6 ಸಾವಿರ ಸಂವಿಧಾನ ಓದು ಪುಸ್ತಕ ವಿತರಣೆ ಮಾಡಿದ ಕಬ್ಬಾರ

ರಾಣೆಬೆನ್ನೂರ: ಡಾ. ಬಿ.ಆರ್​. ಅಂಬೇಡ್ಕರ್​ ಅವರ 134ನೇ ಜಯಂತಿ ನಿಮಿತ್ತ ಇಲ್ಲಿಯ ರಾಜ್ಯ ರೈತ ಸಂದ ತಾಲೂಕು ಅಧ್ಯಕ್ಷ ಹನುಮಂತಪ್ಪ ಕಬ್ಬಾರ ನಗರ ಸೇರಿ ತಾಲೂಕಿನಾದ್ಯಂತ ಮನೆ ಮನೆಗೆ ತೆರಳಿ 6 ಸಾವಿರ ಸಂವಿಧಾನ ಓದು ಪುಸ್ತಕ ಹಂಚುವ ಮೂಲಕ ಗಮನ ಸೆಳೆದರು.

ನಿವೃತ್ತ ನ್ಯಾಯಮೂತಿರ್ ಎಚ್​.ಎನ್​. ನಾಗಮೋಹನ ದಾಸ ಅವರು ಬರೆದ ಸಂವಿಧಾನ ಓದು ಪುಸ್ತಕಗಳನ್ನು ಹನುಮಂತಪ್ಪ ಕಬ್ಬಾರ ಒಂದು ವಾರಗಳ ಕಾಲ ಗ್ರಾಮೀಣ ಭಾಗದ ಮನೆ ಮನೆಗಳಿಗೆ ಹಂಚಿದ್ದಾರೆ. ಅಲ್ಲದೆ ಸೋಮವಾರ ನಗರದಲ್ಲಿ ತಾಲೂಕು ಆಡಳಿತದಿಂದ ಹಮ್ಮಿಕೊಂಡಿದ್ದ ಡಾ. ಬಿ.ಆರ್​. ಅಂಬೇಡ್ಕರ್​ ಜಯಂತಿ ಸಮಾರಂಭ ಹಾಗೂ ಮೆರವಣಿಗೆಯಲ್ಲಿ ಪುಸ್ತಕಗಳನ್ನು ವಿತರಿಸಿದರು. ಜತೆಗೆ ಮೆರವಣಿಗೆಯಲ್ಲಿ ಪಾಲ್ಗೊಂಡವರಿಗೆ ಮಜ್ಜಿಗೆ, ಬಾಳೆಹಣ್ಣು ವಿತರಿಸಿದರು.