ಹಳಿ ದಾಟುವಾಗ ಕಾರಿಗೆ ರೈಲು ಡಿಕ್ಕಿ: ಒಂದೇ ಕುಟುಂಬದ ಮೂವರ ದುರ್ಮರಣ

ಪಟನಾ: ಕಾರೊಂದಕ್ಕೆ ರೈಲು ಡಿಕ್ಕಿಯಾದ ಪರಿಣಾಮ ನಾಲ್ಕು ವರ್ಷದ ಬಾಲಕ ಸೇರಿ ಒಂದೇ ಕುಟುಂಬದ ಮೂವರು ಸಾವಿಗೀಡಾಗಿರುವ ಘಟನೆ ಬಿಹಾರದ ಪಟನಾ ಜಿಲ್ಲೆಯಲ್ಲಿ ಶನಿವಾರ ನಡೆದಿದೆ.

ಇದನ್ನೂ ಓದಿ: ಅರೆಬೆತ್ತಲೆ ದೇಹದ ಮೇಲೆ ಮಕ್ಕಳು ಡ್ರಾಯಿಂಗ್ ಮಾಡಿದ್ದರಲ್ಲಿ ಅಶ್ಲೀಲತೆ ಏನಿದೆ? ಸರ್ಕಾರಕ್ಕೆ ರೆಹನಾ ತಿರುಗೇಟು!

ಕಾರು ಪೊಟಾಹಿ ಮತ್ತು ನದ್ವಾನ್​ ನಡುವಿನ ರೈಲ್ವೇ ಹಳಿ ಕ್ರಾಸ್​ ಮಾಡುವಾಗ ಪಟನಾ-ರಾಂಚಿ ಜನ್​ಶತಾಬ್ದಿ ಸ್ಪೆಷನ್​ ಟ್ರೈನ್​ ಡಿಕ್ಕಿ ಹೊಡೆದಿದೆ. ಇಂದು ಬೆಳಗ್ಗೆ 6.35ರ ಸುಮಾರಿಗೆ ಘಟನೆ ನಡೆದಿದೆ ಎಂದು ಪೂರ್ವ ಕೇಂದ್ರ ರೈಲ್ವೆ ವಲಯದ ಸಿಪಿಆರ್​ಒ ರಾಜೇಶ್​ ಕುಮಾರ್​ ಮಾಹಿತಿ ನೀಡಿದ್ದಾರೆ.

ಇದು ಕಾರು ಚಾಲಕನ ಸಂಪೂರ್ಣ ನಿರ್ಲಕ್ಷ್ಯವಾಗಿದೆ. ಸಿಗ್ನಲ್​ ಇದ್ದರೂ ಅನಧಿಕೃತವಾಗಿ ಹಳಿ ಕ್ರಾಸ್​ ಮಾಡಲು ಯತ್ನಿಸಿದರು. ಗಯಾಗೆ ತೆರಳುತ್ತಿದ್ದ ರೈಲು ಇದೇ ವೇಳೆ ಡಿಕ್ಕಿ ಹೊಡೆದಿದೆ ಎಂದು ಕುಮಾರ್​ ಹೇಳಿದ್ದಾರೆ.

ಮೃತರನ್ನು ಸುಜಿತ್​ (32) ಪತ್ನಿ ನಿಲಿಮಾ (26) ಎಂದು ತಿಳಿದುಬಂದಿದೆ. ಮಗುವಿನ ಹೆಸರು ತಿಳಿದುಬರಬೇಕಿದೆ. ಇವರು ಪಟನಾ ನಗರದ ಆನಂದಪುರಿ ಏರಿಯಾದವರು ಎಂದು ಪನ್​ಪನ್​ ಪೊಲೀಸ್​ ಠಾಣೆಯ ಎಸ್​ಎಚ್​ಒ ಹೇಳಿದ್ದಾರೆ.

ಇದನ್ನೂ ಓದಿ: ಕೊನೆಗೂ ನಿಜವಾಯ್ತಾ ನೆಟ್ಟಿಗರ ಊಹೆ? ಎಲ್ಲಿ ಹೋಯ್ತು ಡ್ರೋನ್​ ಪ್ರತಾಪ್​ ಫ್ಯಾನ್ಸ್ ಕ್ಲಬ್ ಪೇಜ್​?

ಈ ಸಂಬಂಧ ದೂರು ದಾಖಲಾಗಿದ್ದು, ಮೃತದೇಹಗಳನ್ನು ಮರಣೋತ್ತರ ವರದಿಗೆ ಕಳುಹಿಸಲಾಗಿದೆ. (ಏಜೆನ್ಸೀಸ್​)

https://www.vijayavani.net/tmc-bjp-workers-clash-during-protest-over-corruption-in-amphan-relief/