ಮನೆಯಲ್ಲೇ ಮದುವೆಯಾಗುವ ಜೋಡಿಗೆ ಇಲ್ಲಿದೆ ಪೊಲೀಸರ ಭರ್ಜರಿ ಆಫರ್​

ನಾಸಿಕ್​: ಲಾಕ್​ಡೌನ್​ ನಿಯಮ ಪಾಲಿಸಿ ಎಂದು ಎಲ್ಲರೂ ಮನವಿ ಮಾಡುತ್ತಲೇ ಇದ್ದಾರೆ. ಆದರೆ, ನಿಯಮ ಉಲ್ಲಂಘನೆ ಮಾಡುತ್ತಿರುವ ಪ್ರಕರಣಗಳಂತೂ ನಿಲ್ಲುತ್ತಿಲ್ಲ. ಇದೀಗ ಹಲವು ನಿರ್ಬಂಧಗಳನ್ನು ಸಡಿಲಿಸಿದ ಬಳಿಕ ಕೇಳುವವರೇ ಇಲ್ಲದಂತಾಗಿದೆ ಎಂಬುದು ಪೊಲೀಸರ ಅಳಲು.

ಇದರ ನಡುವೆಯೂ ಹಲವರು ಕಟ್ಟುನಿಟ್ಟಾಗಿ ಲಾಕ್​ಡೌನ್​ ನಿಯಮಗಳನ್ನು ಪಾಲಿಸುತ್ತಿದ್ದಾರೆ. ಅಂಥವರ ಬಗ್ಗೆ ಪೊಲೀಸರು ಕೂಡ ಮೆಚ್ಚುಗೆ ವ್ಯಕ್ತಪಡಿಸಿ ಪ್ರೋತ್ಸಾಹ ನೀಡುತ್ತಿದ್ದಾರೆ. ಅಂಥದ್ದರಲ್ಲಿ ಮನೆಯಲ್ಲಿಯೇ ಮದುವೆಯಾದವರಿಗೆ ಪೊಲೀಸರಿಂದ ಭರ್ಜರಿ ಆಫರ್​ ಇಲ್ಲಿದೆ.

ಮಹಾರಾಷ್ಟ್ರ ನಾಸಿಕ್​ನ ಪೊಲೀಸರು ಇಂಥ ಜೋಡಿಗೆ ವಿನೂತನವಾಗಿ ಶುಭಾಶಯ ಕೋರಿದ್ದು ಭಾರಿ ಪ್ರಶಂಸೆಗೆ ಕಾರಣವಾಗಿದೆ.

ಇದನ್ನೂ ಓದಿ; ಅಬ್ಬಾ ಏನ್​ ಶಿಸ್ತು…! ಐಟಿಪಿಎಲ್​ ಮುಖ್ಯರಸ್ತೆ ಅನ್ನೋ ಹೆಗ್ಗಳಿಕೇನಾ?

ನಾಸಿಕ್​ನ ಅಪಾರ್ಟ್​​ಮೆಂಟ್​ವೊಂದರಲ್ಲಿ ಜೋಡಿಯೊಂದು ಮನೆಯಲ್ಲಿಯೇ ಮದುವೆ ಮಾಡಿಕೊಂಡು ಲಾಕ್​ಡೌನ್​ನ ಎಲ್ಲ ನಿಯಮಗಳನ್ನು ಪಾಲಿಸಿತ್ತು. ಈ ವಿಷಯ ಅರಿವಿಗೆ ಬರುತ್ತಿದ್ದಂತೆ ಸ್ಥಳೀಯ ಪೊಲೀಸರು ಅವರಿಗೆ ವಿಭಿನ್ನವಾಗಿ ಶುಭಾಶಯ ಕೋರಲು ಮುಂದಾದರು.

ಪೊಲೀಸ್​ ಗಸ್ತು ವಾಹನಗಳೊಂದಿಗೆ ಅಪಾರ್ಟ್​ಮೆಂಟ್​ ಮುಂದಿನ ರಸ್ತೆಯಲ್ಲಿ ನಿಂತ ಪೊಲೀಸ್​ ಸಿಬ್ಬಂದಿ ವಾಹನದಲ್ಲಿ ಮೈಕ್​ನಲ್ಲಿ ಮುಬಾರಕ್​ ಹೋ ತುಮ್ಕೋ ಯೇ ಶಾದಿ ತುಮ್ಹಾರಿ... ಹಾಡನ್ನು ನುಡಿಸಿದ್ದಾರೆ. ಬಳಿಕ ಹಾಡಿಗೆ ಚಪ್ಪಾಳೆ ತಟ್ಟುತ್ತ ನವಜೋಡಿಗೆ ಶುಭಾಶಯ ಕೋರಿದ್ದಾರೆ. ಜತೆಗೆ, ಕೆಲ ಜನರೂ ಕೂಡ ಪೊಲೀಸರಿಗೆ ಸಾಥ್​ ನೀಡಿದ್ದಾರೆ.

ಪೊಲೀಸರಿಂದ ದೊರೆತ ಈ ಉಡುಗೊರೆ ನವವಿವಾಹಿತರನ್ನು ಭಾವುಕರನ್ನಾಗಿಸಿದೆ. ಅವರೂ ಕೂಡ ಚಪ್ಪಾಲೆ ತಟ್ಟುತ್ತ ಸಂತಸ ವ್ಯಕ್ತಪಡಿಸಿದ್ದಾರೆ. ಈ ಹೃದಯಸ್ಪರ್ಶಿ ಸನ್ನಿವೇಶದ ವಿಡಿಯೋವನ್ನು ಮಹಾರಾಷ್ಟ್ರ ಸಿಎಂ ಕಚೇರಿ ಕೂಡ ಶೇರ್​ ಮಾಡಿದೆ.

ಅದರ ಲಿಂಕ್​ ಇಲ್ಲಿದೆ ನೋಡಿ....

https://www.vijayavani.net/owner-lived-only-one-month-in-keralas-biggest-house-arakkal-palce/