ಕೇಂದ್ರ ಸರ್ಕಾರ ನೀಡುವ ವಾರ್ಷಿಕ 6000 ರೂ. ಜತೆಗೆ ರಾಜ್ಯವು 4000 ರೂ. ಕೊಡಲು 2000 ಕೋಟಿ ರೂ. ಬೇಕಾಗುತ್ತದೆ ಎಂದು ಅಂದಾಜಿಸಲಾಗಿತ್ತು. ಅಂತೆಯೇ, ಬಿಎಸ್ವೈ ಸೂಚನೆ ಮೇರೆಗೆ ಕೃಷಿ ಇಲಾಖೆಯ ಸಾದಿಲ್ವಾರು ಮೊತ್ತ 80 ಕೋಟಿ ರೂ. ಇದ್ದುದನ್ನು 2019ರ ಆಗಸ್ಟ್ನಲ್ಲಿ ದಿಢೀರ್ 2200 ಕೋಟಿ ರೂ.ಗೆ ಹೆಚ್ಚಿಸಿ ಆರ್ಥಿಕ ಇಲಾಖೆ ಬಿಡುಗಡೆ ಮಾಡಿತ್ತು. ತಾಂತ್ರಿಕ ಸಮಸ್ಯೆ ಇರುವ ಕೆಲ ಪ್ರಕರಣ ಬಿಟ್ಟರೆ, ಬಹುತೇಕ ಎಲ್ಲ ರೈತರ ಖಾತೆಗೆ ಆ ಸಾಲಿನಲ್ಲಿ ರಾಜ್ಯದ ಹಣ ಜಮಾ ಆಗಿತ್ತು. ಆದರೆ, ನಂತರ 2020-2021ರಲ್ಲಿ ಆರ್ಥಿಕ ಕಾರಣದಿಂದಾಗಿ ಈ ಯೋಜನೆಗೆ ಹಿಡಿದ ಗ್ರಹಣ ಇನ್ನೂ ಬಿಟ್ಟಿಲ್ಲ. ಪ್ರತಿ ಆರು ತಿಂಗಳಿಗೊಮ್ಮೆ ರೈತರಿಗೆ ತಲಾ 2000 ರೂ.ನಂತೆ ಪಾವತಿಸಬೇಕು. ಈಗ ರೈತರಿಗೆ ಮೂರು ಕಂತಿನ ಬಾಕಿ ಇದೆ. ಪ್ರತಿ ರೈತರಿಗೆ 6000 ರೂ. ನೀಡಬೇಕಾಗಿದ್ದು, ಈ ಒಟ್ಟು ಮೊತ್ತವು ಅಂದಾಜು 3000 ಕೋಟಿ ರೂ. ಆಗಿದೆ.
