ಪ್ರಭಾಸ್​ ಕುರಿತ ಅರ್ಷದ್​ ವಾರ್ಸಿ ಹೇಳಿಕೆಗೆ ನಾನಿ ರಿಯಾಕ್ಷನ್​​; ನ್ಯಾಚ್ಯುರಲ್​ ಸ್ಟಾರ್​​​ ತಿಳಿಸಿದಿಷ್ಟು..

ಹೈದರಾಬಾದ್​​: ನಾಗ್ ಅಶ್ವಿನ್​​ ನಿರ್ದೇಶನದ ಕಲ್ಕಿ 2898 ಎಡಿ ಸಿನಿಮಾ ಜೂನ್​ 27ರಂದು ಬಿಡುಗಡೆಯಾಯಿತು. ರಿಲೀಸ್​ ಆದ ಬಳಿಕ ಬ್ಲಾಕ್​​ಬ್ಲಸ್ಟರ್​ ಹಿಟ್​​​ ಆಗಿ ಸೃಷ್ಟಿಸಿದ ದಾಖಲೆ ಬಗ್ಗೆ ಹೇಳಬೇಕಿಲ್ಲ ಗೊತ್ತೆ ಇದೆ. ಚಿತ್ರದಲ್ಲಿ ಪ್ರಭಾಸ್​​, ಅಮಿತಾಭ್​ಬಚ್ಚನ್​, ಕಮಲ್​ಹಾಸನ್​, ದೀಪಿಕಾ ಪಡುಕೋಣೆ ಸೇರಿದಂತೆ ಪ್ರಮುಖ ಪಾತ್ರಗಳಲ್ಲಿ ದಿಶಾ ಪಟಾನಿ, ಸಾಸ್ವತ್ ಚಟರ್ಜಿ ಮತ್ತು ಶೋಭನಾ ನಟಿಸಿದ್ದಾರೆ.

ಇದನ್ನು ಓದಿ: ಕೆಲಸಕ್ಕಾಗಿ ನಿತ್ಯ 1600 ಕಿ.ಮೀ. ಪ್ರಯಾಣಿಸುವ ಪ್ರತಿಷ್ಟಿತ ಕಂಪನಿಯ ಸಿಇಒ; ವೇತನ ಕೇಳಿದ್ರೆ ಅಬ್ಬಬ್ಬಾ ಅಂತೀರಾ!

ಇತ್ತೀಚಿಗಿನ ಸಂದರ್ಶನವೊಂದರಲ್ಲಿ ಬಾಲಿವುಡ್​ ನಟ ಅರ್ಷದ್​ ವಾರ್ಸಿ, ಕಲ್ಕಿ 2898 ಎಡಿ ಚಿತ್ರದಲ್ಲಿನ ಪ್ರಭಾಸ್​ ನಟನೆಯ ಬಗ್ಗೆ ಕಾಮೆಂಟ್​ ಮಾಡಿದ್ದರು. ಅವರ ಹೇಳಿಕೆ ವೈರಲ್​ ಆಗುತ್ತಿದ್ದಂತೆ ಅಭಿಮಾನಿಗಳು ಪ್ರಭಾಸ್​ ಅವರನ್ನು ಅರ್ಷದ್​ ಕ್ಷಮೆಯಾಚಿಸಬೇಕು ಎಂದು ಒತ್ತಾಯಿಸಿದರು. ನಿರ್ಮಾಪಕ, ನಟರು ಕೂಡ ಪರ ಬ್ಯಾಟಿಂಗ್​ ಮಾಡಿ ಅರ್ಷದ್​ ಕಾಮೆಂಟ್​ ಅನ್ನು ಟೀಕಿಸಿದರು.

ಸರಿಪೋದಾ ಶನಿವಾರಂ ಸಿನಿಮಾ ಪ್ರಚಾರದ ವೇಳೆ ಪ್ರಭಾಸ್​​ ಅವರನ್ನು ಜೋಕರ್​ ಎಂದು ಕರೆದಿರುವುದರ ಬಗ್ಗೆ ಟಾಲಿವುಡ್​​​ನ ನ್ಯಾಚುರಲ್​ ಸ್ಟಾರ್​ ನಾನಿ ಅವರನ್ನು ಕೇಳಲಾಯಿತು. ಅದಕ್ಕೆ ಪ್ರತಿಕ್ರಿಯಿಸಿದ ನಾನಿ, ಆ ವ್ಯಕ್ತಿಯ ಜೀವನದಲ್ಲಿ (ಅರ್ಷದ್ ವಾರ್ಸಿ) ಇದೇ ಅತಿದೊಡ್ಡ ಪ್ರಚಾರ ಆಗಿರಬಹುದು ಎಂದು ನಾನು ಭಾವಿಸುತ್ತೇನೆ. ನೀವು ಅನಗತ್ಯವಾಗಿ ಆ ವ್ಯಕ್ತಿಯ ಹೇಳಿಕೆಯನ್ನು ವೈಭವೀಕರಿಸುತ್ತಿದ್ದೀರಿ ಎಂದು ಹೇಳಿದರು.

ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ಈ ಹಿಂದೆ ಟಾಲಿವುಡ್​ ನಟ ಸುಧೀರ್​ ಬಾಬು, ನಮ್ಮ ಚಿತ್ರರಂಗವನ್ನು ವಿಶ್ವ ಮಟ್ಟಕ್ಕೆ ಕೊಂಡೊಯ್ಯಲು ತಮ್ಮ ಕೈಲಾದಷ್ಟು ಕೆಲಸ ಮಾಡಿರುವ ಪ್ರಭಾಸ್​​ ಬಗ್ಗೆ ಅರ್ಷದ್​ ವಾರ್ಸಿ ನೀಡಿರುವ ಹೇಳಿಕೆಗಳು ತಪ್ಪು. ರಚನಾತ್ಮಕವಾಗಿ ಟೀಕೆ ಮಾಡಿದರೆ ಪರವಾಗಿಲ್ಲ ಆದರೆ ಈ ರೀತಿ ಮಾತನಾಡಬಾರದು. ಅರ್ಷದ್​ ಅವರ ಈ ಮಾತುಗಳು ಅವರಿಗೆ ವೃತ್ತಿಪರತೆಯ ಕೊರತೆ ಇದೆ ಎಂಬುದನ್ನು ಸ್ಪಷ್ಟಪಡಿಸಿದೆ. ಅವರಿಂದ ಇಂಥಾ ಕಾಮೆಂಟ್​ಗಳನ್ನು ನಾನು ನಿರೀಕ್ಷಿಸಿರಲಿಲ್ಲ ಎಂದು ಹೇಳಿದ್ದರು.(ಏಜೆನ್ಸೀಸ್​​)

https://www.vijayavani.net/beedi-smoker-dumped-lit-matchstick-spark-spread-fire-on-vehicle-and-shops-in-andrapredesh