ಮೈಸೂರಿನ ಕುವೆಂಪುನಗರದಲ್ಲಿ ನಾಗರಾಜ್ ಹೊಂದಿರುವ ವಾಸದ ಮನೆ, ಕರ್ತವ್ಯ ನಿರ್ವಹಿಸುತ್ತಿರುವ ಮೈಸೂರು ಬಿಬಿಎಂಪಿ ಕಚೇರಿ, ಇವರ ಸಹೋದರ ವಾಸವಾಗಿರುವ ಮಾಗಡಿ ಪಟ್ಟಣದಲ್ಲಿರುವ ವಾಸದ ಮನೆ, ಮೈಸೂರಿನಲ್ಲಿ ಇವರ ಬಾಮೈದುನ ವಾಸವಾಗಿರುವ ಮನೆ ಮೇಲೆ ಎಸಿಬಿ ದಾಳಿ ನಡೆಸಿದೆ. 1.4 ಕೆ.ಜಿ. ಚಿನ್ನಾಭರಣ, 9 ಲಕ್ಷ ರೂ., ಕೆಜಿಗಟ್ಟಲೆ ಬೆಳ್ಳಿಯ ವಸ್ತು, ಕೆಲ ವಾಹನಗಳು, ನಿವೇಶನ ಸೇರಿ ರಾಜ್ಯದ 7 ಕಡೆಗಳಲ್ಲಿ ಕೋಟ್ಯಂತರ ರೂ. ಬೆಲೆ ಬಾಳುವ ಆಸ್ತಿ-ಪಾಸ್ತಿ ಹೊಂದಿರುವುದಕ್ಕೆ ಸಂಬಂಧಿಸಿದ ದಾಖಲೆ ಜಪ್ತಿ ಮಾಡಲಾಗಿದೆ. ನಾಗರಾಜ್ ಕೆಲ ಸಮಯ ದಿಂದ ಅಭಿವೃದ್ಧಿ ಅಧಿಕಾರಿಯಾಗಿದ್ದು, ಅಧಿಕಾರ ದುರ್ಬಳಕೆ ಮಾಡಿಕೊಂಡು ಆದಾಯಕ್ಕಿಂತ 1:10ಕ್ಕೂ ಅಧಿಕ ಆಸ್ತಿ-ಪಾಸ್ತಿ ಹೊಂದಿರುವುದು ಕಂಡು ಬಂದಿದೆ.
