ಧಿನಿಧಿ, ತನಿಷಿ ಜತೆಗೆ ಜಿಯಾ ಯಾದವ್, ಸಾನ್ವಿ ದೇಸ್ವಾಲ್ ಒಳಗೊಂಡ ಭಾರತ ತಂಡ ಭಾನುವಾರ ನಡೆದ ಬಾಲಕಿಯರ 4/100 ಮೀ. ಮೆಡ್ಲೆ ರಿಲೇ ವಿಭಾಗದ ಬಿ ಗ್ರೂಪ್ನಲ್ಲಿ 4 ನಿಮಿಷ, 16.85 ಸೆಕೆಂಡ್ಗಳಲ್ಲಿ ಸ್ಪರ್ಧೆ ಮುಗಿಸಿ ಕಂಚಿನ ಪದಕ ಒಲಿಸಿಕೊಂಡರು.
ದರ್ಶನ್ ಎಸ್. ಬಾಲಕರ 200 ಮೀ. ಬಟರ್ಫ್ಲೈ ವಿಭಾಗದ ಎ ಗ್ರೂಪ್ನಲ್ಲಿ 2 ನಿಮಿಷ, 1.94 ಸೆಕೆಂಡ್ಗಳಲ್ಲಿ ಈಜಿ ಕಂಚು ಜಯಿಸಿದರು. ದರ್ಶನ್ 800 ಮೀ. ಫ್ರೀಸ್ಟೈಲ್ ವಿಭಾಗದಲ್ಲಿ 4ನೇ ಸ್ಥಾನಕ್ಕೆ ತೃಪ್ತಿಪಟ್ಟರು. ಇದಕ್ಕೆ ಮುನ್ನ ಶನಿವಾರ ಧಿನಿಧಿ, ಬಾಲಕಿಯರ 200 ಮೀ. ಫ್ರೀಸ್ಟೈಲ್ ವಿಭಾಗದ ಬಿ ಗುಂಪಿನಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರು. ಶರಣ್ ಶ್ರೀಧರ 200 ಮೀ. ಫ್ರೀಸ್ಟೈಲ್ನಲ್ಲಿ, ತನಿಷಿ ಗುಪ್ತಾ ಬಾಲಕಿಯರ 50 ಮೀ. ಬಟರ್ಫ್ಲೈನಲ್ಲಿ ಕಂಚು ಜಯಿಸಿದ್ದರು.
