ಮೂರು ಸಾವಿರ ದಾಟಿದ ಹೊಸ ಸೋಂಕಿತರ ಸಂಖ್ಯೆ; ರಾಜಧಾನಿಯಲ್ಲಿಯೇ 1,975 ಪ್ರಕರಣ

Published on:

15 Jul 2020, 3:03 pm

ಬೆಂಗಳೂರು: ಕಳೆದ ಕೆಲ ದಿನಗಳಿಂದ ಎರಡು ಸಾವಿರದಷ್ಟಿರುತ್ತಿದ್ದ ಕರೊನಾ ಸೋಂಕಿತರ ಸಂಖ್ಯೆ ಈಗ ಮೂರು ಸಾವಿರ ದಾಟಿದೆ. ಕಳೆದ 24 ತಾಸುಗಳಲ್ಲಿ ಪತ್ತೆಯಾದ ಹೊಸ ಪ್ರಕರಣಗಳು ಬರೋಬ್ಬರಿ 3,176. ಜತೆಗೆ, ಒಟ್ಟು ಸೋಂಕಿತರ ಸಂಖ್ಯೆ ಅರ್ಧ ಲಸಕ್ಷ ಸನಿಹಕ್ಕೆ ಬಂದಿದೆ.

ಚೇತರಿಕೆಯ ಗಾಳಿ ಬೀಸುತ್ತಿದೆ ಎನ್ನುತ್ತಿರುವಾಗಲೇ ಕೋವಿಡ್ ರೋಗಿಗಳು ಭಾರಿ ಪ್ರಮಾಣದಲ್ಲಿ ಹೆಚ್ಚುತ್ತಿದ್ದಾರೆ. 1,076 ಜನರು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಈವರೆಗೆ ಒಟ್ಟಾರೆಯಾಗಿ ಚೇತರಿಸಿಕೊಂಡವರು 18,466 ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬುಧವಾರ (ಜು.15) ತಿಳಿಸಿದೆ.

ಇದನ್ನೂ ಓದಿ; ರಾಜ್ಯದಲ್ಲಿ ಮಂಗಳವಾರದ (ಜು.14) ಕೋವಿಡ್ ಅಂಕಿ-ಅಂಶ

ಇಂದೂ ಕೂಡ ಕೋವಿಡ್ನಿಂದ ರಾಜ್ಯಾದ್ಯಂತ ಮೃತಪಟ್ಟವರ ಸಂಖ್ಯೆ 87. ಈವರೆಗೆ ಒಟ್ಟಾರೆ ಮೃತಪಟ್ಟವರ ಸಂಖ್ಯೆ 928ಕ್ಕೆ ತಲುಪಿದಂತಾಗಿದೆ. ಇನ್ನೊಂದು ದಿನಕ್ಕೆ ಸಾವಿರ ತಲುಪುವ ಭೀತಿ ಎದುರಾಗಿದೆ. ರಾಜ್ಯದಲ್ಲಿ ಕೋವಿಡ್ ಸಕ್ರಿಯ ಪ್ರಕರಣಗಳ ಸಂಖ್ಯೆ 27,853 ಆಗಿದೆ.

ರಾಜಧಾನಿಯಲ್ಲಿ ಒಟ್ಟು 1,975 ಹೊಸ ಕೋವಿಡ್ ಪ್ರಕರಣಗಳು ವರದಿಯಾಗಿವೆ. ಒಟ್ಟು ಪ್ರಕರಣಗಳ ಸಂಖ್ಯೆ 22,944 ಆಗಿದೆ. ಒಟ್ಟು 87 ಸಾವುಗಳ ಪೈಕಿ ಬೆಂಗಳೂರಿನ ಪಾಲು 60. ಜತೆಗೆ, ಈವರೆಗೆ ರಾಜಧಾನಿಯಲ್ಲಿ ಮೃತಪಟ್ಟವರು ಸಂಖ್ಯೆ 437ಕ್ಕೆ ಏರಿದೆ.

ವಿವಿಧ ಜಿಲ್ಲೆಗಳಲ್ಲಿ ಕೋವಿಡ್ ಅಂಕಿ-ಅಂಶ ಇಲ್ಲಿದೆ........