ಭಾರತಕ್ಕೆ ಮತ್ತೆ ಮೂರು ರಫೇಲ್

ನವದೆಹಲಿ: ಎರಡನೇ ಬ್ಯಾಚ್​ನ ರಫೇಲ್ ಯುದ್ಧ ವಿಮಾನ ಫ್ರಾನ್ಸ್ ನಿಂದ ಭಾರತಕ್ಕೆ ಬುಧವಾರ ರವಾನೆಯಾಗಿದೆ. ಮೂರು ರಫೆಲ್ ಜೆಟ್​ಗಳು ಫ್ರಾನ್ಸ್ ನಿಂದ ನೇರವಾಗಿ ಗುಜರಾತ್ ವಾಯುನೆಲೆಗೆ ಬಂದಿದೆ.

ಫ್ರಾನ್ಸ್​ನ ಸಮೀಪ ಆಗಸದಲ್ಲೇ ವಿಮಾನ ಇಂಧನ ತುಂಬಿಸಿಕೊಂಡಿದೆ. ಹೊಸ ಮೂರು ಜೆಟ್​ಗಳ ಸೇರ್ಪಡೆ ಬಳಿಕ ಭಾರತೀಯ ವಾಯುಪಡೆಗೆ 8 ಅತ್ಯಾಧುನಿಕ ರಫೆಲ್ ಜೆಟ್​ಗಳ ಬಲ ಬಂದಂತಾಗಿದೆ. ಇದಕ್ಕೂ ಮೊದಲು ಜುಲೈ 29 ರಂದು 5 ರಫೆಲ್ ವಿಮಾನಗಳ ಮೊದಲ ಬ್ಯಾಚ್​ನ್ನು ಭಾರತ ಸ್ವೀಕರಿಸಿತ್ತು.

ಸೆಪ್ಟೆಂಬರ್ 10ರಂದು ನಡೆದ ಕಾರ್ಯಕ್ರಮದಲ್ಲಿ ಅವುಗಳನ್ನು ಅಧಿಕೃತವಾಗಿ ವಾಯುಪಡೆಗೆ ನಿಯೋಜಿಸಲಾಯಿತು. 59,000 ಕೋಟಿ ರೂ.ಗಳ ವೆಚ್ಚದಲ್ಲಿ ಒಟ್ಟು 36 ರಫೇಲ್ ಯುದ್ಧ ವಿಮಾನಗಳನ್ನು ಖರೀದಿಸಲು ಫ್ರಾನ್ಸ್​ನೊಂದಿಗೆ ಭಾರತ ಒಪ್ಪಂದ ಮಾಡಿಕೊಂಡಿದ್ದು, ಇದರ ಅನ್ವಯ ಹಂತ ಹಂತವಾಗಿ 2022ರ ವೇಳೆಗೆ ಎಲ್ಲ ಜೆಟ್​ಗಳನ್ನು ಭಾರತಕ್ಕೆ ಹಸ್ತಾಂತರಿಸುವುದಾಗಿ ಫ್ರಾನ್ಸ್ ಹೇಳಿದೆ.