ಬೆಂಗಳೂರು: ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಹಾಗೂ ಡ್ಯಾನ್ಸರ್ ನತಾಶಾ ಸ್ಟ್ಯಾಕೊವಿಕ್ ಜೋಡಿ ಶೀಘ್ರವೇ ಮೊದಲ ಮಗುವಿನ ನಿರೀಕ್ಷೆಯಲ್ಲಿದೆ. ಲಾಕ್ಡೌನ್ನಿಂದಾಗಿ ಸರಳವಾಗಿ ಮದುವೆಯಾದ ಈ ಜೋಡಿ, ಸೀಮಂತ ಕಾರ್ಯವನ್ನು ಇತ್ತೀಚೆಗೆ ಮುಗಿಸಿತ್ತು. ಇದೀಗ ನತಾಶಾ ಬೇಬಿ ಬಂಪ್ ಪೋಸ್ ನೀಡಿದ್ದಾರೆ. ಸರಳವಾಗಿ ಜೀವಿಸಿ, ಹೆಚ್ಚೆಚ್ಚು ಪ್ರೀತಿಸಿ, ನಿರಂತರವಾಗಿ ಕಲಿಯಿರಿ ಎಂದು ಬರೆದುಕೊಳ್ಳುವ ಮೂಲಕ ತಾಯ್ತನ ಹಂಬಲವನ್ನು ಹೊರಹಾಕಿದ್ದಾರೆ. ಮತ್ತೊಂದು ಪೋಸ್ಟ್ ನಲ್ಲಿ ಹ್ಯಾಪಿನೆಸ್ ಆನ್ ದ ವೇ ಎಂದಿದ್ದಾರೆ.
ಇದನ್ನೂ ಓದಿ: ಸಲಿಂಗಿ ಟೆನಿಸ್ ಆಟಗಾರ್ತಿ ಸಮಂತಾ ಸ್ಟೋಸರ್ಗೆ ಹೆಣ್ಣು ಮಗು!
ತಾಯಿಯಾಗುವ ಖುಷಿಯಲ್ಲಿರುವ ನತಾಶಾ ದಿನಂಪ್ರತಿ ಪತಿ ಹಾರ್ದಿಕ್ ಪಾಂಡ್ಯ ಜತೆಗಿರುವ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸುತ್ತಿದ್ದಾರೆ. ಬೇಬಿ ಬಂಪ್ ಫೋಟೋ ಅಭಿಮಾನಿಗಳ ಗಮನಸೆಳೆದಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಅಭಿಮಾನಿಗಳು, ಸಿಹಿ ಸುದ್ದಿಗಾಗಿ ಕಾಯುತ್ತಿದ್ದೇವೆ, ಚಾಂಪ್ ಬರುವುದನ್ನು ಕಾಯುತ್ತಿದ್ದೇವೆ, ಆರೋಗ್ಯಕರ ಮಗು ಜನಿಸಲಿ ಎಂದು ವಿವಿಧ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ. ನಿಮ್ಮಷ್ಟೇ ಮುದ್ದಾದ ಮಗು ಜನಿಸಲಿ, ಮತ್ತಷ್ಟು ಫೋಟೋಗಳನ್ನು ಪ್ರಕಟಿಸಿ ಎಂದು ಕೆಲ ಮಂದಿ ಕೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಒಲಿಂಪಿಕ್ಸ್ ಚಿಂತೆ ಇಲ್ಲ, ಅಥ್ಲೀಟ್ ಹಿಮಾ ದಾಸ್ ಈಗ ಕ್ರಿಕೆಟ್ನಲ್ಲಿ ಮಗ್ನ…!
ಟೀಮ್ ಇಂಡಿಯಾ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಹಾಗೂ ನತಾಶಾ ಜೋಡಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದೇವೆ ಎಂದು ಮೇ 31 ರಂದು ಘೋಷಿಸಿದ್ದರು. ಈ ಕುರಿತು ಪ್ರತ್ಯೇಕವಾಗಿ ಫೋಟೋಗಳನ್ನು ಶೇರ್ ಮಾಡಿಕೊಂಡಿತ್ತು. ಇದೇ ಜನವರಿ 1 ರಂದು ಈ ಜೋಡಿ ದುಬೈನಲ್ಲಿ ಹಡಗಿನಲ್ಲಿ ಎಂಗೇಜ್ಮೆಂಟ್ ಮಾಡಿಕೊಂಡಿತ್ತು.