‘ನ್ಯಾಷನಲ್​ ಸಿನಿಮಾ ಡೇ’ ನಂದು ಮಲ್ಟಿಪ್ಲೆಕ್ಸ್​ನಲ್ಲಿ ಸಿನಿಮಾ ಟಿಕೆಟ್​ ಬೆಲೆ ಕೇವಲ 99 ರೂಪಾಯಿ

ಕಳೆದ ವರ್ಷ ಮಲ್ಟಿಪ್ಲೆಕ್ಸ್‌ಗಳಲ್ಲಿ ಟಿಕೆಟ್‌ಗಳನ್ನು 75 ರೂಪಾಯಿಗಳಿಗೆ ಮಾರಾಟ ಮಾಡಿ 'ನ್ಯಾಷನಲ್ ಸಿನಿಮಾ ಡೇ'ಯನ್ನು ಆಚರಿಸಲಾಗಿತ್ತು.
ದೊಡ್ಡ ಪರದೆಯಲ್ಲಿ ಸಿನಿಮಾ ನೋಡುವ ಅನುಭವವೇ ಬೇರೆ. ಆದರೆ ದುಬಾರಿ ಬೆಲೆ ಎಂಬ ಕಾರಣಕ್ಕೆ ಅನೇಕರು ಮಲ್ಟಿಪ್ಲೆಕ್ಸ್​ಗೆ ಬರಲು ಹಿಂದೇಟು ಹಾಕುವುದುಂಟು. ಈಗ ‘ನ್ಯಾಷನಲ್​ ಸಿನಿಮಾ ಡೇ’ ಪ್ರಯುಕ್ತ 99 ರೂಪಾಯಿಗೆ ಎಲ್ಲ ಸಿನಿಮಾಗಳ ಟಿಕೆಟ್​ ಸಿಗುವುದರಿಂದ ಅಂದು ಬಹುತೇಕ ಕಡೆಗಳಲ್ಲಿ ಹೌಸ್​ ಫುಲ್​ ಆಗುವ ಸಾಧ್ಯತೆ ಇದೆ.

ಶಾರುಖ್​ ಖಾನ್​, ಸನ್ನಿ ಡಿಯೋಲ್​, ಅಕ್ಷಯ್​ ಕುಮಾರ್​, ರಣವೀರ್​ ಸಿಂಗ್​, ಸಾಯಿ ಧರಂ ತೇಜ್​, ಟೊವಿನೋ ಥಾಮಸ್​ ಮುಂತಾದ ನಟರ ಸಿನಿಮಾಗಳು ನೂರಾರು ಕೋಟಿ ರೂಪಾಯಿ ಬಿಸ್ನೆಸ್​ ಮಾಡಿವೆ. ಬ್ಯಾಕ್​ ಟು ಬ್ಯಾಕ್​ ಸಿನಿಮಾಗಳು ತೆರೆಕಂಡಾಗ ಎಲ್ಲವನ್ನೂ ಚಿತ್ರಮಂದಿರಕ್ಕೆ ಹೋಗಿ ನೋಡುವುದು ಕಷ್ಟ. ಯಾಕೆಂದರೆ ಟಿಕೆಟ್​ ದರ ದುಬಾರಿ ಆಗಿರುತ್ತದೆ. ಅದರಲ್ಲೂ ಮಲ್ಟಿಪ್ಲೆಕ್ಸ್​ನಲ್ಲಿ ಸಿನಿಮಾ ನೋಡುವುದರಿಂದ ಜೇಬಿಗೆ ದೊಡ್ಡ ಕತ್ತರಿಯೇ ಅಂದುಕೊಳ್ಳುವವರಿಗಾಗಿಯೇ ಆಫರ್​ ನೀಡಲಾಗಿದೆ. ‘ನ್ಯಾಷನಲ್​ ಸಿನಿಮಾ ಡೇ’ ಆಚರಣೆಯ ಪ್ರಯುಕ್ತ ಕೇವಲ 99 ರೂಪಾಯಿಗೆ ಸಿನಿಮಾ ಟಿಕೆಟ್​ ಮಾರಲಾಗುತ್ತಿದೆ.

ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರನ್ನು ಚಿತ್ರಮಂದಿರಕ್ಕೆ ಕರೆತರಲು ಕೆಲವು ಪ್ಲ್ಯಾನ್​ ಮಾಡಲಾಗಿತ್ತು. ಅದರಲ್ಲಿ ‘ನ್ಯಾಷನಲ್​ ಸಿನಿಮಾ ಡೇ’ ಆಚರಣೆ ಕೂಡ ಪ್ರಮುಖವಾದದ್ದು. ಒಂದು ನಿರ್ದಿಷ್ಟ ದಿನದಂದು ದೇಶಾದ್ಯಂತ ಬಹುತೇಕ ಮಲ್ಟಿಪ್ಲೆಕ್ಸ್​ ಮತ್ತು ಆಯ್ದ ಚಿತ್ರಮಂದಿರಗಳಲ್ಲಿ ಎಲ್ಲ ಸಿನಿಮಾಗಳ ಟಿಕೆಟ್​ಗಳನ್ನು ಕಡಿಮೆ ಬೆಲೆಗೆ ಮಾರಾಟ ಮಾಡುವುದು ಇದರ ಉದ್ದೇಶ.

ಈ ವರ್ಷ ಅಕ್ಟೋಬರ್​ 13ರಂದು ‘ನ್ಯಾಷನಲ್​ ಸಿನಿಮಾ ಡೇ’ ಆಚರಿಸಲಾಗುತ್ತದೆ. ಅದರಲ್ಲಿ ಪಿವಿಆರ್​, ಐನಾಕ್ಸ್​, ಸಿನಿಪೊಲಿಸ್​, ಮಿರಾಜ್​, ಸಿಟಿಪ್ರೈಡ್​, ಏಷ್ಯನ್​, ಮೂವೀ ಟೈನ್​ ಮುಂತಾದ ಮಲ್ಟಿಪ್ಲೆಕ್ಸ್​ಗಳು ಇದರಲ್ಲಿ ಭಾಗವಹಿಸುತ್ತಿವೆ. ಅ.13ರಂದು ದೇಶಾದ್ಯಂತ ಎಲ್ಲ ಸಿನಿಮಾಗಳ ಟಿಕೆಟ್​ಗಳು ಕೇವಲ 99 ರೂಪಾಯಿಗೆ ಸಿಗಲಿವೆ. ಅಂದು ತಿಂಡಿ ಮತ್ತು ಪಾನೀಯಗಳ ಬೆಲೆಯಲ್ಲೂ ಇಳಿಕೆ ಮಾಡಲಾಗುತ್ತದೆ. ಇದರಿಂದ ಸಿನಿಪ್ರಿಯರಿಗೆ ಅನುಕೂಲ ಆಗಲಿದೆ.

ಸ್ಟಾರ್ ನಟರ ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಅಬ್ಬರಿಸುತ್ತಿವೆ. ಆದರೆ ದುಬಾರಿ ಬೆಲೆ ಎಂಬ ಕಾರಣಕ್ಕೆ ಅನೇಕರು ಮಲ್ಟಿಪ್ಲೆಕ್ಸ್​ಗೆ ಬರಲು ಹಿಂದೇಟು ಹಾಕುವುದುಂಟು. ಈಗ ‘ನ್ಯಾಷನಲ್​ ಸಿನಿಮಾ ಡೇ’ ಪ್ರಯುಕ್ತ 99 ರೂಪಾಯಿಗೆ ಟಿಕೆಟ್​ ಸಿಗುವುದರಿಂದ ಅಂದು ಬಹುತೇಕ ಕಡೆಗಳಲ್ಲಿ ಹೌಸ್​ ಫುಲ್​ ಆಗುವ ಸಾಧ್ಯತೆ ಇದೆ.