100 ರೂ.ಗಾಗಿ ನಡೆದ ಜಗಳದಲ್ಲಿ ಹಾರಿಹೋಯ್ತು 14ರ ಬಾಲಕಿಯ ಪ್ರಾಣಪಕ್ಷಿ!

ಜಾರ್ಖಂಡ್‌: ಗಂಡ ಹೆಂಡತಿಯ ನಡುವಿನ ಜಗಳವು ದುರಂತವೊಂದಕ್ಕೆ ಕಾರಣವಾಗಿರುವ ಘಟನೆ ಜಾರ್ಖಂಡ್‌ನ ಧಾತುವಾ ಗ್ರಾಮದಲ್ಲಿ ನಡೆದಿದೆ.

ಸುಪ್ರಿಯಾ(14) ಸಾವಿಗೀಡಾದ ದುರ್ದೈವಿಯಾಗಿದ್ದು, ಉದಯನಾಥ್​ ಹಾಗೂ ಕಾಂತಿದೇವಿ ಜಗಳವಾಡಿದ ದಂಪತಿಗಳಾಗಿದ್ದಾರೆ.

ಇದನ್ನೂ ಓದಿ: ಸೇಂಟ್ ಜೋಸೆಫ್ ಕಾಲೇಜಿನ ನೂತನ ಕಟ್ಟಡ ಉದ್ಘಾಟನೆ ನಾಳೆ

ಬುಧವಾರ ಬೆಳಿಗ್ಗೆ ಗಣೇಶಿನಾಥ ಎಂಬಾತ ದಂಪತಿಗಳ ಮನೆಯ ಹತ್ತಿರ ಬಂದು ಸಾಲವಾಗಿ ಪಡೆದ 100ರೂ.ವನ್ನು ಹಿಂದಿರುಗಿಸುವಂತೆ ಉದಯನಾಥ್​ಗೆ ಕೇಳಿಕೊಂಡಿದ್ದಾನೆ. ಈ ವೇಳೆ ಉದಯ ತನ್ನ ಬಳಿ ಹಣವಿಲ್ಲವೆಂದು ಎಂದು ಹೇಳಿ, ತನ್ನ ಹೆಂಡತಿಗೆ 100 ರೂ.ನೀಡುವಂತೆ ಮನವಿ ಮಾಡಿದ್ದಾನೆ.

ಆದರೆ ಕಾಂತಿದೇವಿ ಈ ವೇಳೆ ಹಣ ನೀಡಲು ನಿರಾಕರಿಸಿದ್ದು, ಮನೆಯಂಗಳದಲ್ಲಿಯೇ ದಂಪತಿ ನಡುವೆ ತೀವ್ರ ವಾಗ್ವಾದ ಶುರುವಾಗಿದೆ. ಸಿಟ್ಟಿಗೆದ್ದ ಉದಯನಾಥ್ ಮನೆಯಲ್ಲಿದ್ದ ಬಂದೂಕನ್ನು ಹೊರತೆಗೆದಿದ್ದು, ಈ ವೇಳೆ ಆಕಸ್ಮಾತ್ ಆಗಿ ಗುಂಡು ಸೋದರ​ ಸೊಸೆ ಸುಪ್ರಿಯಾಗೆ ತಗುಲಿದೆ.

ತಕ್ಷಣವೇ ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ಸೇರಿಸಿದರೂ ಚಿಕಿತ್ಸೆ ಫಲಕಾರಿಯಾಗದೆ ಬಾಲಕಿ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾಳೆ. ಇನ್ನು, ವಿಷಯವನ್ನು ತಿಳಿದ ಪೊಲೀಸರು ಮೃತದೇಹವನ್ನು ವಶಕ್ಕೆ ಪಡೆದು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದು, ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.(ಏಜೆನ್ಸೀಸ್​)

https://www.vijayavani.net/ibps-rrb-po-recruitment-2023-officer-scale-i-ii-and-iii-registration-begins

https://www.vijayavani.net/urvashi-rautela-moves-into-190-crore-mumbai-bungalow