ಒಂದೇ ದಿನ ತೆರೆಗೆ ಬರಲಿವೆ 3 ಬಹುನಿರೀಕ್ಷಿತ ಸಿನಿಮಾ! ಬಾಕ್ಸ್ ಆಫೀಸ್​ ಪೈಪೋಟಿಗೆ ಹಾಲಿವುಡ್​, ಟಾಲಿವುಡ್​, ಬಾಲಿವುಡ್​... | Anticipated Films

Anticipated Films: ಭಾರತೀಯ ಚಿತ್ರೋದ್ಯಮಕ್ಕೆ ಈ ವರ್ಷದ ಮೊದಲಾರ್ಧಕ್ಕಿಂತ ದ್ವಿತೀಯಾರ್ಧ ದೊಡ್ಡ ವರವಾಗಿದೆ. ಇದಕ್ಕೆ ಕಾರಣ, ಜೂನ್ ತಿಂಗಳ ನಂತರ ತೆರೆಕಂಡ ಹಲವು ಭಾಷೆಯ ಸಿನಿಮಾಗಳು ಬಾಕ್ಸ್ ಆಫೀಸ್​ನಲ್ಲಿ ಮಾಡುತ್ತಿರುವ ಕಮಾಲ್​. ಕನ್ನಡ, ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಗಳ ಚಿತ್ರಗಳು ಒಂದಕ್ಕಿಂತ ಒಂದು ಸಿನಿಪ್ರೇಕ್ಷಕರನ್ನು ಮೋಡಿ ಮಾಡುವಲ್ಲಿ ಯಶಸ್ವಿಯಾಗಿವೆ. ಈ ಪೈಕಿ ಕನ್ನಡದ 'ಸು ಫ್ರಮ್ ಸೋ' ಮತ್ತು ತಮಿಳಿನ 'ಕೂಲಿ' ಚಿತ್ರಗಳು ಸಖತ್ ಸದ್ದು ಮಾಡಿವೆ.

ಇದನ್ನೂ ಓದಿ: 2 ಸಾವಿರ ಕೋಟಿ ವಂಚನೆ ಪ್ರಕರಣ; ಉದ್ಯಮಿ ಅನಿಲ್ ಅಂಬಾನಿಗೆ ಸೇರಿದ ಸ್ಥಳಗಳ ಮೇಲೆ ಸಿಬಿಐ ದಾಳಿ| CBI Raid

ಕನ್ನಡ ಚಿತ್ರದ್ದೇ ಹವಾ

ಮೊದಲಾರ್ಧಕ್ಕಿಂತ ದ್ವಿತೀಯಾರ್ಧದಲ್ಲಿ ಸಾಲು ಸಾಲು ಚಿತ್ರಗಳು ತೆರೆಗೆ ಅಪ್ಪಳಿಸುತ್ತಿದ್ದು, ಪ್ರೇಕ್ಷಕರನ್ನು ಮತ್ತೆ ಚಿತ್ರಮಂದಿರಗಳತ್ತ ಕೈಬೀಸಿ ಕರೆಯುತ್ತಿವೆ. ಈ ಸಾಲಿನಲ್ಲಿ ರಾಜ್ ಬಿ.ಶೆಟ್ಟಿ ನಿರ್ಮಾಣದ ಹಾಗೂ ಜೆಪಿ ತುಮಿನಾಡ್​ ನಿರ್ದೇಶನದ 'ಸು ಫ್ರಮ್ ಸೋ' ಹೊಸ ದಾಖಲೆಯನ್ನೇ ಬರೆದಿದೆ. ಟಿಕೆಟ್​ ಬುಕ್ಕಿಂಗ್​ನಲ್ಲಿ ದಾಖಲೆ ನಿರ್ಮಿಸಿದ ಈ ಕನ್ನಡ ಸಿನಿಮಾ, ಮೊದಲ ದಿನಕ್ಕಿಂತ ನಂತರದ ದಿನಗಳಲ್ಲಿ ನಿರೀಕ್ಷೆಗೂ ಮೀರಿ ಹೆಚ್ಚುವರಿ ಚಿತ್ರಮಂದಿರಗಳಲ್ಲಿ ಭರ್ಜರಿ ಪ್ರದರ್ಶನ ಕಂಡಿತು. ನೋಡುಗರು ಕೂಡ ಹೆಚ್ಚಿನ ಸಂಖ್ಯೆಯಲ್ಲಿ ಥಿಯೇಟರ್​ಗಳಿಗೆ ದೌಡಾಯಿಸಿದ್ದು, ಕನ್ನಡ ಚಿತ್ರಕ್ಕೆ ವಿಶೇಷ ಮನ್ನಣೆ, ಗೆಲುವು ಸಿಕ್ಕಿತು.

