4 ವರ್ಷಗಳಲ್ಲಿ 1 ಲಕ್ಷವಾಯ್ತು 2 ಕೋಟಿ ರೂಪಾಯಿ: 20000% ಏರಿಕೆ ಕಂಡ ಮಲ್ಟಿಬ್ಯಾಗರ್​ ಸ್ಟಾಕ್​ಗೆ ಮತ್ತೆ ಬೇಡಿಕೆ

ಮುಂಬೈ: ಮಲ್ಟಿಬ್ಯಾಗರ್ ಕಂಪನಿ ಆದಿತ್ಯ ವಿಷನ್ ಲಿಮಿಟೆಡ್ ಷೇರುಗಳು ಗುರುವಾರ ಉತ್ತಮ ಏರಿಕೆ ಕಂಡಿವೆ. ಆದಿತ್ಯ ವಿಷನ್ ಲಿಮಿಟೆಡ್​ (Aditya Vision Ltd.) ಷೇರುಗಳ ಬೆಲೆ ಗುರುವಾರ ಅಂದಾಜು 8% ರಷ್ಟು ಏರಿಕೆ ಕಂಡಿದೆ.

ಇದರೊಂದಿಗೆ ಈ ಷೇರು ಬೆಲೆ 3440.60 ರೂ.ಗೆ ತಲುಪಿದೆ. ಕಂಪನಿಯ ಷೇರುಗಳು ಕಳೆದ 4 ವರ್ಷಗಳಲ್ಲಿ ಹೂಡಿಕೆದಾರರನ್ನು ಶ್ರೀಮಂತರನ್ನಾಗಿ ಮಾಡಿವೆ. ಆದಿತ್ಯ ವಿಷನ್ ಷೇರುಗಳ ಬೆಲೆ ಕಳೆದ 4 ವರ್ಷಗಳಲ್ಲಿ 20,000% ಕ್ಕಿಂತ ಹೆಚ್ಚು ಏರಿಕೆಯಾಗಿದೆ. ಈ ಅವಧಿಯಲ್ಲಿ ಕಂಪನಿಯ ಷೇರುಗಳು 17 ರೂ.ನಿಂದ 3400 ರೂ. ಮುಟ್ಟಿವೆ. ಈ ಅವಧಿಯಲ್ಲಿ 1 ಲಕ್ಷ ರೂ.ಗಳನ್ನು ಈ ಷೇರುಗಳಲ್ಲಿ ಹೂಡಿಕೆ ಮಾಡಿ ಇದುವರೆಗೆ ಇಟ್ಟುಕಂಡಿದ್ದರೆ ಅದರ ಬೆಲೆ ಈಗ 2 ಕೋಟಿ ರೂ. ತಲುಪುತ್ತಿತ್ತು.

ಆದಿತ್ಯ ವಿಷನ್‌ನ ಷೇರುಗಳ ಬೆಲೆ ಮಾರ್ಚ್ 19, 2020 ರಂದು 17.20 ರೂ. ಇದ್ದು, ಈಗ ರೂ 3444.60 ತಲುಪಿದೆ. ಕಳೆದ ವರ್ಷದಲ್ಲಿ, ಕಂಪನಿಯ ಷೇರುಗಳು 20,097% ನಷ್ಟು ಅಗಾಧ ಏರಿಕೆಯನ್ನು ಕಂಡಿವೆ. ಒಬ್ಬ ವ್ಯಕ್ತಿಯು ಮಾರ್ಚ್ 19, 2020 ರಂದು ಆದಿತ್ಯ ವಿಷನ್‌ನ ಷೇರುಗಳಲ್ಲಿ 1 ಲಕ್ಷ ರೂಪಾಯಿಗಳನ್ನು ಹೂಡಿಕೆ ಮಾಡಿದ್ದರೆ ಮತ್ತು ತನ್ನ ಹೂಡಿಕೆಯನ್ನು ಉಳಿಸಿಕೊಂಡಿದ್ದರೆ, ಈ ಷೇರುಗಳ ಮೌಲ್ಯವು ಪ್ರಸ್ತುತ 2 ಕೋಟಿ ರೂ. ಆಗುತ್ತಿತ್ತು.

ಕಳೆದ ಒಂದು ವರ್ಷದಲ್ಲಿ ಆದಿತ್ಯ ವಿಷನ್ ಷೇರುಗಳ ಬೆಲೆ 123% ರಷ್ಟು ಹೆಚ್ಚಾಗಿದೆ. ಮಾರ್ಚ್ 22, 2023 ರಂದು ಈ ಷೇರುಗಳ ಬೆಲೆ 1550.45 ರೂ ಇತ್ತು.

ಬಹು-ಬ್ರಾಂಡ್ ಗ್ರಾಹಕ ಎಲೆಕ್ಟ್ರಾನಿಕ್ಸ್ ಚಿಲ್ಲರೆ ಸರಪಳಿ ಆದಿತ್ಯ ವಿಷನ್ ಲಿಮಿಟೆಡ್‌ನ ಷೇರುಗಳು ಮಾರ್ಚ್ 21, 2024 ರಂದು ರೂ 3444.60 ತಲುಪಿದೆ.

ಕಳೆದ 6 ತಿಂಗಳಲ್ಲಿ ಕಂಪನಿಯ ಷೇರುಗಳ ಬೆಲೆ 53% ಜಿಗಿತವನ್ನು ಕಂಡಿದಎ. ಈ ಅವಧಿಯಲ್ಲಿ ಕಂಪನಿಯ ಷೇರುಗಳು ರೂ.2250.40ರಿಂದ ರೂ.3400ಕ್ಕೆ ಏರಿಕೆಯಾಗಿದೆ. ಕಂಪನಿಯ ಷೇರುಗಳ 52 ವಾರಗಳ ಗರಿಷ್ಠ ಬೆಲೆ 3997.85 ರೂ. ಕನಿಷ್ಠ ಬೆಲೆ 1251.65 ರೂ. ಇದೆ.

https://www.vijayavani.net/mid-cap-stocks-plunged-up-to-58-in-a-few-days-best-strategy-to-invest-when-stocks-fall

https://www.vijayavani.net/market-crash-in-march-investors-lost-their-wealth-in-3018-stocks

https://www.vijayavani.net/reliance-stock-fell-from-2510-to-265-why-is-the-demand-for-the-stock-of-anil-ambanis-company-nowhere