ಇನ್ಮುಂದೆ ನೌಕಾಪಡೆ ಶ್ರೇಣಿಗಳಿಗೆ ಭಾರತೀಯ ಹೆಸರು: ಪ್ರಧಾನಿ ಮೋದಿ

ಸಿಂಧುದುರ್ಗ (ಮಹಾರಾಷ್ಟ್ರ): ದೇಶದ ನೌಕಾಪಡೆಯ ಶ್ರೇಣಿಗಳ ಹೆಸರುಗಳನ್ನು ಭಾರತೀಯ ಸಂಸತಿಗೆ ಅನುಗುಣವಾಗಿ ಮರುನಾಮಕರಣ ಮಾಡಲಾಗುವುದೆಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಮಹಾರಾಷ್ಟ್ರದ ಸಿಂಧುದುರ್ಗ ಜಿಲ್ಲೆಯಲ್ಲಿ ಸೋಮವಾರ ನಡೆದ ನೌಕಾ ಪಡೆ ದಿನ (ನೇವಿ ಡೇ) ಕಾರ್ಯಕ್ರಮದಲ್ಲಿ ಭಾಗವಹಿಸಿ ಯೋಧರಿಗೆ ಶುಭಾಶಯ ಕೋರಿದ ಮೋದಿ, ರಕ್ಷಣಾ ಪಡೆಗಳಲ್ಲಿ ಮಹಿಳೆಯರ ಸಂಖ್ಯೆಯನ್ನು ಹೆಚ್ಚಿಸಲು ಕೂಡ ಸರ್ಕಾರ ಕ್ರಮ ಕೈಗೊಳ್ಳುತ್ತಿದೆ ಎಂದು ಹೇಳಿದರು. ದೇಶಕ್ಕೆ ನೌಕಾಪಡೆ ಎಷ್ಟು ಮಹತ್ವದ್ದಾಗಿರುತ್ತದೆ ಎನ್ನುವುದನ್ನು ಛತ್ರಪತಿ ಶಿವಾಜಿ ಮಹಾರಾಜ್​ ಅರಿತಿದ್ದರು ಎಂದು ಪ್ರಧಾನಿ ಹೇಳಿದರು.

"ಸಮುದ್ರವನ್ನು ನಿಯಂತ್ರಿಸಬಲ್ಲವರು ಅತ್ಯಂತ ಬಲಿಷ್ಠರಾಗಿರುತ್ತಾರೆ' ಎನ್ನುವುದು ಶಿವಾಜಿ ಘೋಷಣೆಯಾಗಿತ್ತು ಎಂದು ಮೋದಿ ನೆನಪಿಸಿದರು. ಭಾರತ ದೊಡ್ಡ ದೊಡ್ಡ ಗುರಿಗಳನ್ನು ನಿಗದಿಪಡಿಸಿಕೊಳ್ಳುತ್ತಿದೆ. ಸಶಸ್ತ್ರ ಪಡೆಗಳಲ್ಲಿ ಮಹಿಳೆಯರ ಸಂಖ್ಯೆ ಹೆಚ್ಚಿಸುವ ಗುರಿ ಸಾಧಿಸಲು ತನ್ನ ಪೂರ್ಣ ಸಾಮರ್ಥ್ಯವನ್ನು ಅದು ಬಳಸಿಕೊಳ್ಳಲಿದೆ ಎಂದರು. ನೀಲಿ ಆರ್ಥಿಕತೆ ಮತ್ತು ಬಂದರು&ಆಧಾರಿತ ಅಭಿವೃದ್ಧಿಗೆ ಭಾರತ ಅಭೂತಪೂರ್ವ ಬೆಂಬಲ ನೀಡುತ್ತಿದೆ ಎಂದೂ ಹೇಳಿದರು.

https://www.vijayavani.net/over-thousand-died-of-heart-attack-in-gujarat-in-six-months

https://www.vijayavani.net/ugc-urges-universities-to-set-up-narendra-modi-selfie-points-on-campuses