ತನಗಿರುವ ವಿಚಿತ್ರ ಗೀಳಿನಿಂದಲೇ ತಿಂಗಳಿಗೆ ಲಕ್ಷಗಟ್ಟಲೇ ಸಂಪಾದನೆ ಮಾಡುತ್ತಿದ್ದಾಳೆ ಈ ಯುವತಿ

ನವದೆಹಲಿ: ಈ ಡಿಜಿಟಲ್​ ಯುಗದಲ್ಲಿ ಆನ್​ಲೈನ್​ ವೇದಿಕೆಗಳು ಹಣ ಗಳಿಕೆಗೆ ದಾರಿಯಾಗಿವೆ. ಆನ್​ಲೈನ್​ನಲ್ಲಿ ನಮ್ಮ ಪ್ರಭಾವ ಹೆಚ್ಚಾದಷ್ಟು ಹಣ ಗಳಿಕೆ ಹೆಚ್ಚಾಗುತ್ತದೆ. ಸೆಲೆಬ್ರಿಟಿಗಳನ್ನು ಈ ಕಾರಣಕ್ಕೆ ಇನ್​ಫ್ಲುಯೆನ್ಸ್​ರ್​ ಎಂದು ಕರೆಯಲಾಗುತ್ತದೆ.

ಅತಿ ಹೆಚ್ಚು ಲೈಕ್ಸ್​, ಹಿಟ್ಸ್​ಗಳು ದೊರೆತದ್ದೇ ಆದಲ್ಲಿ ಇನ್​ಫ್ಲುಯೆನ್ಸರ್​ ಪಟ್ಟಿಗೆ ಸೇರಿಕೊಳ್ಳಹುದು. ಕೆಲವರು ತಮ್ಮ ಪ್ರಚಾರ, ಜನಪ್ರಿಯತೆಗಾಗಿ ಇಷ್ಟೆಲ್ಲ ಹೆಣಗಾಡಿದರೆ, ಇನ್ನು ಕೆಲವರು ಕಂಪನಿಗಳ ಬ್ರಾಂಡ್​ ಪ್ರಮೋಟ್​ ಮಾಡಲು ಮುಂದಾಗುತ್ತಾರೆ.

ಇದನ್ನೂ ಓದಿ; ಸಚಿನ್​ ಪೈಲಟ್​ ತಲೆದಂಡಕ್ಕೆ ಕಾರಣವಾದ ಮೂರು ಬೇಡಿಕೆಗಳು 

ಇನ್ನು ಕೆಲವರು ವಿಚಿತ್ರ ಸಂಗತಿಗಳ ಮೂಲಕ ಆನ್​ಲೈನ್​ನಲ್ಲಿ ಹೆಸರು ಮಾಡುತ್ತಾರೆ. ಹಣವನ್ನು ಸಂಪಾದಿಸುತ್ತಾರೆ. ಆನ್​ಲೈನ್​ ಗಾಂಕಾ ಸೇವನೆ ಮಾಡಿ ಹಣಗಳಿಸುವವರು, ಬಳಸಿದ ಸಾಕ್ಸ್​, ಶೂ ಗಳನ್ನು ಮಾರಾಟ ಮಾಡುವ ಮಾಡೆಲ್​ಗಳು, ಕಾಳಿನ ಚಿತ್ರವನ್ನು ಮಾರಿ ಹಣ ಸಂಪಾದಿಸುವವರು ಇಂಥ ಹಲವು ವಿಚಿತ್ರ ವ್ಯಕ್ತಿಗಳು ಕಾಣ ಸಿಗುತ್ತಾರೆ.

ಯಾವುದೇ ಆದಾಯವಿಲ್ಲದಿದ್ದರೂ ಇಂಥವರು ನೋಡನೋಡುತ್ತಲೇ ಲಕ್ಷಾಧಿಪತಿಗಳು ಕೋಟ್ಯಧೀಶರೆನಿಸಿಕೊಳ್ಳುತ್ತಾರೆ. ಇಂಥವರಿಗೆ ಸಾಮಾಜಿಕ ಜಾಲತಾಣಗಳೇ ಸಂಪಾದನೆಯ ದಾರಿಯಾಗಿವೆ.

ಇದನ್ನೂ ಓದಿ; ಆಗಸ್ಟ್​ 15ಕ್ಕೆ ಬಳಕೆಗೆ ದೊರೆಯಲಿದೆ ಕರೊನಾ ಲಸಿಕೆ; ಆದರೆ ಭಾರತದ್ದಲ್ಲ…! 

ಇಲ್ಲೊಬ್ಬಳು 'ನಾಯಿ'ಯಂತಾಡುವ ಮೂಲಕ ತಿಂಗಳಿಗೆ ಲಕ್ಷಗಟ್ಟಲೇ ಸಂಪಾದಿಸುತ್ತಾಳೆ. ನಾಯಿಯಂತೆ ವರ್ತಿಸಿ ಶೂಟ್​ ಮಾಡಿದ ವಿಡಿಯೋಗಳನ್ನು ಅಪಲೋಡ್​ ಮಾಡಿದ್ದನ್ನು ಲಕ್ಷಾಂತರ ಜನರು ವೀಕ್ಷಿಸುತ್ತಾರೆ. ಇದೇ ಕಾರಣಕ್ಕೆ ಹಲವು ಕಂಪನಿಗಳು ಅವಳಿಂದ ಪ್ರಚಾರ ಪಡೆಯುತ್ತಿವೆ.

ಈಕೆಯ ಹೆಸರು ಜಿಯನ್ನಾ ಫಿಲಿಪ್ಸ್​. 21 ವರ್ಷದ ಯುವತಿ ಈ ಹಿಂದೆ ಆಪ್ಟಿಷಿಯನ್​ ಆಗಿದ್ದಳು. ಆದರೆ, ತನಗೆ ನಾಯಿಯಂತಾಡುವುದು ಬಹಳ ಇಷ್ಟ ಎಂದು ಹೇಳಿಕೊಳ್ಳುತ್ತಾಳೆ. ನಾನು ನಾಯಿಮರಿ ಎಂದೇ ಭಾವಿಸಿಕೊಳ್ಳುತ್ತೇನೆ. ತನಗಿರುವ ಈ ವಿಚಿತ್ರ ಗೀಳನ್ನೇ ಸಂಪಾದನೆಗೆ ದಾರಿ ಮಾಡಿಕೊಂಡಿದ್ದಾಳೆ. ನಾಯಿಯಂತೆ ಬಾಲ್​ ಹಿಡಿಯಲು ಓಡುವುದು, ನೆಲದ ಮೇಲೆ ಉರುಳಾಡುವುದು, ಕತ್ತಿಗೆ ಸರಪಳಿ ಬಿಗಿಸಿಕೊಂಡು ನೀರು ಕುಡಿಯುವುದು ಮೊದಲಾದ ವಿಡಿಯೋಗಳನ್ನು ಅಪಲೋಡ್​ ಮಾಡಿದ್ದಾಳೆ.

ಅದರ ಝಲಕ್​ ಇಲ್ಲಿದೆ ನೋಡಿ.............!

https://www.vijayavani.net/ed-attaches-ajl-property-in-mumbai/