ಇಂದಿನಿಂದ 5 ದಿನ ಕಾರ್ಯಾಚರಣೆ

ಚನ್ನಪಟ್ಟಣ: ತಾಲೂಕಿನ ಗಡಿಯಂಚಿನ ತೆಂಗಿನಕಲ್ಲು ಮತ್ತು ಕಬ್ಬಾಳು ಅರಣ್ಯಪ್ರದೇಶ ವ್ಯಾಪ್ತಿಯಲ್ಲಿ ಬೇರೆ ಬೇರೆ ಗುಂಪುಗಳಲ್ಲಿ ಸಂಚರಿಸುತ್ತಿರುವ 23 ಅನೆಗಳು ಈ ಭಾಗದ ಜನತೆಯ ನಿದ್ದೆಗೆಡಿಸಿವೆ. ಈ ಭಾಗದ ರೈತರು ಅನೆ ದಾಳಿಯ ಉಪಟಳದಿಂದ ಬೇಸತ್ತು, ಅರಣ್ಯ ಇಲಾಖೆ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಹಿನ್ನೆಲೆಯಲ್ಲಿ ಗಜಪಡೆಯನ್ನು ಕಾವೇರಿ ವನ್ಯಧಾಮದತ್ತ ಓಡಿಸಲು ಅರಣ್ಯ ಇಲಾಖೆ ಮುಂದಾಗಿದೆ.

ಅದರಂತೆ ಗುರುವಾರದಿಂದ 5 ದಿನ ಕಾರ್ಯಾಚರಣೆ ಹಮ್ಮಿಕೊಂಡಿದೆ. ಇದಕ್ಕಾಗಿ ರಾಮನಗರದ ಕೈಲಾಂಚ, ಚನ್ನಪಟ್ಟಣದ ವಿರೂಪಾಕ್ಷಿಪುರ ಹಾಗೂ ಕನಕಪುರದ ಸಾತನೂರು ಹೋಬಳಿಗಳ ಜನತೆ ಸಹಕರಿಸುವಂತೆ ಅರಣ್ಯ ಉಪಸಂರಕ್ಷಣಾಧಿಕಾರಿ ದೇವರಾಜು ಮನವಿ ಮಾಡಿದ್ದಾರೆ. ಭಾಗಗಳ ಜನತೆ ಹಗಲು ಮತ್ತು ರಾತ್ರಿ ವೇಳೆಯಲ್ಲಿ ಜಾಗ್ರತೆವಹಿಸುವಂತೆ ಮನವಿ ಮಾಡಿದೆ.