ಮೂಲಸೌಕರ್ಯಕ್ಕೆ 103 ಲಕ್ಷ ಕೋಟಿ ರೂ.

ನವದೆಹಲಿ: ದೇಶದ ಮೂಲಸೌಕರ್ಯ ಅಭಿವೃದ್ಧಿಯೊಂದಿಗೆ ಉದ್ಯೋಗಾವಕಾಶವನ್ನೂ ಸೃಷ್ಟಿಸುವ ಉದ್ದೇಶದೊಂದಿಗೆ 103 ಲಕ್ಷ ಕೋಟಿ ರೂ. ವೆಚ್ಚದ 6,500ಕ್ಕೂ ಅಧಿಕ ಯೋಜನೆಗಳನ್ನು ಬಜೆಟ್​ನಲ್ಲಿ ಘೋಷಿಸಲಾಗಿದೆ. ವಸತಿ, ಶುದ್ಧ ಕುಡಿಯುವ ನೀರು, ಆರೋಗ್ಯ, ಶಿಕ್ಷಣ ಸಂಸ್ಥೆಗಳು, ರೈಲು, ವಿಮಾನ, ಬಸ್ ನಿಲ್ದಾಣಗಳು, ಉಗ್ರಾಣ ಹಾಗೂ ಮೆಟ್ರೋ, ನೀರಾವರಿ ಯೋಜನೆ. ಲಾಜಿಸ್ಟಿಕ್ ಸೇರಿ ವಿವಿಧ ಯೋಜನೆಗಳಿಗೆ ಈ ಅನುದಾನವನ್ನು ಮೀಸಲಿರಿಸಲಾಗಿದೆ ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ. ಈ ಪೈಕಿ ಹಲವು ಯೋಜನೆಗಳು 2019ರ ಡಿ.31ರಿಂದಲೇ ಆರಂಭಗೊಂಡಿದ್ದು, ರಾಷ್ಟ್ರೀಯ ಇನ್​ಫ್ರಾಸ್ಟ್ರಕ್ಚರ್ ಪೈಪ್​ಲೈನ್ (ಎನ್​ಐಪಿ) ಶೀರ್ಷಿಕೆಯಲ್ಲಿ ಈಗಾಗಲೇ -ಠಿ; 22 ಸಾವಿರ ಕೋಟಿ ಬಿಡುಗಡೆ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.

ಹೆದ್ದಾರಿಗೆ ಒತ್ತು

ಹೆದ್ದಾರಿಗಳ ತ್ವರಿತ ಅಭಿವೃದ್ಧಿಗೆ ಕೇಂದ್ರ ಸರ್ಕಾರ ನಿರ್ಧರಿಸಿದ್ದು 2,500 ಕಿ.ಮೀ. ಬಳಕೆ ನಿಯಂತ್ರಿತ ಹೆದ್ದಾರಿಗಳು, 9 ಸಾವಿರ ಕಿ.ಮೀ. ಆರ್ಥಿಕ ಕಾರಿಡಾರ್, 2 ಸಾವಿರ ಕಿ.ಮೀ. ಕರಾವಳಿ ಮತ್ತು ಬಂದರುಗಳಿಗೆ ಸಂರ್ಪಸುವ ರಸ್ತೆಗಳು ಹಾಗೂ 2 ಸಾವಿರ ಕಿ.ಮೀ. ಆಯಕಟ್ಟಿನ ಹೆದ್ದಾರಿ ಅಭಿವೃದ್ಧಿಯನ್ನು ಬಜೆಟ್​ನಲ್ಲಿ ಘೋಷಿಸಿದೆ. ಎಲೆಕ್ಟ್ರಾನಿಕ್ ಟೋಲಿಂಗ್ ಅಡಿಯಲ್ಲಿ ಫಾಸ್ಟಾ್ಯಗ್ ಕಾರ್ಯವಿಧಾನದಿಂದ ರಾಷ್ಟ್ರೀಯ ಹೆದ್ದಾರಿಗಳು ವಾಣಿಜ್ಯೀಕರಣಗೊಳ್ಳಲಿದ್ದು, ಇದರಿಂದ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್​ಎಚ್​ಎಐ) ಹೆಚ್ಚಿನ ಸಂಪನ್ಮೂಲ ಹೊಂದಬಹುದಾಗಿದೆ. 2024ರೊಳಗೆ 6 ಸಾವಿರ ಕಿ.ಮೀ ಅಂತರದ 12 ಹೆದ್ದಾರಿ ಯೋಜನೆಗಳನ್ನು ಫಾಸ್ಟಾ್ಯಗ್ ವ್ಯಾಪ್ತಿಗೆ ತರುವ ಉದ್ದೇಶವಿದೆ ಎಂದು ಸಿಚಿವೆ ನಿರ್ಮಲಾ ಸೀತಾರಾಮನ್ ತಿಳಿಸಿದ್ದಾರೆ.