ನೀತಿ ಸಂಹಿತೆ ಕಟ್ಟುನಿಟ್ಟಿನ ಜಾರಿಗೆ 5026 ತಂಡ ಕಾರ್ಯಾಚರಣೆ

ಬೆಂಗಳೂರು: ಲೋಕಸಭೆ ಚುನಾವಣೆ ನೀತಿ ಸಂಹಿತೆ ಜಾರಿಯಲ್ಲಿದ್ದು, 2,357 ಕ್ಷಿಪ್ರ ಪಡೆ,2,669 ಸ್ಥಾಯಿ ಕಣ್ಗಾವಲು ತಂಡಗಳು ಕಾರ್ಯಾಚರಣೆಗೆ ಇಳಿದಿವೆ. ಸರ್ಕಾರಕ್ಕೆ ಸೇರಿದ 87,212 ಪೋಸ್ಟರ್, ಗೋಡೆ ಬರಹ, ಬ್ಯಾನರ್ ಮತ್ತು ಇತರ ಪ್ರಚಾರ ಸಾಮಗ್ರಿಗಳನ್ನು ತೆರವುಗೊಳಿಸಲಾಗಿದೆ.

ಚುನಾವಣೆ ೋಷಣೆಯಾದ ಬಳಿಕ 17.73 ಲಕ್ಷ ರೂ. ನಗದು, 45,76,200 ರೂ. ಮೌಲ್ಯದ ಇತರ ವಸ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ. 15.37 ಕೋಟಿ ರೂ. ಮೌಲ್ಯದ 4.94 ಲಕ್ಷ ಲೀ.ಮದ್ಯ, 5.66 ಲಕ್ಷ ರೂ. ಬೆಲೆಬಾಳುವ 7.3 ಕೆಜಿ ಡ್ರಗ್ಸ್ ಸೇರಿದಂತೆ ಒಟ್ಟು 15.89 ಕೋಟಿ ರೂ. ಮೌಲ್ಯದ ಮದ್ಯ, ಮಾದಕ ವಸ್ತುಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಮುಖ್ಯ ಚುನಾವಣಾಧಿಕಾರಿ ಕಚೇರಿ ತಿಳಿಸಿದೆ.