1.20 ಲಕ್ಷವಾಯ್ತು 1 ಕೋಟಿ: 15 ರೂಪಾಯಿಯ ಐಪಿಒ ಷೇರು ಈಗ ದಾಖಲೆ ದರ

ಮುಂಬೈ: ಷೇರುಗಳಲ್ಲಿ ಹೂಡಿಕೆ ಮಾಡುವುದು ಯಾವುದೇ ವ್ಯವಹಾರದಲ್ಲಿ ಹೂಡಿಕೆ ಮಾಡಿದಂತೆ. ಹೂಡಿಕೆಯ ನಂತರ, ನಿಮ್ಮ ಷೇರುಗಳನ್ನು ನೀವು ಸಾಧ್ಯವಾದಷ್ಟು ಕಾಲ ಹಿಡಿದಿಟ್ಟುಕೊಳ್ಳಬೇಕು. ಸ್ಟಾಕ್ ಹೂಡಿಕೆದಾರರಿಗೆ ಹೆಚ್ಚಿನ ಲಾಭವು ಷೇರುಗಳನ್ನು ಖರೀದಿಸುವುದು ಮತ್ತು ಮಾರಾಟ ಮಾಡುವುದರಲ್ಲಿ ಇಲ್ಲ. ಆದರೆ, ಅವುಗಳನ್ನು ಹಿಡಿದಿಟ್ಟುಕೊಳ್ಳುವುದರಲ್ಲಿ ಗುರುತಿಸಬೇಕು. ಆದ್ದರಿಂದ, ಸಾಧ್ಯವಾದಷ್ಟು ಕಾಲ ಸ್ಟಾಕ್ ಅನ್ನು ಹಿಡಿದಿಟ್ಟುಕೊಳ್ಳಬೇಕು. ಈ ನಿಯಮವು ಐಪಿಒ ಹೂಡಿಕೆದಾರರಿಗೂ ಅನ್ವಯಿಸುತ್ತದೆ. ಈಗ ನಾವು ನಿಮಗೆ ಅಂತಹ ಒಂದು ಸ್ಟಾಕ್ ಬಗ್ಗೆ ಹೇಳುತ್ತಿದ್ದೇವೆ, ಇದರಲ್ಲಿ ಹಣ ಹೂಡಿಕೆ ಮಾಡಿದವರು ದೀರ್ಘಾವಧಿಯಲ್ಲಿ ಕೋಟ್ಯಧಿಪತಿಗಳಾಗಿದ್ದಾರೆ. ಈ ಷೇರು ಸೂರತ್​ವಾಲಾ ಬಿಸಿನೆಸ್​ ಗ್ರೂಪ್​ ಲಿಮಿಟೆಡ್​ನದ್ದು (Suratwwala Business Group Ltd.) ಆಗಿದೆ.

ಈ ಷೇರಿನ ಐಪಿಒ ಆಗಸ್ಟ್ 2020 ರಲ್ಲಿ ಪ್ರತಿ ಷೇರಿಗೆ ರೂ. 15 ರ ಸ್ಥಿರ ಬೆಲೆಯಲ್ಲಿ ಬಂದಿತ್ತು. ಈ ಷೇರನ್ನು 13 ಆಗಸ್ಟ್ 2020 ರಂದು ಪ್ರತಿ ಷೇರಿಗೆ ರೂ. 15.45 ರಂತೆ ಸ್ಟಾಕ್​ ಮಾರುಕಟ್ಟೆಯಲ್ಲಿ ಪಟ್ಟಿ ಮಾಡಲಾಯಿತು. ಈ ಐಪಿಒ ಷೇರುಗಳನ್ನು ಖರೀದಿಸಿ ಇಲ್ಲಿಯವರೆಗೆ ಷೇರುಗಳನ್ನು ಕಾಯ್ದಿಟ್ಟುಕೊಂಡವರಿಗೆ ಅದ್ಭುತ ಲಾಭ ದೊರೆತಿದೆ. ಆಗ, ಇದರಲ್ಲಿ ರೂ. 1.20 ಲಕ್ಷ ಹೂಡಿಕೆ ಮಾಡಿದ್ದರೆ, ಅದು ಈಗ 1 ಕೋಟಿ ರೂಪಾಯಿಗೂ ಹೆಚ್ಚು ಮೊತ್ತವಾಗುತ್ತದೆ.

ಲಿಸ್ಟಿಂಗ್ ನಂತರ ಈ ಷೇರುಗಳ ಬೆಲೆ ಭಾರಿ ಏರಿಕೆ ಕಂಡಿದೆ. ಇದರ ನಂತರ ಏಪ್ರಿಲ್ 18, 2024 ರಂದು 1:10 ಅನುಪಾತದಲ್ಲಿ ಸ್ಟಾಕ್ ವಿಭಜನೆಯಾಯಿತು. ಇದರರ್ಥ ಹೂಡಿಕೆದಾರರು ಇಂದಿನವರೆಗೆ ತಮ್ಮ ಷೇರುಗಳನ್ನು ಹೊಂದಿದ್ದರೆ, ಅವರ ಆರಂಭಿಕ ಷೇರುಗಳು ಹತ್ತು ಪಟ್ಟು ಹೆಚ್ಚಾಗುತ್ತವೆ.

ಗುರುವಾರದ ಬೆಳಗಿನ ವಹಿವಾಟಿನ ವೇಳೆ ಈ ಷೇರಿನ ಬೆಲೆಯು ರೂ. 125.40 ತಲುಪಿತ್ತು. ಇದು ಈ ಷೇರಿನ ಸಾರ್ವಕಾಲಿಕ ಗರಿಷ್ಠ ಬೆಲೆ ಆಗಿದೆ. ಸುರತ್ವಾಲಾ ಬ್ಯುಸಿನೆಸ್ ಗ್ರೂಪ್ ಲಿಮಿಟೆಡ್ ಪುಣೆಯ ಪ್ರಮುಖ ನಿರ್ಮಾಣ ಕಂಪನಿಗಳಲ್ಲಿ ಒಂದಾಗಿದೆ.