ಮೊಣಕಾಲು ಗಾಯದಿಂದ ಸಂಪೂರ್ಣ ಚೇತರಿಕೆ ಕಂಡಿರುವ ವಿಲಿಯಮ್ಸನ್ ಕಿವೀಸ್ ತಂಡವನ್ನು ಮುನ್ನಡೆಸಲು ಸಜ್ಜಾಗಿದ್ದಾರೆ. ಟಾಮ್ ಲಾಥಮ್ ನೇತೃತ್ವದಲ್ಲಿ ಆಡಿದ ಮೊದಲ 2 ಪಂದ್ಯಗಳಲ್ಲಿ ಕಂಡ ಸರಾಗ ಜಯದಿಂದ ಕಿವೀಸ್ ಭರ್ಜರಿ ರನ್ರೇಟ್ (+1.958) ಕೂಡ ಸಂಪಾದಿಸಿದೆ. ಅತ್ತ ಬಾಂಗ್ಲಾ ಮೊದಲ ಪಂದ್ಯದಲ್ಲಿ ಆಫ್ಘನ್ ಎದುರು ಸುಲಭ ಗೆಲುವು ಕಂಡಿದ್ದರೆ, 2ನೇ ಪಂದ್ಯದಲ್ಲಿ ಇಂಗ್ಲೆಂಡ್ಗೆ ಶರಣಾಗಿತ್ತು. ಇದೀಗ ಕಿವೀಸ್ ಎದುರು ಸವಾಲೊಡ್ಡುವ ತವಕದಲ್ಲಿದೆ. ಉಭಯ ತಂಡಗಳು ಉತ್ತಮ ಸ್ಪಿನ್ನರ್ಗಳನ್ನು ಹೊಂದಿವೆ. ಹೀಗಾಗಿ ಚೆಪಾಕ್ನ ಚಿದಂಬರಂ ಕ್ರೀಡಾಂಗಣದ ಸ್ಪಿನ್-ಸ್ನೇಹಿ ಪಿಚ್ನ ಲಾಭವನ್ನು ಸಮರ್ಥವಾಗಿ ಬಳಸಿಕೊಳ್ಳಲು ಉಭಯ ತಂಡಗಳೂ ಪೈಪೋಟಿ ನಡೆಸಲಿವೆ.
