ಈ ಬಗ್ಗೆ ನೌಕರರು ಯೋಜನೆ ಅನುಷ್ಠಾನಗೊಳಿಸುವಾಗ ಎದುರಾಗಬಹುದಾದ ಸಮಸ್ಯೆ ಮತ್ತು ಸವಾಲುಗಳನ್ನು ಪರಿಗಣಿಸದೇ ಏಕಾಏಕಿ ನಿರ್ಧಾರ ಕೈಗೊಳ್ಳಲಾಗಿದೆ. ಹಣ ಪಾವತಿಗೆ ಕೆ2 ವಿಧಾನ ಅಳವಡಿಸಿರುವುದು ತ್ರಾಸದಾಯಕವಾಗಿದೆ. ಈ ಬಗ್ಗೆ ತರಬೇತಿ ಕೊರತೆ, ಖಜಾನೆ ಇಲಾಖೆ ಅಸಹಕಾರ ಗೊಂದಲ ಉಂಟು ಮಾಡಿದೆ. ಕೆ2 ಮೂಲಕ ಹಣ ಸೆಳೆಯುವುದು ತುಂಬ ವಿಳಂಬಕಾರಿಯಾಗಿದೆ. ಇದರ ಜತೆಗೆ ಹಲವು ತಾಂತ್ರಿಕ ಕಾರಣಗಳು ಯೋಜನೆ ಅನುಷ್ಠಾನಕ್ಕೆ ತೊಡಕುಂಟು ಮಾಡಿವೆ. ಅಲ್ಲದೆ, ಕೆ2 ಮೂಲಕ ಪಾವತಿಯ ವಿಧಾನದಲ್ಲಿ ಗ್ರಾಮ ಪಂಚಾಯಿತಿ ಅಧ್ಯಕ್ಷರ ಪಾತ್ರವೇ ಇಲ್ಲದಿರುವುದರಿಂದ ಸ್ವಚ್ಛ ಭಾರತ್ ಮಿಷನ್ ಯೋಜನೆ ಅನುಷ್ಠಾನದಲ್ಲಿ ಗೊಂದಲ ಸೃಷ್ಟಿಯಾಗಿವೆ. ಈ ಎಲ್ಲ ಅಂಶಗಳನ್ನು ಪರಿಗಣಿಸಿ 318 ಪಿಡಿಒ ವಿರುದ್ಧ ಶಿಸ್ತು ಕ್ರಮದ ನಿರ್ಧಾರ ಕೈಬಿಡಬೇಕೆಂದು ಅಧಿಕಾರಿಗಳು ಆಗ್ರಹಿಸಿದ್ದರು. ಈ ಹಿನ್ನೆಲೆಯಲ್ಲಿ ಅಮಾನತಿಗೆ ತಡೆ ಬಿದ್ದಿದೆ ಎನ್ನಲಾಗಿದೆ.
