ಪ್ರವಾಸಿಗರೇ ಎಚ್ಚರ.. ಇಲ್ಲಿ ಮಾಸ್ಕ್​ ಧರಿಸದಿದ್ದರೆ 5 ಸಾವಿರ ರೂ. ದಂಡ ಇಲ್ಲವೇ 8 ದಿನ ಜೈಲುಶಿಕ್ಷೆ!

ನವದೆಹಲಿ: ಕೋವಿಡ್​-19 ಹಾವಳಿಯನ್ನು ತಡೆಯಲು/ನಿಯಂತ್ರಿಸಲು ಹಾಗೂ ಜನರು ಕೋವಿಡ್​ ಮಾರ್ಗಸೂಚಿಗಳನ್ನು ಪಾಲಿಸುವಂತೆ ಮಾಡಲು ಕೆಲವು ರಾಜ್ಯ/ದೇಶಗಳು ತಮ್ಮದೇ ಆದ ರೀತಿಯಲ್ಲಿ ನಾನಾ ಕ್ರಮಗಳನ್ನು ಜರುಗಿಸುತ್ತಿವೆ. ಅಂತೆಯೇ ಇಲ್ಲೊಂದು ಕಡೆ ಮಾಸ್ಕ್​ ಧರಿಸದಿದ್ದರೆ ಭಾರಿ ದಂಡವನ್ನೇ ತೆರಬೇಕಾಗುತ್ತದೆ ಇಲ್ಲವೇ ದಿನಗಟ್ಟಲೆ ಜೈಲುಶಿಕ್ಷೆ ಅನುಭವಿಸಬೇಕಾಗುತ್ತದೆ.

ಅಷ್ಟಕ್ಕೂ ಇಲ್ಲಿ ಪ್ರವಾಸಿಗರನ್ನು ನಿಯಂತ್ರಣದಲ್ಲಿ ಇರಿಸುವ ಸಲುವಾಗಿ ಇಂಥದ್ದೊಂದು ಕಠಿಣಕ್ರಮ ಜಾರಿಗೊಳಿಸಲಾಗಿದೆ. ಇತ್ತೀಚೆಗೆ ಇಲ್ಲಿ ಪ್ರವಾಸಿಗರು ಕೋವಿಡ್ ನಿಯಮ ಉಲ್ಲಂಘಿಸಿ ಬೇಕಾಬಿಟ್ಟಿ ವರ್ತಿಸಿರುವ ವಿಡಿಯೋ ವೈರಲ್ ಆಗಿರುವ ಹಿನ್ನೆಲೆಯಲ್ಲಿ ಈ ಕಟ್ಟುನಿಟ್ಟಿನ ಕ್ರಮಕೈಗೊಳ್ಳಲಾಗುತ್ತಿದೆ. ರಾಷ್ಟ್ರ ರಾಜಧಾನಿ ದೆಹಲಿ ಹಾಗೂ ಇತರ ಕಡೆಯಿಂದ ಇಲ್ಲಿಗೆ ಪ್ರವಾಸ ಬರುವವರು ಸಂಯಮದಿಂದ ಇರಲಿ ಎಂದು ಇಲ್ಲಿ ಈ ಭಾರಿ ದಂಡ ವಿಧಿಸಲಾಗುತ್ತಿದೆ.

ಇದನ್ನೂ ಓದಿ: ವಾಹನ ಸವಾರರೇ ಗಮನಿಸಿ.. ಆರು ತಿಂಗಳ ಬಳಿಕ ಆ ದಾಖಲೆ ಸಿಗಲ್ಲ…

ಅಂದಹಾಗೆ ಇದು ಹಿಮಾಚಲ ಪ್ರದೇಶ ಸರ್ಕಾರ ಕೈಗೊಂಡಿರುವ ಕಠಿಣಕ್ರಮ. ಇಲ್ಲಿನ ಮನಾಲಿಯಲ್ಲಿ ಪ್ರವಾಸಿಗರು ಮಾಸ್ಕ್​ ಧರಿಸದೆ ಇರುವುದು ಕಂಡುಬಂದಲ್ಲಿ ಅವರಿಗೆ 5 ಸಾವಿರ ರೂ. ದಂಡ ವಿಧಿಸಲಾಗುತ್ತದೆ. ಅದಕ್ಕೆ ತಪ್ಪಿದಲ್ಲಿ 8 ದಿನಗಳ ಕಾಲ ಜೈಲಿಗೆ ತಳ್ಳಲಾಗುತ್ತದೆ. ಹೀಗೆ ಇಲ್ಲಿ ಇದುವರೆಗೂ ಅಂದರೆ ಕಳೆದ ಏಳೆಂಟು ದಿನಗಳಲ್ಲಿ 3 ಲಕ್ಷ ರೂಪಾಯಿಗೂ ಅಧಿಕ ದಂಡ ಸಂಗ್ರಹಿಸಲಾಗಿದೆ ಎಂದು ಇಲ್ಲಿನ ಕುಲು ಎಸ್​ಪಿ ಗುರುದೇವ್ ಶರ್ಮಾ ತಿಳಿಸಿದ್ದಾರೆ. ಕುಲು, ಮನಾಲಿ, ಶಿಮ್ಲಾದಲ್ಲಿ ಕೋವಿಡ್ ನಿಯಮ ಉಲ್ಲಂಘಿಸುವ ಪ್ರವಾಸಿಗರನ್ನು ಹೀಗೆ ನಿಯಂತ್ರಿಸುವ ಜತೆಗೆ ನಿಯಮ ಉಲ್ಲಂಘಿಸದಂತೆ ತಡೆಯಲಾಗುತ್ತಿದೆ. (ಏಜೆನ್ಸೀಸ್)

https://www.vijayavani.net/281-doctors-requested-permission-to-commit-suicide/

https://www.vijayavani.net/99-2-of-recent-covid-19-deaths-in-the-us-involved-unvaccinated-people/

https://www.vijayavani.net/yogish-gowda-case-wife-smiles-officer-cries/