‘ಪ್ರತಿದಿನ, ದೂರುಗಳು ಬರುತ್ತಿದ್ದು ಅವುಗಳನ್ನು ಮುಂದಿನ ಕ್ರಮಕ್ಕಾಗಿ ಕೇಂದ್ರೀಯ ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್ ಮಂಡಳಿಗೆ (ಸಿಬಿಐಸಿ) ಕಳುಹಿಸುತ್ತಿದ್ದೇವೆ’ ಎಂದು ಗ್ರಾಹಕ ವ್ಯವಹಾರ ಕಾರ್ಯದರ್ಶಿ ನಿಧಿ ಖರೆ ಸೋಮವಾರ ಸುದ್ದಿಗಾರರಿಗೆ ತಿಳಿಸಿದ್ದಾರೆ. ಜಿಎಸ್ಟಿ ದರ ಇಳಿಕೆಯ ಲಾಭವನ್ನು ನೇರವಾಗಿ ಗ್ರಾಹಕರಿಗೆ ವರ್ಗಾಯಿಸದೇ, ರಿಯಾಯಿತಿ ನೀಡಿಕೆ ಮತ್ತಿತರ ತಪ್ಪುದಾರಿಗೆಳೆಯುವ ಮಾರ್ಗಗಳನ್ನು ಕೆಲವು ಮಳಿಗೆಗಳು ಮಾಡುತ್ತಿವೆ. ಇದನ್ನು ಕೇಂದ್ರ ಗ್ರಾಹಕ ವ್ಯವಹಾರಗಳ ಇಲಾಖೆ ಗಮನವಿಟ್ಟು ಪರಿಶೀಲಿಸುತ್ತಿದೆ. ವಿವಿಧ ವಲಯಗಳ ದೂರುಗಳ ಸ್ಪಷ್ಟ ಚಿತ್ರಣ ಪಡೆಯಲು ಕೃತಕ ಬುದ್ಧಿಮತ್ತೆ ಮತ್ತು ಚಾಟ್ಬಾಟ್ ತಂತ್ರಜ್ಞಾನವನ್ನು ಬಳಸುತ್ತಿದೆ. ತಪ್ಪುದಾರಿಗೆಳೆಯುವ ಜಾಹೀರಾತುಗಳು, ಡಾರ್ಕ್ ಪ್ಯಾಟರ್ನ್ಗಳ ಬಳಕೆ, ಅನ್ಯಾಯದ ವ್ಯಾಪಾರ ಕ್ರಮಗಳನ್ನು ಕೆಲವು ವ್ಯಾಪಾರಸ್ಥರು ಅನುಸರಿಸುತ್ತಿರುವುದರ ಬಗ್ಗೆ ಸಚಿವಾಲಯ ಪರಿಶೀಲಿಸುತ್ತಿದೆ. ಗ್ರಾಹಕರಿಗೆ ಮೋಸವಾಗಲು ಬಿಡುವುದಿಲ್ಲ ಎಂದು ಖರೆ ತಿಳಿಸಿದ್ದಾರೆ.
