ಉದ್ದೀಪನ ಪರೀಕ್ಷೆಯಲ್ಲಿ ಸಿಕ್ಕಿಬಿದ್ದ ನೀರಜ್​ ಯಾದವ್​; ಏಷ್ಯನ್​ ಪ್ಯಾರಾ ಗೇಮ್ಸ್​ನಲ್ಲಿ ಗೆದ್ದ 2 ಚಿನ್ನ ಕೈತಪ್ಪುವ ಭೀತಿ!

ನವದೆಹಲಿ: ಪ್ಯಾರಾ ಅಥ್ಲೀಟ್​ ನೀರಜ್​ ಯಾದವ್​ ಉದ್ದೀಪನ ಪರೀಕ್ಷೆಯಲ್ಲಿ ಸಿಕ್ಕಿಬಿದ್ದಿದ್ದಾರೆ. ಇದರಿಂದಾಗಿ ಇತ್ತೀಚೆಗೆ ಹಾಂಗ್​ಝೌ ಏಷ್ಯನ್​ ಪ್ಯಾರಾ ಗೇಮ್ಸ್​ನಲ್ಲಿ ಅವರು ಗೆದ್ದಿದ್ದ ಅವಳಿ ಚಿನ್ನದ ಪದಕ ಕೈತಪ್ಪುವ ಭೀತಿ ಎದುರಾಗಿದೆ. ಇದರಿಂದಾಗಿ ಭಾರತ ತಂಡ ಕೂಡ ಕ್ರೀಡಾಕೂಟದ ಪದಕಪಟ್ಟಿಯಲ್ಲಿ ಒಂದು ಸ್ಥಾನ ಕುಸಿತ ಕಾಣುವ ಅಪಾಯದಲ್ಲಿದೆ.

ರಾಷ್ಟ್ರೀಯ ಉದ್ದೀಪನ ನಿಗ್ರಹ ಘಟಕ (ನಾಡಾ) ಹಾಂಗ್​ರೆೌಗೆ ಪ್ರಯಾಣಿಸುವುದಕ್ಕೆ 6 ದಿನ ಮುನ್ನ ಬೆಂಗಳೂರಿನಲ್ಲಿ ನಡೆಸಿದ "ಸ್ಪರ್ಧೆ ಹೊರತಾದ' ಉದ್ದೀಪನ ಪರೀೆಯಲ್ಲಿ ನೀರಜ್​ ಯಾದವ್​ ವಿಫಲರಾಗಿದ್ದಾರೆ. ಅವರ ಸ್ಯಾಂಪಲ್​ನಲ್ಲಿ ಅನಬೋಲಿಕ್​ ಸ್ಟೀರಾಯ್ಡ್​ ಪತ್ತೆಯಾಗಿದೆ. ಇದರಿಂದಾಗಿ ಅವರು, ಅಕ್ಟೋಬರ್​ 22ರಿಂದ 28ರವರೆಗೆ ನಡೆದ ಏಷ್ಯನ್​ ಪ್ಯಾರಾ ಗೇಮ್ಸ್​ನಲ್ಲಿ ಗೆದ್ದಿದ್ದ ಅವಳಿ ಚಿನ್ನ ಕೈತಪ್ಪುವ ಸಾಧ್ಯತೆಗಳಿವೆ. ನೀರಜ್​ ಯಾದವ್​ ಜಾವೆಲಿನ್​ ಎಸೆತದ ಎಫ್​55 ಮತ್ತು ಡಿಸ್ಕಸ್​ ಥ್ರೋ ಸ್ಪರ್ಧೆಗಳಲ್ಲಿ ಚಿನ್ನ ಗೆದ್ದಿದ್ದರು.

ಭಾರತ ತಂಡ ಕ್ರೀಡಾಕೂಟದಲ್ಲಿ 29 ಚಿನ್ನ, 31 ಬೆಳ್ಳಿ, 51 ಕಂಚಿನ ಸಹಿತ ಒಟ್ಟು 111 ಪದಕ ಗೆದ್ದು ಪದಕಪಟ್ಟಿಯಲ್ಲಿ 5ನೇ ಸ್ಥಾನ ಅಲಂಕರಿಸಿತ್ತು. ಆದರೆ 29ರಲ್ಲಿ 2 ಚಿನ್ನ ನಷ್ಟವಾದರೆ, ಭಾರತದ ಚಿನ್ನ ಗಳಿಕೆ 27ಕ್ಕಿಳಿಯಲಿದೆ. ಇದರಿಂದಾಗಿ 29 ಚಿನ್ನ, 30 ಬೆಳ್ಳಿ, 36 ಕಂಚು ಗೆದ್ದಿದ್ದ ಇಂಡೋನೇಷ್ಯಾ 5ನೇ ಸ್ಥಾನಕ್ಕೇರಲಿದ್ದು, ಭಾರತ 6ನೇ ಸ್ಥಾನಕ್ಕೆ ಕುಸಿಯಲಿದೆ.

39 ವರ್ಷದ ನೀರಜ್​ ಹಾಂಗ್​ರೆೌನಲ್ಲೂ 2 ಬಾರಿ ಉದ್ದೀಪನ ಪರೀಕ್ಷೆ ಎದುರಿಸಿದ್ದಾರೆ. ಅದರ ವರದಿ ಕ್ಲೀನ್​ ಆಗಿದ್ದರೆ ನೀರಜ್​ ಪದಕ ನಷ್ಟದಿಂದ ಬಚಾವ್​ ಆಗುವ ಸಾಧ್ಯತೆಗಳೂ ಇವೆ ಎನ್ನಲಾಗಿದೆ. ಯಾಕೆಂದರೆ ನಾಡಾ ನಡೆಸಿರುವ ಉದ್ದೀಪನ ಪರೀಕ್ಷೆಯ ವೇಳೆ ಸ್ಯಾಂಪಲ್​ ಅದಲುಬದಲಾಗಿರುವ ಸಾಧ್ಯತೆಗಳಿವೆ. ನೀರಜ್​ ಜತೆ 6 ಕ್ರೀಡಾಪಟುಗಳನ್ನು ಜತೆಯಾಗಿ ಉದ್ದೀಪನ ಪರೀಕ್ಷೆಗೆ ಒಳಪಡಿಸಲಾಗಿತ್ತು ಎಂದು ಪ್ಯಾರಾ ಅಥ್ಲೆಟಿಕ್ಸ್​ ಕೋಚ್​ ಎಸ್​. ಸತ್ಯನಾರಾಯಣ ತಿಳಿಸಿದ್ದಾರೆ. 7ನೇ ವಯಸ್ಸಿಗೆ ಪೋಲಿಯೊ ಪೀಡಿತರಾದ ಬಳಿಕ ಪಾರ್ಶ್ವವಾಯುವಿಗೆ ತುತ್ತಾಗಿರುವ ನೀರಜ್​ ಈ ಮುನ್ನ 2005ರಿಂದ 2012ರವರೆಗೆ ವೀಲ್​ಚೇರ್​ ಟೆನಿಸ್​ ಆಟಗಾರರಾಗಿದ್ದರು.

https://www.vijayavani.net/no-discussion-yet-on-dravids-future-as-india-coach