ಕೊಲೆ ಮತ್ತು ಕೊಲೆ ಯತ್ನ ಪ್ರಕರಣದಲ್ಲಿ ಪ್ರಿಯಕರ ಶ್ರೀಧರ್ ರಾವ್ ಪಾತ್ರ ಇಲ್ಲ. ಆತನೊಂದಿಗೆ ಹಾಯಾಗಿ ಸ್ವಲ್ಪ ಸಮಯ ಕಳೆದು, ಬೆಂಗಳೂರಿಗೆ ಮರಳಿ ಆತ್ಮಹತ್ಯೆ ಮಾಡಿಕೊಳ್ಳಲು ಅಮೃತಾ ನಿರ್ಧರಿಸಿದ್ದಳು. ಅದಕ್ಕಾಗಿ ಅಂಡಮಾನ್ ತಲುಪಿದ ಬಳಿಕ ತಾಯಿಯನ್ನು ಕೊಂದ ವಿಷಯವನ್ನು ಆತನಿಗೆ ತಿಳಿಸಿದ್ದಳು. ಆತ ಸಹ ವಿಚಾರಣೆ ವೇಳೆ ಅದನ್ನೇ ಹೇಳುತ್ತಿದ್ದಾನೆ. ಆದರೆ, ಪ್ರೇಯಸಿಯನ್ನು ಕರೆದೊಯ್ಯಲು ಜ.2ರ ಬೆಳಗ್ಗೆ ಬೈಕ್ನಲ್ಲಿ ಬಂದಾಗ ಸಿಸಿ ಕ್ಯಾಮರಾದಲ್ಲಿ ತನ್ನ ಮುಖ ಸೆರೆಯಾಗದಂತೆ ಎಚ್ಚರಿಕೆ ವಹಿಸಿದ್ದಾನೆ. ರಾಮಮೂರ್ತಿನಗರ ರೈಲ್ವೆ ಸೇತುವೆ ಬಳಿ ಅಮೃತಾ, ಮೊಬೈಲ್ ಮತ್ತು ಸಿಮ್ ಎಸೆದ ವಿಷಯ ಆತನಿಗೆ ಗೊತ್ತಿತ್ತು. ತನ್ನ ಮೊಬೈಲ್ ಸ್ವಿಚ್ಆಫ್ ಮಾಡಿಕೊಂಡು ಅಂಡಮಾನ್ಗೆ ತೆರಳಿದ್ದ. ಈ ಎಲ್ಲ ಅನುಮಾನದ ಮೇಲೆ ಕೊಲೆ ಸಂಚಿನಲ್ಲಿ ಆತನ ಪಾತ್ರ ಇರುವ ಬಗ್ಗೆ ತನಿಖೆ ಮುಂದುವರಿಸಿರುವುದಾಗಿ ಪೊಲೀಸರು ಹೇಳಿದ್ದಾರೆ.
