಾಗಿವೆ ಎಂದು ವರದಿ ಉಲ್ಲೇಖಿಸಿದೆ.

ಕಾಣೆಯಾದವರನ್ನು ಪತ್ತೆ ಮಾಡುವ ಕಾರ್ಯ ರಕ್ಷಣಾ ತಂಡದಿಂದ ವೇಗವಾಗಿ ನಡೆಯುತ್ತಿದೆ. ಅಲ್ಲದೆ, ಸಾವಿನ ಸಂಖ್ಯೆ ಏರುವ ಸಾಧ್ಯತೆ ಇದೆ. ಇನ್ನು ಹಲವು ಶವಗಳನ್ನು ಗುರುತಿಸಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ  ಓದಿ:ಉಪನಾಲೆಗಳಿಗಿಲ್ಲ ದುರಸ್ತಿ ಭಾಗ್ಯ- ಆರೇಳು ವರ್ಷಗಳಿಂದ ಬಾರದ ಅನುದಾನ

ಅತ್ಯಂತ ಭೀಕರ ಪ್ರವಾಹಕ್ಕೆ ಒಳಗಾದ ಕೆರ್ ಕೌಂಟಿಯಾದ್ಯಂತ ಮೊದಲ 36 ಗಂಟೆಗಳಲ್ಲಿ 850 ಕ್ಕೂ ಹೆಚ್ಚು ಜನರನ್ನು ರಕ್ಷಿಸಲಾಗಿದೆ ಎಂದು ಟೆಕ್ಸಾಸ್ ಗವರ್ನರ್ ಗ್ರೆಗ್ ಅಬಾಟ್ ಹೇಳಿದ್ದಾರೆ.(ಏಜೆನ್ಸೀಸ್​)