ಕೇಂದ್ರದ ಎನ್ಡಿಎ ಸರ್ಕಾರಕ್ಕೆ ಹಿಮಾಚಲ ಪ್ರದೇಶ (ಶೇ.97.46), ಒಡಿಶಾ (ಶೇ.95.73) ಮತ್ತು ಛತ್ತೀಸ್ಗಢದಲ್ಲಿ (ಶೇ.91.42) ಶೇ. 90ಕ್ಕಿಂತ ಅಧಿಕ ಅಂಕ ದೊರೆತಿದ್ದು, ಕರ್ನಾಟಕದಲ್ಲಿ ಶೇ. 67.94 ಜನರ ಬೆಂಬಲ ವ್ಯಕ್ತವಾಗಿದೆ. ದೇಶದಲ್ಲಿ ಒಟ್ಟಾರೆ ಶೇ. 62 ಜನರು ಸರ್ಕಾರವನ್ನು ಬೆಂಬಲಿಸಿದ್ದಾರೆ. ಕೇಂದ್ರ ಸರ್ಕಾರಕ್ಕೆ ಕಡಿಮೆ ಅಂಕ ನೀಡಿದ ರಾಜ್ಯಗಳಲ್ಲಿ ಮೊದಲ ಎರಡು ಸ್ಥಾನ ಬಿಜೆಪಿಯೇ ಆಡಳಿತದ ನೇತೃತ್ವವಹಿಸಿರುವ ಗೋವಾ (ಶೇ.9.62) ಮತ್ತು ಹರಿಯಾಣ (ಶೇ.28.73)ಗಳಾಗಿವೆ. ಸಿವೋಟರ್ಸ್ ಸಂಸ್ಥೆಯು ‘ಸ್ಟೇಟ್ ಆಫ್ ದಿ ನೇಷನ್ 2020’ ಶೀರ್ಷಿಕೆಯಡಿ ಈ ಸಮೀಕ್ಷೆ ನಡೆಸಿದ್ದು, ಪ್ರತಿ ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ತಲಾ ಮೂರು ಸಾವಿರ ಜನರು ಸರ್ವೆಗೆ ಪ್ರತಿಕ್ರಿಯಿಸಿದ್ದಾರೆ.
