'ಲೇಡಿ ಸೂಪರ್‌ಸ್ಟಾರ್' ಎಂದು ಕರೆಯೋದು ಬೇಡವೆಂದ ನಯನತಾರಾ! ಕಾರಣ ತಿಳಿಸಿದ ಬಹುಬೇಡಿಕೆಯ ನಟಿ

ತಮಿಳುನಾಡು: ಭಾರತೀಯ ಚಲನಚಿತ್ರೋದ್ಯಮದ ಖ್ಯಾತ ನಟಿ, ಬಹುಭಾಷಾ ಕಲಾವಿದೆ ನಯನತಾರಾ ಸದ್ಯ ಹಲವಾರು ಹೊಸ ಪ್ರಾಜೆಕ್ಟ್​​ಗಳಲ್ಲಿ ಬ್ಯುಸಿಯಾಗಿದ್ದು, ತಮ್ಮ ಮುಂದಿನ 'ಅನ್ನಪೂರ್ಣಿ' ಚಿತ್ರದ ಬಿಡುಗಡೆ ಸಂದರ್ಭದ ವೇಳೆ ನಡೆದ ಸಂದರ್ಶನದಲ್ಲಿ ಹಲವು ವಿಚಾರಗಳ ಕುರಿತು ಮನಬಿಚ್ಚಿ ಮಾತನಾಡಿದ್ದಾರೆ.

ಇದನ್ನೂ ಓದಿ: ಅಯೋಧ್ಯೆಯ ರಾಮಮಂದಿರದ ಅರ್ಚಕರಾಗಿ ಗಾಜಿಯಾಬಾದ್ ವಿದ್ಯಾರ್ಥಿ ಆಯ್ಕೆ

ಈ ವರ್ಷದಲ್ಲಿ ಬಹುದೊಡ್ಡ ಬ್ಲಾಕ್​​ಬಸ್ಟರ್​ ಹಿಟ್​ ಪಡೆದ ಶಾರುಖ್ ಖಾನ್ ಅಭಿನಯದ 'ಜವಾನ್'​ ಚಿತ್ರ ಬಾಕ್ಸ್​ ಆಫೀಸ್​ನಲ್ಲಿ ಅಬ್ಬರಿಸಿತ್ತು. ಈ ಸಿನಿಮಾದಲ್ಲಿ ಶಾರುಖ್​ಗೆ ನಾಯಕಿಯಾಗಿ ಕಾಣಿಸಿಕೊಂಡ ನಯನತಾರಾ, ಜವಾನ್ ಮೂಲಕ ಬಾಲಿವುಡ್​ ಅಂಗಳಕ್ಕೆ ಪಾದಾರ್ಪಣೆ ಮಾಡಿದರು. ಬಾಲಿವುಡ್​ನಲ್ಲಿ ತಮ್ಮ ಚೊಚ್ಚಲ ಚಿತ್ರದ ಮುಖೇನ ಎಲ್ಲರ ಗಮನ ಸೆಳೆದ ನಟಿ, ಸ್ಟಾರ್​ ನಿರ್ದೇಶಕರಿಂದ ಸಾಕಷ್ಟು ದೊಡ್ಡ ಪ್ರಾಜೆಕ್ಟ್​ಗಳ ಆಫರ್​ ಕೂಡ ಪಡೆದರು. ಇದೀಗ ನಟಿ ತಮಗೆ ಲೇಡಿ ಸೂಪರ್​ಸ್ಟಾರ್​ ಎಂದು ಕರೆಯುವುದು ಇಷ್ಟವಿಲ್ಲ ಎಂದು ಹೇಳಿರುವುದು ಅವರ ಫ್ಯಾನ್ಸ್​ಗಳಲ್ಲಿ ಭಾರೀ ಆಶ್ವರ್ಯ ಉಂಟುಮಾಡಿದೆ.

'ಅನ್ನಪೂರಣಿ' ಬಿಡುಗಡೆ ವೇಳೆ ನಡೆದ ಸಂದರ್ಶನವೊಂದರಲ್ಲಿ ಮಾತನಾಡಿದ ನಟಿ, "ಲೇಡಿ ಸೂಪರ್‌ಸ್ಟಾರ್ ಎಂದು ಕರೆಯುವುದು ನನಗೆ ಇಷ್ಟವಿಲ್ಲ, ಅದೊಂದು ರೀತಿ ಬೈಗುಳದಂತೆ ಭಾಸವಾಗುತ್ತದೆ. ನನ್ನನ್ನು ಆ ರೀತಿ ಉಲ್ಲೇಖಿಸಿ, ಹೇಳುವುದು ಬೇಡ" ಎಂದು ತಮ್ಮ ಅಭಿಮಾನಿಗಳಲ್ಲಿ ವಿನಂತಿಸಿದರು. ಇದೇ ರೀತಿ ಈ ಹಿಂದೆ ತಮಿಳು ಚಿತ್ರರಂಗದ ಸ್ಟಾರ್ ನಟ ಅಜಿತ್ ಕೂಡ ತಮ್ಮನ್ನು 'ಥಲಾ' ಎಂದು ಕರೆಯುವುದು ಬೇಡ ಎಂದು ತಿಳಿಸಿದ್ದರು.

ಇದನ್ನೂ ಓದಿ: ಬಸ್ ಹತ್ತುವಾಗ ಹಿಂಬದಿ ಚಕ್ರಕ್ಕೆ ಸಿಲುಕಿ ಮಂಡ್ಯದಲ್ಲಿ ಮಹಿಳೆ ಸಾವು

ಸದ್ಯ ನಯನತಾರಾ 'ಟೆಸ್ಟ್', 'ಥನಿ ಒರುವನ್ 2', 'ಮನ್ನಂಗಟ್ಟಿ 1960', 'ಕಣ್ಣಪ್ಪ' ಸೇರಿದಂತೆ ಹಲವು ಚಿತ್ರಗಳ ಕೆಲಸಗಳಲ್ಲಿ ಸಂಪೂರ್ಣವಾಗಿ ಬ್ಯುಸಿಯಾಗಿದ್ದು, ವಿವಾದ ಮತ್ತು ವದಂತಿಗಳಿಂದ ದೂರ ಉಳಿದಿದ್ದಾರೆ,(ಏಜೆನ್ಸೀಸ್).

https://www.vijayavani.net/bbks10-housemates-are-emotional-with-thier-experiences