ಬೆಂಗಳೂರು: ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯ ನೂತನ ಪದಾಧಿಕಾರಿಗಳ ಆಯ್ಕೆ ಸಲುವಾಗಿ ಇಂದು ಚುನಾವಣೆ ನಡೆದಿದ್ದು, ಅಧ್ಯಕ್ಷರಾಗಿ ನಿರ್ಮಾಪಕ ಎನ್.ಎಂ. ಸುರೇಶ್ ಆಯ್ಕೆ ಆಗಿದ್ದಾರೆ. ಈ ಮೂಲಕ ಈ ಸಲದ ಅಧ್ಯಕ್ಷ ಸ್ಥಾನ ವಿತರಕರ ವಲಯದ ಪಾಲಾಗಿದೆ.
ಅಧ್ಯಕ್ಷ ಸ್ಥಾನಕ್ಕೆ ಎನ್.ಎಂ. ಸುರೇಶ್, ವಿ.ಹೆಚ್.ಸುರೇಶ್ (ಮಾರ್ಸ್ ಸುರೇಶ್), ಎ. ಗಣೇಶ್ ಮತ್ತು ಶಿಲ್ಪಾ ಶ್ರೀನಿವಾಸ್ ಸ್ಪರ್ಧಿಸಿದ್ದರು. ಈ ಚುನಾವಣೆಯಲ್ಲಿ ಒಟ್ಟು 1599 ಮತಗಳಿದ್ದು, ಆ ಪೈಕಿ 967 ಮತಗಳು ಚಲಾವಣೆಗೊಂಡಿವೆ. ನಾಲ್ವರಲ್ಲಿ ಎನ್.ಎಂ. ಸುರೇಶ್ ಅತ್ಯಧಿಕ ಮತಗಳನ್ನು ಪಡೆಯುವ ಮೂಲಕ, 120 ಮತಗಳ ಅಂತರದಿಂದ ಗೆಲುವು ಕಂಡಿದ್ದಾರೆ.
ಎನ್.ಎಂ. ಸುರೇಶ್ 337 ವೋಟುಗಳನ್ನು ಪಡೆದಿದ್ದು, ಇವರಿಗೆ ತೀವ್ರ ಪೈಪೋಟಿ ನೀಡಿದ್ದ ಶಿಲ್ಪಾ ಶ್ರೀನಿವಾಸ್ 217 ಮತಗಳನ್ನು ಗಳಿಸಿದ್ದಾರೆ. ಎ. ಗಣೇಶ್ 204, ವಿ.ಹೆಚ್.ಸುರೇಶ್ ( ಮಾರ್ಸ್ ಸುರೇಶ್) 181 ಮತಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ನೂತನ ಪದಾಧಿಕಾರಿಗಳ ವಿವರ
ಅಧ್ಯಕ್ಷ: ಎನ್.ಎಂ. ಸುರೇಶ್
ಉಪಾಧ್ಯಕ್ಷರು: ಪ್ರಮೀಳಾ ಜೋಷಾಯ್ -ನಿರ್ಮಾಪಕರ ವಲಯ, ಜಿ. ವೆಂಕಟೇಶ್-ವಿತರಕರ ವಲಯ, ನರಸಿಂಹುಲು -ಪ್ರದರ್ಶಕರ ವಲಯ.
ಗೌರವ ಕಾರ್ಯದರ್ಶಿ: ಬಾ.ಮ.ಗಿರೀಶ್ -ನಿರ್ಮಾಪಕರ ವಲಯ, ಸುಬ್ರಮಣಿ ವಿ.(ಕರಿಸುಬ್ಬು)-ವಿತರಕರ ವಲಯ, ಸುಂದರ್ ರಾಜು ಆರ್.- ಪ್ರದರ್ಶಕರ ವಲಯ
ಖಜಾಂಚಿ: ಜಯಸಿಂಹ ಮುಸರಿ
ಚೈತ್ರಾ ಕುಂದಾಪುರ & ಟೀಂ ಇಂದು ಪರಪ್ಪನ ಅಗ್ರಹಾರ ಸೆಂಟ್ರಲ್ ಜೈಲ್ಗೆ ಎಂಟ್ರಿ