ಒಂದೇ ಆಸ್ಪತ್ರೆಯ ಒಂದೇ ಮಹಡಿಯಲ್ಲಿ ಕೆಲಸ ಮಾಡುವ 6 ನರ್ಸ್ಗಳಿಗೆ ಬ್ರೈನ್ ಟ್ಯೂಮರ್! ಕಾರಣ ಏನು ಗೊತ್ತಾ? Brain Tumor

 Brain Tumor | ಒಂದೇ ಆಸ್ಪತ್ರೆಯಲ್ಲಿ ಒಟ್ಟಿಗೆ ಕೆಲಸಮಾಡುವ 6 ನರ್ಸ್​ಗಳಿಗೆ ಬ್ರೈನ್​ ಟ್ಯೂಮರ್ ಕಾಣಿಸಿಕೊಂಡಿರುವ ಘಟನೆ ಮ್ಯಾಸಚೂಸೆಟ್ಸ್​ನಲ್ಲಿ ನಡೆದಿದೆ. ಒಬ್ಬರ ನಂತರ ಒಬ್ಬರಲ್ಲಿ ಈ ಬ್ರೈನ್ ಟ್ಯೂಮರ್ ಕಾಣಿಸಿಕೊಂಡು ಆತಂಕ ಮೂಡಿಸಿದೆ.

ಈ ಕಾಯಿಲೆ ಪೀಡಿತ ನರ್ಸ್​ಗಳು ನ್ಯೂಟನ್-ವೆಲ್ಲೆಸ್ಲಿ ಆಸ್ಪತ್ರೆಯಲ್ಲಿಯ ಐದನೇ ಮಹಡಿಯ ಹೆರಿಗೆ ವಿಭಾಗದಲ್ಲಿ ಕೆಲಸ ಮಾಡುತ್ತಾರೆ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಆಸ್ಪತ್ರೆ ತನಿಖೆಯನ್ನು ಪ್ರಾರಂಭಿಸಿತು ಮತ್ತು ಪ್ರಕರಣಗಳ ಹಿಂದೆ ಆ ಫ್ಲೋರ್​ನಲ್ಲಿ ಯಾವುದೇ ರೀತಿಯ ಅಪಾಯವಿಲ್ಲ ಎಂದು ಆಸ್ಪತ್ರೆ ಹೇಳಿಕೊಂಡಿತ್ತು.

ಆದರೆ ನರ್ಸ್​ಗಳ ಮೆದುಳಿನಲ್ಲಿ ಸಣ್ಣ ಪ್ರಮಾಣದ ಗಡ್ಡೆಗಳು ಕಾಣಿಸಿಕೊಂಡಿವೆ. ಹಾಗೂ ಇವರೆಲ್ಲರೂ ಐದನೇ ಮಹಡಿಯಲ್ಲಿ ವಿವಿಧ ಅವಧಿಗಳಿಗೆ ಕೆಲಸ ಮಾಡಿದ ಆರು ನರ್ಸ್​ಗಳು ಎಂದು ಒಎಚ್​ಎಸ್ ಗುರುತಿಸಿದೆ ಹಾಗೆಯೇ ಇದು ಅವರಿಗೆ ಹಾನಿಕರವಲ್ಲದ ಬ್ರೈನ್ ಟ್ಯೂಮರ್ ಎಂದು ಹೇಳಲಾಗಿದೆ.

ಸುತ್ತಮುತ್ತಲಿನ ಪರಿಸರದಲ್ಲಿರುವ ಕ್ಯಾನ್ಸರ್ ಕಾರಕ ವಿಷಗಳು ಇದಕ್ಕೆ ಕಾರಣವಾಗಬಹುದು. ಹಾಗೂ ಸಾಮೂಹಿಕ ಗಡ್ಡೆಗಳ ಹಿಂದಿನ ಕಾರಣವೇನಿರಬಹುದು ಎಂಬುದನ್ನು ತಿಳಿದುಕೊಳ್ಳಲು ಮ್ಯಾಸಚೂಸೆಟ್ಸ್ ನರ್ಸ್​ಗಳ ​ ಸಂಘ ಈ ವಿಷಯವನ್ನು ಪರಿಶೀಲಿಸುತ್ತಿದೆ. ಈ ಬಗ್ಗೆ ಆಸ್ಪತ್ರೆ ಅಧಿಕಾರಿಗಳು ಸಾಮಾನ್ಯ ಕಾರಣವನ್ನು ಕಂಡುಕೊಳ್ಳದಿದ್ದರೂ, ಆಸ್ಪತ್ರೆ ಸಿಬ್ಬಂದಿಗಳು ಬೇರೆಯ ರೀತಿಯಲ್ಲಿಯೇ ಯೋಚಿಸುತ್ತಿದ್ದಾರೆ. ಈ ಬ್ರೈನ್​ ಟ್ಯೂಮರ್ ನಡುವಿನ ಸಾಮಾನ್ಯ ಸಂಬಂಧವನ್ನು ಇನ್ನೂ ಕಂಡುಹಿಡಿಯಲಾಗಿಲ್ಲ ಎಂದು OHS ಹೇಳುತ್ತಿದೆ. ಈ ಪರಿಸ್ಥಿತಿಗಳು ವೈದ್ಯಕೀಯ ಕೆಲಸದ ವಾತಾವರಣದಿಂದ ಉಂಟಾಗಿವೆ ಎಂಬುದಕ್ಕೆ ನಮಗೆ ಯಾವುದೇ ಪುರಾವೆಗಳು ಕಂಡುಬಂದಿಲ್ಲ ಎಂಬುದು ವರದಿಯಲ್ಲಿ ತಿಳಿಸಲಾಗಿದೆ.

