ಕಮಲೇಶ್ ಕುಮಾರ್ ವಿಚಾರಣೆ ವೇಳೆ ಕೊಟ್ಟ ಮಾಹಿತಿ ಮೇರೆಗೆ ಸುದರ್ಶನ್ ಮತ್ತು ನಿರ್ಮಲ್ ಕುಮಾರ್ಗೆ ಸೇರಿದ ಶಾಂತಿನಗರದ ಬ್ರಿಗೇಡ್ ಪ್ರಿಂಟ್ಸ್ ಮತ್ತು ಆರೋಪಿ ಲೋಕೇಶ್ ಮನೆ ಮೇಲೆ ದಾಳಿ ನಡೆಸಲಾಯಿತು. ಅಲ್ಲಿಯೂ ನಕಲಿ ಆಧಾರ್, ಪಾನ್, ಆರ್ಸಿ ಕಾರ್ಡ್ಗಳು ಪತ್ತೆಯಾಗಿವೆ. ಹೆಸರು, ವಿಳಾಸ ನಮೂದಿಸದೇ ಇರುವ ಸರ್ಕಾರದ ಮೋನೋಗ್ರಾಮ್ ಹೊಂದಿರುವ ತಲಾ 9 ಸಾವಿರ ಆಧಾರ್, ಪಾನ್ ಕಾರ್ಡ್ಗಳು, 1200 ಪಡಿತರ ಚೀಟಿ, ಹೆಸರು, ವಿಳಾಸ ಮುದ್ರಿಸಿರುವ 250 ನಕಲಿ ಆರ್ಸಿ ಕಾರ್ಡ್, 6240 ನಕಲಿ ಚುನಾವಣಾ ಗುರುತಿನ ಚೀಟಿಗಳು, ಹೆಸರು, ವಿಳಾಸ ನಮೂದಿಸದೇ ಇರುವ 28 ಸಾವಿರ ಚುನಾವಣಾ ಗುರುತಿನ ಚೀಟಿ ಪತ್ತೆಯಾಗಿವೆ. ಕೃತ್ಯಕ್ಕೆ ಬಳಸಿದ್ದ 3 ಲ್ಯಾಪ್ಟಾಪ್, 3 ಪ್ರಿಂಟರ್, 67 ಸಾವಿರ ರೂ. ಹಾಗೂ 1 ಕಂಪ್ಯೂಟರ್ ಜಪ್ತಿ ಮಾಡಿರುವುದಾಗಿ ಕಮಲ್ ಪಂತ್ ತಿಳಿಸಿದ್ದಾರೆ. ತಲಘಟ್ಟಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
