ಲಸಿಕೆಯಿಂದ ಚಿಂಪಾಜೀಗಳಾಗ್ತಾರೆಂದು ಅಪಪ್ರಚಾರ! 300 ಖಾತೆಗಳನ್ನು ತೆಗೆದುಹಾಕಿದ ಫೇಸ್​ಬುಕ್​

ನವದೆಹಲಿ : ಕರೊನಾ ಲಸಿಕೆಯ ಬಗ್ಗೆ ಹಲವಾರು ಸುಳ್ಳು ಮಾಹಿತಿಗಳು ಮತ್ತು ವದಂತಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವುದು ಸಾಮಾನ್ಯ ವಿಚಾರವಾಗಿದೆ. ಈ ರೀತಿಯ ಸುಳ್ಳು ವದಂತಿಗಳನ್ನು ಹರಡುವ ವ್ಯವಸ್ಥಿತ ಸಂಚೊಂದನ್ನು ಫೇಸ್​ಬುಕ್​ ಪತ್ತೆ ಹಚ್ಚಿದ್ದು, ಈ ಹಿನ್ನೆಲೆಯಲ್ಲಿ ಸುಮಾರು 300 ಫೇಸ್​ಬುಕ್​ ಮತ್ತು ಇನ್ಸ್​​ಟಾಗ್ರಾಂ ಖಾತೆಗಳನ್ನು ತೆಗೆದುಹಾಕಿದೆ.

ಸದರಿ ಖಾತೆಗಳು ಆಸ್ಟ್ರಾಜೆನೆಕಾ ಮತ್ತು ಫೈಜರ್​ನ ಕರೊನಾ ಲಸಿಕೆಗಳು ಮನುಷ್ಯರನ್ನು ಚಿಂಪಾಜೀಗಳನ್ನಾಗಿ ಬದಲಾಯಿಸುತ್ತವೆ ಎಂಬ ಮೀಮ್​ಗಳು ಮತ್ತು ಇತರ ಸಂದೇಶಗಳನ್ನು ಹರಡುತ್ತಿದ್ದವು. ಪ್ಲಾನೆಟ್​ ಆಫ್​ ಏಪ್ಸ್​ ಎಂಬ ಹಾಲಿವುಡ್​ ಚಿತ್ರದ ದೃಶ್ಯವನ್ನು ಬಳಸಿ ಅಪಪ್ರಚಾರ ಮಾಡುತ್ತಿದ್ದವು ಎನ್ನಲಾಗಿದೆ.

ಇದನ್ನೂ ಓದಿ: ಫ್ರಿಜ್ಜಲ್ಲಿ ವೃದ್ಧನ ಶವ ಪತ್ತೆ! ಮೊಮ್ಮಗ ಕೊಟ್ಟ ಕಾರಣಕ್ಕೆ ಪೊಲೀಸರು ತಬ್ಬಿಬ್ಬು

ಈ ಸಂಬಂಧವಾಗಿ, ಇಂಗ್ಲೆಂಡಿನಲ್ಲಿ ನೋಂದಾಯಿಸಲ್ಪಟ್ಟ ಫಾಜ್​​ ಎಂಬ ಮಾರ್ಕೆಟಿಂಗ್​ ಕಂಪೆನಿಯು ಮುಖ್ಯವಾಗಿ ರಷ್ಯಾದಿಂದ ಆಪ್​ರೇಟ್​ ಮಾಡುತ್ತಿದ್ದ 300 ಖಾತೆಗಳು ಪತ್ತೆಯಾದವು. ಇವು ಪ್ರಾಥಮಿಕವಾಗಿ ಭಾರತ ಮತ್ತು ಲ್ಯಾಟಿನ್ ಅಮೆರಿಕಾದ ಜನರಿಗೆ ಸುಳ್ಳು ಮಾಹಿತಿ ನೀಡುವ ಗುರಿ ಹೊಂದಿದ್ದವು ಎಂದು ವರದಿ ಹೇಳಿದೆ. (ಏಜೆನ್ಸೀಸ್)

https://www.vijayavani.net/corona-delta-plus-takes-three-lives-in-maharashtra/

https://www.vijayavani.net/house-maid-steals-gold-ornaments-worth-rs-18-lakh/