ಇದನ್ನೂ ಓದಿ: ಜಾತಿ ಗಣತಿ ಬಗ್ಗೆ ಸಚಿವ ಸಂಪುಟದಿಂದ ಯಾವುದೇ ನಿರ್ಣಯ ಇಲ್ಲ; ಹಾಗಾದ್ರೆ ಸಚಿವರು ಹೇಳಿದ್ದೇನು

ಗಡ್ಡೆಗಳ ಮೂಲ ಕಾರಣವನ್ನು ತಲುಪಲು ಈ ವಿಷಯದ ತನಿಖೆಯನ್ನು ಮುಂದುವರಿಸುವುದಾಗಿ ಮ್ಯಾಸಚೂಸೆಟ್ಸ್ ನರ್ಸ್ ಅಸೋಸಿಯೇಷನ್ ​​ಹೆರಾಲ್ಡ್‌ಗೆ ತಿಳಿಸಿದೆ. ಆಸ್ಪತ್ರೆಯ ತನಿಖೆ ಸಮಗ್ರವಾಗಿಲ್ಲ ಮತ್ತು ನ್ಯೂಟನ್-ವೆಲ್ಲೆಸ್ಲಿ ಆಸ್ಪತ್ರೆಯಲ್ಲಿ ಏನೋ ತಪ್ಪಾಗಿದೆ ಎಂದು ತೋರುತ್ತದೆ ಎಂದು ಅದು ಹೇಳಿದೆ. ಈ ತಿಂಗಳ ಅಂತ್ಯದವರೆಗೆ ತನಿಖೆ ಮುಂದುವರಿಯಲಿದ್ದು, ಅಂದು ಒಕ್ಕೂಟವು ತನ್ನ ಸಂಶೋಧನೆಗಳನ್ನು ಬಹಿರಂಗಪಡಿಸುತ್ತದೆ. ತನಿಖೆ ಇನ್ನೂ ನಡೆಯುತ್ತಿದ್ದು, ಸ್ಪಷ್ಟ ಕಾರಣ ಹೊರಬರಬೇಕಿದೆ.

ಬ್ರೈನ್ ಟ್ಯೂಮರ್ ಮೂಲ ಕಾರಣವನ್ನು ತಿಳಿಯಲು ಈ ವಿಷಯದ ತನಿಖೆಯನ್ನು ಮುಂದುವರಿಸುವುದಾಗಿ ಮ್ಯಾಸಚೂಸೆಟ್ಸ್ ನರ್ಸ್ ಅಸೋಸಿಯೇಷನ್ ​​ಹೆರಾಲ್ಡ್‌ಗೆ ತಿಳಿಸಿದ್ದು, ನ್ಯೂಟನ್-ವೆಲ್ಲೆಸ್ಲಿ ಆಸ್ಪತ್ರೆಯಲ್ಲಿ ಏನೋ ತಪ್ಪಾಗಿದೆ ಅಥವಾ ಆಸ್ಪತ್ರೆಯ ತನಿಖೆ ಸಮಗ್ರವಾಗಿಲ್ಲ ತೋರುತ್ತದೆ ಎಂಬುದನ್ನು ಹೇಳಿದೆ. ಈ ತಿಂಗಳ ಕೊತೆಯವರೆಗೂ ತನಿಖೆ ಮುಂದುವರಿಯಲಿದ್ದು, ನಂತರ ಸಂಶೋಧನೆಗಳನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸುತ್ತದೆ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್​)