ಕುಡುಕ ಪುತ್ರನ ಕಾಮದಾಟಕ್ಕೆ ಅಮ್ಮ ಕಂಗಾಲು: ಶಾಕ್​ಗೆ ಒಳಗಾದ ಅಪ್ಪ ಮೊರೆ ಹೋದದ್ದು ಪೊಲೀಸರಿಗೆ..

ಲಖನೌ: ಉತ್ತರ ಪ್ರದೇಶದಲ್ಲೊಂದು ಶಾಕಿಂಗ್ ಘಟನೆ ನಡೆದಿದ್ದು, 23 ವರ್ಷ ವಯಸ್ಸಿನ ಕುಡುಕ ಪುತ್ರನ ಕಾಮದಾಟಕ್ಕೆ ಅಮ್ಮ ಕಂಗಾಲಾದರೆ, ಶಾಕ್​ಗೆ ಒಳಗಾದ ಅಪ್ಪ ಪೊಲೀಸರ ಮೊರೆ ಹೋಗಬೇಕಾಗಿ ಬಂತು! ಆತನ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಿರುವುದಾಗಿ ವಿಚಾರಣಾ ಅಧಿಕಾರಿ ರವೀಂದರ್ ಸಿಂಗ್ ತಿಳಿಸಿದ್ದು, ಆತನನ್ನು ಸದ್ಯ ಕಾರಾಗೃಹಕ್ಕೆ ತಳ್ಳಿರುವುದಾಗಿ ಹೇಳಿದ್ದಾರೆ.

ಉತ್ತರ ಪ್ರದೇಶದ ಬುಲಂದಶಹರ್ ಜಿಲ್ಲಾ ಕೇಂದ್ರಕ್ಕೆ ಸಮೀಪದ ಅಸವಾರ್ ಗ್ರಾಮದಲ್ಲಿ ಮಾರ್ಚ್​ 3ರಂದು ಈ ಘಟನೆ ನಡೆದಿದೆ. ಪೊಲೀಸರ ಪ್ರಾಥಮಿಕ ತನಿಖೆ ವೇಳೆ ಬಹಿರಂಗ ಗೊಂಡ ಮಾಹಿತಿ ಪ್ರಕಾರ, 23 ವರ್ಷದ ಯುವಕ ಕುಡಿತದ ಚಟಕ್ಕೆ ಒಳಗಾದವನಾಗಿದ್ದು, ಸದಾ ಅಮಲಿನಲ್ಲೇ ಇರುತ್ತಿದ್ದ. ಮಾರ್ಚ್​ 3ರಂದು ರಾತ್ರಿ ವಿಪರೀತ ಕುಡಿದು ಬಂದಿದ್ದ. ಅದೇ ಅಮಲಿನಲ್ಲಿ ತಾಯಿ ಮಲಗಿದ್ದ ಕೊಠಡಿ ಪ್ರವೇಶಿಸಿ, ಆಕೆಯ ಮೇಲೆಯೇ ಅತ್ಯಾಚಾರವೆಸಗಿದ್ದ. ಆತನ ಬಲದ ಮುಂದೆ ಅಮ್ಮ ಕಂಗಾಲಾದರೆ, ಅಪ್ಪನಿಗೆ ಧ್ವನಿಯೇ ಇರಲಿಲ್ಲ. ಆಮೇಲೇ ಏನೂ ಆಗಿಯೇ ಇಲ್ಲವೆಂಬಂತೆ ಎದ್ದು ಹೊರ ನಡೆದಿದ್ದ!

ಸಾಮಾಜಿಕ ಪಿಡುಗಾಗಿ ಕಾಡುತ್ತಿರುವ ಕುಡಿತದ ಚಟಕ್ಕೆ ಮಗ ಬಲಿಯಾಗಿದ್ದಲ್ಲದೇ ಈ ರೀತಿ ದುಸ್ಸಾಹಸ ಮಾಡಿದ್ದರಿಂದ ಪಾಲಕರು ವಿಪರೀತ ನೊಂದುಕೊಂಡಿದ್ದರು. ಈಗ ಮಗನ ವಿರುದ್ಧವೇ ದೂರು ದಾಖಲಿಸುವುದು ಹೇಗೆ ಎಂಬ ಚಿಂತೆಯಲ್ಲಿದ್ದರು ಈ ಪಾಲಕರು. ಕೊನೆಗೆ ಅಪ್ಪ ಕೊಂಚ ಧೈರ್ಯ ತೆಗೆದುಕೊಂಡು ನೆರವಿಗಾಗಿ ಪೊಲೀಸರ ಮೊರೆ ಹೋದರು. ಅಲ್ಲಿ ಅವರಿಗೆ ಧೈರ್ಯ ತುಂಬಿದ ಪೊಲೀಸರು, ಮಗನ ವಿರುದ್ಧ ದೂರು ದಾಖಲಿಸಿಕೊಂಡು, ಆತನನ್ನು ಬಂಧಿಸಿದರು. (ಏಜೆನ್ಸೀಸ್​)

https://www.vijayavani.net/gold-biscuit-one-arrested-in-chitamani-town/

https://www.vijayavani.net/cyber-crime-man-arrested-for-cheating-woman/

https://www.vijayavani.net/nirbhaya-case-days-ahead-of-hanging-convicts-claims-mukesh-was-not-in-delhi-on-day-of-crime/