1,050 ಸ್ಟಾಕ್‌ಗಳು ಲೋವರ್ ಸರ್ಕ್ಯೂಟ್‌ ಹಿಟ್: ಸ್ಮಾಲ್​ ಕ್ಯಾಪ್​ ಸೂಚ್ಯಂಕ 5%; ಮಿಡ್​ ಕ್ಯಾಪ್ ಸೂಚ್ಯಂಕ​ 4% ಧೂಳೀಪಟ

ಮುಂಬೈ: ಟಾಟಾ ಇನ್ವೆಸ್ಟ್‌ಮೆಂಟ್ ಕಾರ್ಪೊರೇಷನ್ ಲಿಮಿಟೆಡ್, ಹುಡ್ಕೊ, ಎಂಎಂಟಿಸಿ, ನೆಟ್‌ವರ್ಕ್ 18, ಟಿವಿ 18 ಬ್ರಾಡ್‌ಕಾಸ್ಟ್, ಸ್ಪಾರ್ಕ್ ಮತ್ತು ಎನ್‌ಬಿಸಿಸಿ ಕೆಲವು ಇತರ ಷೇರುಗಳು ಶೇಕಡಾ 5 ರಷ್ಟು ಕುಸಿತ ಕಂಡು ಲೋವರ್​ ಸರ್ಕ್ಯೂಟ್​ ಹಿಟ್​ ಆದವು. ಬುಧವಾರ 1050 ಕಂಪನಿಗಳ ಸ್ಟಾಕ್​ಗಳ ಬೆಲೆಗಳು ಸಾಕಷ್ಟು ಕುಸಿತ ಲೋವರ್​ ಸರ್ಕ್ಯೂಟ್​ ಹಿಟ್​ ಆದವು. ಇವುಗಳಲ್ಲಿ ಬಹುತೇಕವುಗಳು ಮಿಡ್​ ಮತ್ತು ಸ್ಮಾಲ್​ ಕ್ಯಾಪ್​ಗಳಾಗಿವೆ.

ಸೆಬಿ ಅಧ್ಯಕ್ಷೆ ಮಾಧಬಿ ಪುರಿ ಬುಚ್ ಅವರು ಸೋಮವಾರ ಎಸ್‌ಎಂಇ (ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮ) ವಿಭಾಗದ ಷೇರುಗಳಲ್ಲಿ ಹೇರಾಪೇರಿ ಆಗಿರುವುದನ್ನು ಸೆಬಿ ಗಮನಿಸಿದೆ ಎಂದು ಅವರು ಹೇಳಿಕೆ ನೀಡಿದ್ದಾರೆ.

"ಮಾರುಕಟ್ಟೆಯು ತನ್ನ ಪ್ರತಿಕ್ರಿಯೆಯನ್ನು ನೀಡಿದೆ. ನಾವು ದೃಢವಾದ ಪುರಾವೆಗಳು ಮತ್ತು ಕ್ರಿಯೆಗಾಗಿ ಪ್ರತಿಕ್ರಿಯೆಗಾಗಿ ಕೆಲಸ ಮಾಡುತ್ತಿದ್ದೇವೆ" ಎಂದು ಸಮಾರಂಭವೊಂದರಲ್ಲಿ ಬುಚ್ ಹೇಳಿದ್ದಾರೆ.

ಸಣ್ಣ ಮತ್ತು ಮಧ್ಯಮ ಉದ್ಯಮಗಳ ಪಟ್ಟಿಗಳ (ಲಿಸ್ಟಿಂಗ್)​ ನಿಬಂಧನೆಗಳನ್ನು ಕೆಲವು ಕಂಪನಿಗಳು ದುರುಪಯೋಗ ಮಾಡಿಕೊಳ್ಳುತ್ತಿವೆ ಎಂಬ ಸಂಕೇತಗಳು ಬಂದಿವೆ ಎಂದು ಸೆಬಿ ಹೇಳಿದೆ.

ಹೂಡಿಕೆದಾರರು ತಮ್ಮ ಷೇರು ಮಾರುಕಟ್ಟೆ ವಹಿವಾಟುಗಳನ್ನು ಆಯಾ ದಿನದಲ್ಲಿಯೇ ಇತ್ಯರ್ಥಪಡಿಸುವ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗುವುದು ಎಂದು ಅವರು ಹೇಳಿದ್ದಾರೆ.

