ಇದು ಜಗತ್ತಿನ ಅತ್ಯಂತ ಹಳೆಯ ಸಂಗೀತ ಸಾಧನ: ಇಲ್ಲಿದೆ ದಿವ್ಜೆ ಬೇಬ್ ಕೊಳಲು ಕುರಿತ ಅಚ್ಚರಿ ಸಂಗತಿ

ಲುಬ್ಲಿಯಾನಾ: ಪ್ರಾಚೀನ ಕಾಲದ ಅನೇಕ ಸಂಗೀತ ಸಾಧನಗಳ ಬಗ್ಗೆ ನಾವು ಕೇಳಿದ್ದೇವೆ ಮತ್ತು ನೋಡಿದ್ದೇವೆ. ಆದರೆ, 1995ರಲ್ಲಿ ಪತ್ತೆಯಾದ ಕೊಳಲನ್ನು ಜಗತ್ತಿನಲ್ಲೇ ಅತ್ಯಂತ ಹಳೆಯ ಸಂಗೀತ ಸಾಧನವೆಂದು ಪರಿಗಣಿಸಲಾಗಿದೆ. ಪುರಾತತ್ವಶಾಸ್ತ್ರಜ್ಞರು ಪತ್ತೆಹಚ್ಚಿರುವ ಈ ಸಂಗೀತ ಸಾಧನವು 50 ಸಾವಿರ ವರ್ಷಗಳಷ್ಟು ಹಳೆಯದ್ದು ಎಂದು ಹೇಳಲಾಗಿದೆ.

ಇಂದಿಗೂ ನುಡಿಸಬಹುದು

ಸ್ಲೊವೇನಿಯಾದ ದಿವ್ಜೆ ಬೇಬ್ ಗುಹೆಯಲ್ಲಿ ಪತ್ತೆಯಾದ ಕೊಳಲನ್ನು ದಿವ್ಜೆ ಬೇಬ್ ಕೊಳಲು ಹಾಗೂ ನಿಯಾಂಡರ್ತಲ್ ಕೊಳಲೆಂದು ಕರೆಯಲಾಗುತ್ತದೆ. 1995ರಲ್ಲಿ ಇವಾನ್​ ಟರ್ಕ್​ ಹೆಸರಿನ ಪುರಾತತ್ವಶಾಸ್ತ್ರಜ್ಞರು ಇದ್ರಿಕಾ ನದಿ ಪಕ್ಕದಲ್ಲಿ ಉತ್ಖನನ ಮಾಡುವಾಗ ಮೂಳೆಗಳಿಂದ ಮಾಡಿದ ಮತ್ತು ನಿಯಾಂಡರ್ತಲ್​ ಜನಾಂಗ ಬಳಸುತ್ತಿದ್ದ ಕೊಳಲನ್ನು ಪತ್ತೆಹಚ್ಚಲಾಯಿತು. ಇಂದಿಗೂ ಈ ಕೊಳಲು ಅದ್ಭುತವಾಗಿ ಕಾರ್ಯನಿರ್ವಹಿಸುತ್ತದೆ. ಈ ವಿಶೇಷವಾದ ಕೊಳಲನ್ನು ಸ್ಲೋವೆನಿಯಾದ ರಾಷ್ಟ್ರೀಯ ಸಂಗ್ರಹಾಲಯದಲ್ಲಿ ಸಂರಕ್ಷಿಸಿ ಇಡಲಾಗಿದೆ.

ಇದನ್ನೂ ಓದಿ: ಸಂದರ್ಶನದಲ್ಲಿ ಮಹಿಳೆ ಕೊಟ್ಟ ಎಕ್ಸ್‌ಪೀರಿಯನ್ಸ್ ಸರ್ಟಿಫಿಕೇಟ್ ನೋಡಿ ಬೆಚ್ಚಿಬಿದ್ದ ಆಯ್ಕೆದಾರರು!

ಇದು ವಿಶ್ವದ ಅತ್ಯಂತ ಹಳೆಯ ಕೊಳಲಾಗಿದ್ದು, ಮೂರು ಪಂಕ್ಚರ್ ರಂಧ್ರಗಳನ್ನು ಸರಿಪಡಿಸಲಾಗಿದೆ. ನಿಯಾಂಡರ್ತಲ್​ಗಳು ಮೊದಲು ಸಂಗೀತ ವಾದ್ಯಗಳನ್ನು ತಯಾರಿಸಿದರು ಎಂದು ಹೇಳಲಾಗಿದೆ. ಈ ಜನಾಂಗದವೇ ಸಂಗೀತವನ್ನು ಮೊದಲು ರಚಿಸಿದ್ದಾರೆ ಎಂಬುದಕ್ಕೆ ಈ ಕೊಳಲು ಆಧಾರವಾಗಿದೆ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/man-gives-triple-talaq-to-wife-over-her-social-media-posts

https://www.vijayavani.net/minor-girl-falls-into-300-feet-deep-borewell-in-madhya-pradeshs-sehore-rescue-ops-underway