ಬಾಲಿವುಡ್​, ಹಾಲಿವುಡ್​, ಟಾಲಿವುಡ್​

ಇದೀಗ ಮೂರು ಬಹುನಿರೀಕ್ಷಿತ ಸಿನಿಮಾಗಳು ಒಂದೇ ದಿನ ರಿಲೀಸ್ ಆಗುತ್ತಿದ್ದು, ಚಿತ್ರರಸಿಕರಿಗೆ ಯಾವುದನ್ನು ನೋಡಬೇಕು? ಯಾವುದನ್ನು ಬಿಡಬೇಕು ಎಂಬ ಗೊಂದಲವನ್ನು ತಂದಿಟ್ಟಿದೆ. ಹಾಲಿವುಡ್​ನ ಯಶಸ್ವಿ ಹಾಗೂ ಬ್ಲಾಕ್​ಬಸ್ಟರ್​ ಹಾರರ್​ ಸರಣಿಯಾದ 'ದಿ ಕಾಂಜುರಿಂಗ್: ಲಾಸ್ಟ್​ ರೈಟ್ಸ್'​, ತೆಲುಗು ನಟಿ ಅನುಷ್ಕಾ ಶೆಟ್ಟಿ ಅಭಿನಯದ 'ಘಾಟಿ' ಮತ್ತು ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ 'ದಿ ಬೆಂಗಾಲ್ ಫೈಲ್ಸ್'​ ಚಿತ್ರಗಳು ಸೆ.05ರಂದು ಬಿಡುಗಡೆಯಾಗಲಿದೆ. ಈ ಚಿತ್ರಗಳು ತಮ್ಮ ಟ್ರೇಲರ್​ ಹಾಗೂ ಪೋಸ್ಟರ್​ಗಳ ಮೂಲಕ ಜಾಲತಾಣಗಳಲ್ಲಿ ಭಾರೀ ಕುತೂಹಲ ಹುಟ್ಟಿಸಿದೆ. ಒಂದೇ ದಿನ ತೆರೆಕಾಣಲಿರುವ ಚಿತ್ರ ಬಾಕ್ಸ್ ಆಫೀಸ್​ನಲ್ಲಿ ಹೇಗೆ ಕಮಾಲ್ ಮಾಡಲಿವೆ? ಪೈಪೋಟಿ ಕೊಡಲಿದ್ಯಾ? ಎಂಬುದನ್ನು ಮುಂದಿನ ದಿನಗಳಲ್ಲಿ ಕಾದು ನೋಡಬೇಕಿದೆ.

ಸೆ.05ಕ್ಕೆ 3 ಬಹುನಿರೀಕ್ಷಿತ ಚಿತ್ರಗಳು

1. ದಿ ಕಾಂಜುರಿಂಗ್: ಲಾಸ್​​ ರೈಟ್ಸ್​ (ಇಂಗ್ಲಿಷ್​)

2. ಘಾಟಿ (ತೆಲುಗು)

3. ದಿ ಬೆಂಗಾಲ್​ ಫೈಲ್ಸ್ (ಹಿಂದಿ)

https://www.vijayavani.net/today-gold-rate-has-increased-all-of-a-sudden