"ಸಣ್ಣ ಮತ್ತು ಮಧ್ಯಮ ಕಂಪನಿಗಳ ಷೇರುಗಳ ಮೌಲ್ಯಮಾಪನವು ವಾಸ್ತವಕ್ಕಿಂತ ಹೆಚ್ಚಿದೆ. ಈ ವಿಭಾಗಗಳಲ್ಲಿ ಹೂಡಿಕೆ ಮಾಡುವ ಮ್ಯೂಚುವಲ್ ಫಂಡ್‌ಗಳತ್ತ ಹಣದ ಹರಿವು ಹೆಚ್ಚಾಗುತ್ತಿದೆ ಎಂಬ ಆತಂಕವನ್ನೂ ಬುಚ್ ವ್ಯಕ್ತಪಡಿಸಿದ್ದರು.

ಸ್ಮಾಲ್​ ಮತ್ತು ಮೀಡಿಯಂ ಕ್ಯಾಪ್ ಫಂಡ್‌ಗಳಲ್ಲಿ ಲಂಪ್​ಸಂ (ಯಾವಾಗ ಬೇಕಾದರೂ) ಹೂಡಿಕೆಗಳು ಸೂಕ್ತವೇ ಎಂಬುದರತ್ತ ಗಮನ ಹರಿಸಲು ಸೆಬಿ ಸೂಚಿಸಿದೆ.

ನೊರೆಯನ್ನು (ಷೇರುಗಳ ಹೆಚ್ಚಿನ ಮೌಲ್ಯಮಾಪನ) ನಿರ್ಮಿಸಲು ಅವಕಾಶ ನೀಡುವುದು ಸೂಕ್ತವಲ್ಲ ಎಂದು ಬುಚ್ ಸೋಮವಾರ ಹೇಳಿದ್ದಾರೆ.

ಇತ್ತೀಚೆಗೆ, ಮಾರುಕಟ್ಟೆ ನಿಯಂತ್ರಕವು ಮಾರ್ಚ್ 15 ರಿಂದ ಸ್ಮಾಲ್ ಮತ್ತು ಮಿಡ್-ಕ್ಯಾಪ್ ಫಂಡ್‌ಗಳ ಒತ್ತಡ ಪರೀಕ್ಷೆಯ ಫಲಿತಾಂಶಗಳನ್ನು ಬಹಿರಂಗಪಡಿಸಲು ಮ್ಯೂಚುಯಲ್ ಫಂಡ್‌ಗಳಿಗೆ ನಿರ್ದೇಶನ ನೀಡಿದೆ,

2023 ರ ಆರಂಭದಿಂದಲೂ, ನಿಫ್ಟಿ ಸ್ಮಾಲ್-ಕ್ಯಾಪ್ 100 ಮತ್ತು ಮಿಡ್-ಕ್ಯಾಪ್ 100 ಕ್ರಮವಾಗಿ 58% ಮತ್ತು 54% ರಷ್ಟು ಏರಿಕೆಯಾಗಿದೆ, ಇದು ಮಾನದಂಡದ ಸೂಚ್ಯಂಕವಾದ ನಿಫ್ಟಿ 50 ರಲ್ಲಿನ 23% ಏರಿಕೆಯನ್ನು ದೊಡ್ಡ ಪ್ರಮಾಣದಲ್ಲಿ ಮೀರಿಸಿದೆ.

ವಿವಿಧ ಸೂಚ್ಯಂಕಗಳು:

1) ಬಿಎಸ್​ಇ ಮಿಡ್​ಕ್ಯಾಪ್​ ಸೂಚ್ಯಂಕ 37,591.15 (4.20% ಕುಸಿತ)
2) ಬಿಎಸ್​ಇ ಸ್ಮಾಲ್​​ಕ್ಯಾಪ್​ ಸೂಚ್ಯಂಕ 40,641.67 (5.11% ಕುಸಿತ)
3) ನಿಫ್ಟಿ ಮಿಡ್​ಕ್ಯಾಪ್​ 100 ಸೂಚ್ಯಂಕ 45,971.40 (4.40% ಕುಸಿತ)
4) ನಿಫ್ಟಿ ಮಿಡ್​ಕ್ಯಾಪ್​ 100 ಸೂಚ್ಯಂಕ 14,295.05 (5.28% ಕುಸಿತ)

https://www.vijayavani.net/crash-in-stock-market-what-are-the-reasons-for-bloodshed-in-small-cap-mid-cap-sensex

https://www.vijayavani.net/why-is-mukesh-ambanis-wife-nita-working-for-a-salary-of-800-rupees-even-after-getting-married

https://www.vijayavani.net/1-lakh-became-1-02-crore-rupees-do-you-know-which-stock-gave-10000-profit-in-4-years