ನಯನತಾರಾ ಮತ್ತು ವಿಘ್ನೇಶ್​ ಜಾತಕದಲ್ಲಿ ರಾಹು ದೋಷ!; ಮದುವೆ ವಿಳಂಬದ ಬಗ್ಗೆ ಜ್ಯೋತಿಷಿಗಳು ಹೇಳುವುದೇನು?

ಸೌತ್​ ಲೇಡಿ ಸೂಪರ್​ಸ್ಟಾರ್ ನಯನತಾರಾ ಒಂದಲ್ಲ ಒಂದು ಕಾರಣಕ್ಕೆ ಸುದ್ದಿಯಲ್ಲಿದ್ದಾರೆ. ಈಗಾಗಲೇ ಪ್ರಿಯಕರ ವಿಘ್ನೇಶ್​ ಶಿವನ್​ ಜತೆ ಮದುವೆ ಆಗಿದೆ ಎಂಬ ಸುದ್ದಿ ಒಂದೆಡೆ ಹರಿದಾಡಿದರೆ, ಇಬ್ಬರಿಗೂ ಕರೊನಾ ಬಂದು ಮನೆಯಲ್ಲಿಯೇ ಹೋಮ್​ ಕ್ವಾರಂಟೈನ್ ಆಗಿದ್ದಾರೆ ಎಂಬುದು ಇತ್ತೀಚೆಗಷ್ಟೇ ಸದ್ದು ಮಾಡಿತ್ತು. ನಮ್ಮ ಮದುವೆನೂ ಆಗಿಲ್ಲ, ಕರೊನಾ ಸಹ ಬಂದಿಲ್ಲ ಎಂದು ಈ ಜೋಡಿ ಹೇಳಿಕೊಂಡಿತ್ತು. ಇದೀಗ ಇದೇ ಜೋಡಿ ಮತ್ತೆ ಜ್ಯೋತಿಷ್ಯದ ವಿಚಾರವಾಗಿ ಸುದ್ದಿಯಲ್ಲಿದೆ.

ಇದನ್ನೂ ಓದಿ: PHOTO GALLERY: ಹುಟ್ಟುಹಬ್ಬದ ಸಂಭ್ರಮದಲ್ಲಿ ಬಾಲಿವುಡ್​ ಬೆಡಗಿ ಕಿಯಾರಾ ಆಡ್ವಾಣಿ

ಹೌದು, ನಯನತಾರಾ ಮತ್ತು ವಿಘ್ನೇಶ್ ಶಿವನ್​ ಕಳೆದ ಹಲವು ವರ್ಷಗಳಿಂದ ಡೇಟಿಂಗ್​ನಲ್ಲಿದ್ದಾರೆ. ಇನ್ನೇನು ಈ ಜೋಡಿ ಮದುವೆ ಆಗಲಿದೆ ಎಂಬ ಮಾತುಗಳು ಈ ಹಿಂದೆಯೇ ಕೇಳಿ ಬಂದಿವೆಯಾದರೂ, ಇಂದಿಗೂ ಅದು ನಿಜವಾಗಿಲ್ಲ. ಇದೀಗ ಈ ಜೊಡಿಯ ವಿವಾಹ ಮುಂದೂಡುತ್ತಲೇ ಇರುವುದಕ್ಕೆ ಒಂದು ಬಲವಾದ ಕಾರಣವಿದೆಯಂತೆ.

ಈಗಾಗಲೇ ಜ್ಯೊತಿಷಿಗಳು ಹೇಳಿದ ಹಾಗೆ ಸಾಕಷ್ಟು ದೇವಸ್ಥಾನಗಳಿಗೆ ಇವರಿಬ್ಬರು ಭೇಟಿ ನೀಡಿ ಬಂದಿದ್ದಾರೆ. ಆದರೆ, ಇಂದಿಗೂ ಆ ಒಂದು ದೇವಾಲಯಕ್ಕೆ ನಯನತಾರಾ ಮತ್ತು ವಿಘ್ನೇಶ್ ಹೋಗಿ ದರ್ಶನ ಪಡೆದು ಬಂದಿಲ್ಲವಂತೆ. ಆ ದೇವರ ದರ್ಶನದ ಬಳಿಕವಷ್ಟೇ ಈ ಜೋಡಿ ಬಾಳ ಬಂಧನಕ್ಕೆ ಕಾಲಿರಿಸಲಿದೆಯಂತೆ. ಹಾಗಾದರೆ ಯಾವುದಾ ದೇವಸ್ಥಾನ? ತಮಿಳುನಾಡಿನ ಕುಂಭಕೋಣಂನಲ್ಲಿರುವ ರಾಹು ದೇವಸ್ಥಾನ. ಹಾಗಾದರೆ, ಈ ಜೋಡಿಯ ಜಾತಕದಲ್ಲಿ ರಾಹು ದೋಷವಿದೆ ಹಾಗಾಗಿ ಆ ದೇವಸ್ಥಾನಕ್ಕೆ ತೆರಳಿ ದರ್ಶನ ಪಡೆಯುವಂತೆ ಆದೇಶಿಸಿದ್ದಾರೆ.

ಇದನ್ನೂ ಓದಿ: ಆರ್​ಜಿವಿ ಮಿಸ್ಸಿಂಗ್​ … ಇದೇನಿದು ಹೊಸ ಕಥೆ?

ಸದ್ಯಕ್ಕೆಕರೊನಾ ಹಿನ್ನೆಲೆಯಲ್ಲಿ ಇನ್ನು ಕೆಲ ದಿನಗಳ ಬಳಿಕ ಈ ಜೋಡಿ ಕುಂಬಕೋಣಂನತ್ತ ಪಯಣಿಸಲಿದೆ. ಅಂದಹಾಗೆ, ಕಳೆದ ಹತ್ತಾರು ವರ್ಷಗಳಿಂದ ಜ್ಯೋತಿಷಿಗಳ ಮಾತನ್ನು ಚಾಚೂತಪ್ಪದೆ ನಯನತಾರಾ ಪಾಲಿಸುತ್ತ ಬಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/heres-what-abhishek-is-doing-in-nanavathi-hospital/