ಒಂದೇ ಕಾಲಿನ ತೂಕ 45 ಕೆಜಿ! ನಾನೆಂದರೆ ಒಂದು ಶಕ್ತಿ ಎಂದು ಧೈರ್ಯದಿಂದ ಹೇಳಿಕೊಳ್ಳುವ ಮಾಡೆಲ್​

ವಾಷಿಂಗ್ಟನ್​: ಮಾಡೆಲ್​ ಎಂದರೆ ತೆಳ್ಳಗೆ ಬೆಳ್ಳಗಿರಬೇಕು... ನೋಡಿದಾಕ್ಷಣ ವಾಹ್​ ಎನಿಸುವಂತಿರಬೇಕು ಎನ್ನುವುದು ಅನೇಕರ ಕಲ್ಪನೆ. ಆದರೆ ಸೌಂದರ್ಯ ಅದನ್ನೆಲ್ಲ ಮೀರಿದ್ದು ಎಂದು ತೋರಿಸಿಕೊಟ್ಟಿದ್ದಾರೆ ಅಮೆರಿಕದ ಈ ಮಾಡೆಲ್​.

ಅಮೆರಿಕದ ಮಹೋಗಾನಿ ಗೇಟರ್ lymphedema ಹೆಸರಿನ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಈ ಕಾಯಿಲೆ ಬಂದವರಿಗೆ ದೇಹದ ಯಾವುದಾದರೂ ಭಾಗದಲ್ಲಿ ದ್ರವ್ಯಾಂಶ ತುಂಬಿಕೊಂಡು ಊದಿಕೊಳ್ಳುತ್ತದೆ. ಅದೇ ರೀತಿ ಮಹೋಗಾನಿಯ ಬಲಗಾಲು ಊದಿಕೊಂಡಿದೆ. ಬಾಲ್ಯದಿಂದಲೂ ಈ ತೊಂದರೆಯಿದ್ದು, 23 ವರ್ಷದ ಆಕೆಯ ಬಲಗಾಲು ಇದೀಗ ಬರೋಬ್ಬರಿ 45 ಕೆಜಿ ತೂಕವಿದೆ.

ಮೊದ ಮೊದಲು ಈ ಕಾಲು ಮಹೋಗಾನಿಗೆ ಒಂದು ದೊಡ್ಡ ಸಮಸ್ಯೆಯಾಗಿ ಕಾಡುತ್ತಿತ್ತಂತೆ. ಯಾಕೆ ನನಗೇ ಈ ಕಷ್ಟವೆಂದು ದೇವರಿಗೆ ಸಾಕಷ್ಟು ಬಾರಿ ಬೈದಿದ್ದಳಂತೆ. ಆದರೆ ಬರುಬರುತ್ತಾ ಆಕೆಗೆ ಅದು ಸಮಸ್ಯೆ ಎನಿಸಿಕೊಳ್ಳುವುದಕ್ಕಿಂತ ಶಕ್ತಿ ಎನಿಸತೊಡಗಿದೆ. ನನಗೆ ಇದನ್ನು ಎದುರಿಸುವ ಶಕ್ತಿ ಇರುವುದಕ್ಕೆ ದೇವರು ಈ ಸಮಸ್ಯೆಯನ್ನು ನನಗೆ ಕೊಟ್ಟಿದ್ದಾನೆ ಎಂದೆನೆಸಿದೆ. ಮಾಡೆಲಿಂಗ್​ ಕ್ಷೇತ್ರಕ್ಕೆ ಧುಮುಕಿದ ಆಕೆ ಸಾವಿರಾರು ಜನರಿಗೆ ಸ್ಫೂರ್ತಿಯಾಗಿ ಹೊರಹೊಮ್ಮಿದ್ದಾಳೆ.

ಅಂದ ಹಾಗೆ ಆಕೆಗೆ ಸಮಾಜ ತೀರಾ ಒಳ್ಳೆಯದಾಗಿ ನೋಡಿಕೊಂಡಿದೆ ಎಂದೂ ಹೇಳಲಾಗದು. ನಿಮ್ಮ ಕಾಲನ್ನು ಕತ್ತರಿಸಿಬಿಡಿ ಎನ್ನುವುದರಿಂದ ಹಿಡಿದು ಅಸಹ್ಯವೆನಿಸುವ ಕಾಮೆಂಟ್​ಗಳನ್ನೂ ಮಾಡಿದ್ದರಂತೆ. ಆದರೆ ಅದಕ್ಕಾವುದಕ್ಕೂ ತಲೆ ಕೆಡಿಸಿಕೊಳ್ಳದ ಆಕೆ ಒಳ್ಳೆಯದನ್ನೇ ಸ್ವೀಕರಿಸಿಕೊಂಡು ಉತ್ತಮ ಹೆಜ್ಜೆಗಳನ್ನೇ ಇಟ್ಟುಕೊಂಡು ಸಾಗಿದ್ದಾಳೆ. (ಏಜೆನ್ಸೀಸ್)

https://www.vijayavani.net/america-made-nude-club-as-vaccine-center/

https://www.vijayavani.net/person-trying-to-sell-car-online-accidentally-put-private-picture/