ಗ್ರಾಹಕರ ಪ್ರತಿ ಐದು ದಾಖಲೆಗಳಲ್ಲಿ ಒಂದರಲ್ಲಿ ದೂರವಾಣಿ ಸಂಖ್ಯೆ, ಇ ಮೇಲ್ ವಿಳಾಸ, ಖಾತೆಯ ಹೆಸರು, ಪೂರ್ಣ ಹೆಸರು, ಫೋಟೋ, ಖಾತೆ ವಿವರ ಮತ್ತು ಅವರ ಫಾಲೋವರ್ಸ್ಗಳ ಮಾಹಿತಿಗಳಿವೆ ಎಂದು ತಿಳಿದುಬಂದಿದೆ. ಈ ಮಾಹಿತಿಗಳು ಸ್ಪಾ್ಯಮರ್ಗಳು ಹಾಗೂ ಸೈಬರ್ ಅಪರಾಧಿಗಳಿಗೆ ನೆರವಾಗುವ ಸಾಧ್ಯತೆ ಇದೆ. ಇವುಗಳ ಮೂಲಕ ಅವರು ಜನರ ಖಾತೆಗೆ ಕನ್ನ ಹಾಕಬಹುದು ಅಥವಾ ಅವರ ವೈಯಕ್ತಿಕ ಮಾಹಿತಿಗಳನ್ನಿಟ್ಟುಕೊಂಡು ಬ್ಲಾಕ್ವೆುೕಲ್ ಮಾಡಬಹುದು ಎಂದು ಕಂಪಾರಿಟೆಕ್ ವೆಬ್ನ ಮುಖ್ಯಸ್ಥ ಪಾಲ್ ಬಿಸ್ಚಾಫ್ ಹೇಳಿದ್ದಾರೆ. ಈ ಡೇಟಾ ಸಾರ್ವಜನಿಕವಾಗಿ ಲಭ್ಯವಾಗಿದೆ. ಪ್ರತಿ ಪ್ರತ್ಯೇಕ ಖಾತೆಗಳ ವಿವರ, ಒಟ್ಟಾರೆ ಡೇಟಾಬೇಸ್ ಇರುವುದರಿಂದ ಅದು ಹೆಚ್ಚು ಮೌಲ್ಯಯುತವಾಗಿದೆ ಎಂದು ಬಿಸ್ಚಾಫ್ ಅಭಿಪ್ರಾಯಪಟ್ಟಿದ್ದಾರೆ. ಸೋರಿಕೆಯಾಗಿರುವ ಡೇಟಾವು ಡೀಪ್ ಸೋಷಿಯಲ್ ಎಂಬ ಕಂಪನಿಯ ಹೆಸರಿನೊಂದಿಗೆ ಸಂಬಂಧಪಟ್ಟಿದೆ.
