ಬಂಟ್ವಾಳ (ದ.ಕ.): ಹಳೆಯ ಮನೆ ಯಾವಾಗ ಮೈಮೇಲೆ ಬೀಳುವುದೋ ಎಂಬ ಆತಂಕ, ಬಾಗಿಲು ಹಾಕುವುದಕ್ಕೂ ದುಗುಡ. ಹೀಗೆ ಶಿಥಿಲಾವಸ್ಥೆಯ ಮನೆಯಲ್ಲೇ ವಾಸವಿದ್ದ ಆ ಕುಟುಂಬವೀಗ ಹೊಸ ಮನೆಯಲ್ಲಿ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದೆ. ವಾಸಯೋಗ್ಯ ಮನೆಯ ಕನಸು ಕಾಣುತ್ತಿದ್ದ ಕಳ್ಳಿಗೆ ಗ್ರಾಮದ ಜಾರಂದಗುಡ್ಡೆ ನಿವಾಸಿ ನಾಗಮ್ಮಜ್ಜಿಯ ಹಲವು ವರ್ಷಗಳ ಬೇಡಿಕೆ ಭಾನುವಾರ ಈಡೇರಿತು. ವಿಜಯವಾಣಿ, ದಿಗ್ವಿಜಯ ನ್ಯೂಸ್ 24ಗಿ7, ಜೆಸಿಐ ಮತ್ತು ಹಲವು ಸಂಘ ಸಂಸ್ಥೆಗಳ ಸಹಕಾರದಲ್ಲಿ ನಿರ್ವಿುಸಲಾದ ಸುಸಜ್ಜಿತ ಮನೆಯನ್ನು (ನಾಗಮ್ಮಜ್ಜಿನ ಇಲ್ಲ್) ಮನೆಯೊಡತಿಗೆ ಹಸ್ತಾಂತರಿಸಲಾಯಿತು. ಕುಟುಂಬದ ಬಂಧುಗಳು, ನೆರೆಹೊರೆಯವರು, ದಾನಿಗಳು, ಹಿತೈಷಿಗಳ ಉಪಸ್ಥಿತಿಯಲ್ಲಿ ಧಾರ್ವಿುಕ ವಿಧಿವಿಧಾನಗಳೊಂದಿಗೆ ಗೃಹಪ್ರವೇಶ ಸಂಭ್ರಮದಿಂದ ನೆರವೇರಿತು. ಊರವರು ಗೃಹಪ್ರವೇಶದ ಸಂಭ್ರಮದಲ್ಲಿ ಉತ್ಸಾಹದಿಂದ ಭಾಗವಹಿಸಿ, ಹೃದಯಪೂರ್ವಕವಾಗಿ ಹರಸಿದರು.
