ಸಚಿನ್​ ಪೈಲಟ್​ ತಲೆದಂಡಕ್ಕೆ ಕಾರಣವಾದ ಮೂರು ಬೇಡಿಕೆಗಳು

ನವದೆಹಲಿ: ರಾಜಸ್ಥಾನದ ಬಂಡಾಯವನ್ನು ಕಟ್ಟುನಿಟ್ಟಿನ ಕ್ರಮದ ಮೂಲಕವೇ ಕಾಂಗ್ರೆಸ್​ ನಿರ್ವಹಿಸಿದೆ. ಡಿಸಿಎಂ ಹಾಗೂ ಪ್ರದೇಶ ಕಾಂಗ್ರೆಸ್​ ಅಧ್ಯಕ್ಷ ಸ್ಥಾನದಿಂದ ಸಚಿನ್​ ಪೈಲಟ್​ನನ್ನು ಕೆಳಗಿಳಿಸಿದೆ. ಆದರೆ, ಇಷ್ಟೆಲ್ಲ ಆದ ಬಳಿಕ ಪೈಲಟ್​ ಮುಂದಿನ ಆಯ್ಕೆಗಳೇನು ಎಂಬ ಕುತೂಹಲವಂತೂ ಇದ್ದೇ ಇದೆ.

ಆದರೆ, ಪೈಲಟ್​ ವಿರುದ್ಧ ಕಾಂಗ್ರೆಸ್​ ಕಠಿಣ ಕ್ರಮಕ್ಕೆ ಮುಂದಾಗಲು ಕಾರಣಗಳೇನು ಎಂಬ ವಿಶ್ಲೇಷಣೆ ನಡೆಸಲಾಗುತ್ತಿದೆ. ಪೈಲಟ್​ ಹೈಕಮಾಂಡ್​ ಮುಂದಿಟ್ಟ ಮೂರು ಬೇಡಿಕೆಗಳೇ ಇದಕ್ಕೆ ಕಾರಣ ಎಂದು ಹೇಳಲಾಗಿದೆ.

ಇದನ್ನೂ ಓದಿ; ರಾಜಸ್ಥಾನ ಡಿಸಿಎಂ, ಕಾಂಗ್ರೆಸ್​ ಅಧ್ಯಕ್ಷ ಸ್ಥಾನದಿಂದ ಸಚಿನ್​ ಪೈಲಟ್​ಗೆ ಕೊಕ್​; ಕಾಂಗ್ರೆಸ್​ ಘೋಷಣೆ

ಮೊದಲ ಬೇಡಿಕೆ ಏನೆಂದರೆ, ರಾಜ್ಯ ಚುನಾವಣೆಗೆ ಒಂದು ವರ್ಷಕ್ಕೆ ಮುನ್ನವೇ ತನ್ನನ್ನು ರಾಜಸ್ಥಾನದ ಸಿಎಂ ಅಭ್ಯರ್ಥಿ ಎಂದು ಘೋಷಿಸಬೇಕು. ಸಾರ್ವಜನಿಕವಾಗಿ ಇದನ್ನು ಘೋಷಿಸಬೇಕು ಎಂದು ಈ ಹಿಂದೆಯೇ ಅವರು ಒತ್ತಾಯಿಸಿದ್ದರು.

ಇನ್ನು ಎರಡನೇ ಬೇಡಿಕೆ ಎಂದರೆ, ತನ್ನೊಂದಿಗೆ ಕೈಜೋಡಿಸಿರುವ ಬೆಂಬಲಿಗರಿಗೆ ಅಂದರೆ ಪಕ್ಷದ ದೃಷ್ಟಿಯಲ್ಲಿ ಬಂಡಾಯವೆದ್ದಿರುವ ಶಾಸಕರಿಗೆ ಮಂತ್ರಿ ಸ್ಥಾನ ನೀಡಬೇಕು ಅಥವಾ ನಿಗಮ, ಮಂಡಳಿಗಳಲ್ಲಿ ಸೂಕ್ತ ಸ್ಥಾನಮಾನ ನೀಡುವುದು.

ಇದನ್ನೂ ಓದಿ; ಆಗಸ್ಟ್​ 15ಕ್ಕೆ ಬಳಕೆಗೆ ದೊರೆಯಲಿದೆ ಕರೊನಾ ಲಸಿಕೆ; ಆದರೆ ಭಾರತದ್ದಲ್ಲ…! 

ಕೊನೆಯ ಬೇಡಿಕೆಯಾಗಿ ರಾಜಸ್ಥಾನದ ಕಾಂಗ್ರೆಸ್​ ಉಸ್ತುವಾರಿಯಾಗಿರುವ ಅವಿನಾಶ್ ಪಾಂಡೆಯನ್ನು ಬದಲಾಯಿಸುವುದು. ಪಾಂಡೆ ಸಿಎಂ ಪಕ್ಷಪಾತಿ ಎನ್ನುವುದು ಪೈಲಟ್​ ಆರೋಪ. ಇವರ ಜಾಗಕ್ಕೆ ಬೇರೋಬ್ಬರನ್ನು ನೇಮಿಸಿದರೆ ರಾಜ್ಯದಲ್ಲಿ ಪರಿಸ್ಥಿತಿ ಬದಲಾಗುತ್ತದೆ ಎಂಬ ವಾದ ಪೈಲಟ್​ ಬಣದ್ದು.

ಆದರೆ, ಈ ಬೇಡಿಕೆಗಳು ಬ್ಲ್ಯಾಕ್​ಮೇಲ್​ ರೂಪದಲ್ಲಿವೆ. ಒಂದು ವೇಳೆ ಇದಕ್ಕೆ ಮಣಿದರೆ, ಬೇರೆ ರಾಜ್ಯಗಳಲ್ಲೂ ಇಂಥದ್ದೇ ಪರಿಸ್ಥಿತಿ ಎದುರಾಗಬಹುದು ಎಂಬ ಕಾರಣಕ್ಕೆ ಹೈಕಮಾಡ್​ ಇದಕ್ಕೆ ಮಣಿದಿಲ್ಲ ಎಂದು ಹೇಳಲಾಗಿದೆ.

https://www.vijayavani.net/ed-attaches-ajl-property-in-mumbai/