ಹಿರಿಯ ಮಗನ ಹುಟ್ಟುಹಬ್ಬದಂದೇ ಕಿರಿಯ ಮಗನ ಸಾವು: ಕೇಕ್​ನಿಂದ ನಡೆಯಿತು ದುರಂತ..

ವಾರಣಾಸಿ: ಗಂಟಲಲ್ಲಿ ಕೇಕ್​ನ ಚೂರು ಸಿಲುಕಿಕೊಂಡ ಪರಿಣಾಮ ಬಾಲಕನೊಬ್ಬ ಮೃತಪಟ್ಟಿರುವ ಘಟನೆ ಉತ್ತರಪ್ರದೇಶ ವಾರಣಾಸಿಯಲ್ಲಿ ನಡೆದಿದೆ.

ಇದನ್ನೂ ಓದಿ: ವಿದ್ಯಾರ್ಥಿನಿಯೊಂದಿಗೆ ಸ್ನೇಹ: ಅಶ್ಲೀಲ ಫೋಟೋ ತೆಗೆದು ಬ್ಲಾಕ್ ಮೇಲ್ ಮಾಡಿದ ಯುವಕ

ಮೃತ ಬಾಲಕನನ್ನು ಪ್ರಾಂಜಲ್​ ಎಂದು ಗುರುತಿಸಲಾಗಿದ್ದು, ಈ ಘಟನೆ ವಾರಣಾಸಿ ಜಿಲ್ಲೆಯ ಸಜೋಯಿ ಗ್ರಾಮದಲ್ಲಿ ನಡೆದಿದೆ. ಶಿಕ್ಷಕ ಧೀರೇಂದ್ರ ಶ್ರೀವಾಸ್ತವ್ ಎಂಬುವರ ಹಿರಿಯ ಪುತ್ರ ಪ್ರಖರ್ ಕಳೆದ ಸೋಮವಾರ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದ. ಈ ವೇಳೆ ಪ್ರಖರ್​​ನ ಕಿರಿಯ ಸಹೋದರ 8 ವರ್ಷದ ಪ್ರಾಂಜಲ್​ಗೂ ಕೇಕ್ ತಿನ್ನಿಸಿದ್ದಾನೆ.

ಕೇಕ್​ ತಿನ್ನುತ್ತಿದ್ದ ಪ್ರಾಂಜಲ್ ಏಕಾಏಕಿ ಕುಸಿದು ಬಿದ್ದಿದ್ದು, ಆತನ ದೇಹಾರೋಗ್ಯದ ಪರಸ್ಥಿತಿ ಹದಗೆಟ್ಟಿದೆ. ಕೂಡಲೇ ಕುಟುಂಬಸ್ಥರು ಬಾಲಕನನ್ನು ಖಾಸಗಿ ಆಸ್ಪತ್ರೆಗೆ ಕರೆದೊಯ್ದಿದ್ದು, ಅಲ್ಲಿ ವೈದ್ಯರು ಬಾಲಕ ಮೃತಪಟ್ಟಿರುವುದಾಗಿ ಘೋಷಿಸಿದ್ದಾರೆ. ಪ್ರಾಂಜಲ್ ಸಾವಿನ ನಂತರ ಕುಟುಂಬದಲ್ಲಿ ಶೋಕ ಮಡುಗಟ್ಟಿದೆ. ಪ್ರಾಂಜಲ್ ಖಾಸಗಿ ಶಾಲೆಯಲ್ಲಿ ಓದುತ್ತಿದ್ದರು ಎಂದು ಹೇಳಲಾಗಿದ್ದು, ಆತನ ಶ್ವಾಸನಾಳದಲ್ಲಿ ಕೇಕ್ ಸಿಕ್ಕಿಹಾಕಿಕೊಂಡಿತ್ತು ಎಂದು ಚಿಕಿತ್ಸೆ ನೀಡಿದ ವೈದ್ಯರು ತಿಳಿಸಿದ್ದಾರೆ.

ಇದನ್ನೂ ಓದಿ: ಹಿಂದೂ ಧರ್ಮ ಇಸ್ಲಾಂಗಿಂತ ಹಳೆಯದು, ಮುಸ್ಲಿಮರೂ ಹಿಂದೂಗಳಾಗಿದ್ದರು: ಗುಲಾಂ ನಬಿ ಆಜಾದ್

ಬಾಲಕನ ಶ್ವಾಸನಾಳದಲ್ಲಿ ಕೇಕ್ ಸಿಕ್ಕಿಹಾಕಿಕೊಂಡಿದ್ದರಿಂದ ಉಸಿರಾಟಕ್ಕೆ ತೊಂದರೆಯಾಗಿದ್ದು, ಸಕಾಲದಲ್ಲಿ ಆತನನ್ನು ಆಸ್ಪತ್ರೆಗೆ ಕರೆತಂದಿದ್ದರೆ ಜೀವ ಉಳಿಸಬಹುದಿತ್ತು. ಇಂತಹ ಘಟನೆಯ ನಡೆದ ಸಂದರ್ಭದಲ್ಲಿ ಆದಷ್ಟು ಬೇಗನೇ ಆಸ್ಪತ್ರೆಗೆ ತಲುಪಬೇಕು. ಅಲ್ಲದೇ, ಕೇಕ್ ತಿನ್ನುವಾಗ ಜನರು ಎಚ್ಚರಿಕೆ ವಹಿಸಬೇಕು ಎಂದು ವೈದ್ಯರು ಹೇಳಿದ್ದಾರೆ.(ಏಜೆನ್ಸೀಸ್​)

https://www.vijayavani.net/xiaomi-has-officially-launched-its-new-gen-xiaomi-mix-fold-3-check-price-and-spec

https://www.vijayavani.net/young-man-befriended-girl-student-and-took-obscene-photos-in-agra