ಮ್ಯಾನ್ಮರ್​ ಸುಂದರಿಯ ಸೊಂಟದ ಸುತ್ತಳತೆ ಕೇಳಿದ್ರೆ ತಲೆ ತಿರುಗುತ್ತೆ: ಇದು ವಿಶ್ವದಾಖಲೆಯಂತೆ!

ನಾಯ್ಪಿಟಾವ್ (ಮ್ಯಾನ್ಮರ್​): ಆಧುನಿಕ ಜಗತ್ತಿನಲ್ಲಿ ಅನೇಕರಲ್ಲಿ ಕಾಡುತ್ತಿರುವ ಸಮಸ್ಯೆಯೆಂದರೆ ಅದು ದೇಹದ ತೂಕ. ಹೇರಳವಾಗಿ ದೊರೆಯುವ ಕುರುಕಲು ತಿಂಡಿಗಳನ್ನು ತಿಂದು ಅಳತೆ ಮೀರಿ ದೇಹ ತೂಕವನ್ನು ಹೆಚ್ಚಿಸಿಕೊಂಡು ಮತ್ತೆ ಕರಗಿಸಲು ಪರದಾಡುವ ಅನೇಕರನ್ನು ನೋಡಿದ್ದೇವೆ.

ಇದನ್ನೂ ಓದಿ: ಲಾಕ್​ಡೌನ್​ನಿಂದ ಕೆಲಸ ಕಳೆದುಕೊಂಡವನಿಗೆ ಹೊಡೆಯಿತು ಲಾಟರಿ, ಸಿಕ್ಕಿತು 31 ಕೋಟಿ ರೂಪಾಯಿ

ಅದರಲ್ಲೂ ಹೆಣ್ಣು ಮಕ್ಕಳು ಸ್ಲಿಮ್​ ಆಗಿ ಇರಲು ಹೆಚ್ಚು ಬಯುಸುತ್ತಾರೆ. ಇನ್ನು ಸಿನಿಮಾಗಳಲ್ಲಿ ನಟಿಯರಿಗೆ ಇದೇ ಬಂಡವಾಳವೂ ಹೌದು. ಆದರೆ, ಇಂದಿನ ದಿನಗಳಲ್ಲಿ ದೇಹವು ಊದಿಕೊಂಡಿದ್ದರೆ, ಅದನ್ನು ಕರಗಿಸಲು ಜಿಮ್​ ಹಾಗೂ ವ್ಯಾಯಾಮದ ಮೊರೆ ಹೋಗುವುದು ಸಹಜ. ಆದರೆ, ಅದೇ ನೈಸರ್ಗಿಕವಾಗಿ ಬಂದರೆ ಎಷ್ಟು ಚೆಂದ ಅಲ್ಲವಾ? ಅದು ಹೇಗೆ ಸಾಧ್ಯ ಎಂಬ ಪ್ರಶ್ನೆ ನಿಮ್ಮಲ್ಲಿ ಮೂಡಬಹುದು. ಆದರೆ, ಸಾಧ್ಯವಿದೆ ಎಂಬುದಕ್ಕೆ ಮ್ಯಾನ್ಮರ್ ದೇಶದ ಸುಂದರಿಯೇ ಸಾಕ್ಷಿ.

ಅತ್ಯಂತ ಸಣ್ಣ ನಡುವನ್ನು ಹೊಂದಿರುವ ಈ ಮ್ಯಾನ್ಮರ್​ ಸುಂದರಿಗೆ ಇದು ನೈಸರ್ಗಿಕವಾಗಿ ಬಂದಿದೆಯಂತೆ. ವಿದ್ಯಾರ್ಥಿನಿಯಾಗಿರುವ ಈಕೆಯ ಹೆಸರು ಸೂ ನೈಂಗ್, ಕೇವಲ 23 ವರ್ಷ ಮಾತ್ರ​. ಈಕೆಯ ನಡುವಿನ ಸುತ್ತಳತೆ ಕೇವಲ 13.7 ಇಂಚು ಮಾತ್ರ. ಇದು ವಿಶ್ವದಲ್ಲೇ ಅತ್ಯಂತ ಸಣ್ಣ ನಡುವು ಎಂದೇ ನಂಬಲಾಗಿದೆ.

ಇನ್​ಸ್ಟಾಗ್ರಾಂನಲ್ಲಿ ಭಾರಿ ಹಿಂಬಾಲಕರನ್ನು ಹೊಂದಿರುವ ನೈಂಗ್​, ಆಗಾಗ ತನ್ನ ತೆಳ್ಳನೆ ನಡುವಿನ ಸೌಂದರ್ಯವನ್ನು ಸಾಬೀತು ಮಾಡುವು ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಆದರೆ, ಇದು ಫೋಟೋ ಎಡಿಟಿಂಗ್​ ಮತ್ತು ದೇಹವನ್ನು ಸ್ಲಿಮ್​ ಆಗಿ ತೋರಿಸುವಂತಹ ರಿಬ್​ ರಿಮೂವಲ್​ ಆ್ಯಪ್​ಗಳಿಂದ ಫೋಟೋ ಎಡಿಟ್​ ಮಾಡಲಾಗಿದೆ ಎಂಬ ಸಾಕಷ್ಟು ಆರೋಪಗಳು ಎದರುರಾದರೂ ಸಹ ನೈಂಗ್​ ಮಾತ್ರ ಇದು ನೈಸರ್ಗಿಕ ಕೊಡುಗೆ ಎಂದು ಸಮರ್ಥಿಸಿಕೊಳ್ಳುತ್ತಾರೆ.

ನಾನು ಯಾವುದೇ ಕಾರಣಕ್ಕೂ ಫೋಟೋಗಳನ್ನು ಎಡಿಟ್​ ಮಾಡುವುದಿಲ್ಲ. ಆರೋಗ್ಯಯುತ ಆಹಾರವನ್ನಷ್ಟೇ ಸೇವಿಸುತ್ತೇನೆ. ತನ್ನ ಅನುವಂಶೀಯ ಕಾರಣದಿಂದ ನೈಸರ್ಗಿಕವಾಗೇ ನನ್ನ ಸೊಂಟ ಹೀಗಿದೆ ಎನ್ನುತ್ತಾರೆ ನೈಂಗ್​.

ರಾಷ್ಟ್ರೀಯ ಆರೋಗ್ಯ ಸೇವೆ (ಎನ್​ಎಚ್​ಎಸ್​) ಹೇಳುವ ಪ್ರಕಾರ ಆರೋಗ್ಯವಂತರ ನಡುವಿನ ಗಾತ್ರವು 35.5 ಇಂಚಿಗೂ ಕಡಿಮೆ ಇರಬೇಕಂತೆ.

ನೈಂಗ್​ ಮಾತನಾಡಿ, ನಾನು ಆರೋಗ್ಯಯುತ ಸ್ಥಿತಿಯಲ್ಲಿದ್ದೇನೆ. ಅಲ್ಲದೆ, ಆರೋಗ್ಯಕರ ಆಹಾರ ಕ್ರಮ ಅನುಸರಿಸುತ್ತಿರುವುದರಿಂದ ಚಿಂತಿಸಬೇಕಾದ ಅವಶ್ಯಕತೆ ಇಲ್ಲ. ನಾನು ಹೇಗೆ ಕಾಣುತ್ತೇನೆ ಎಂಬುದರಿಂದ ನನ್ನಲ್ಲಿ ಏನೋ ತೊಂದರೆ ಇದೆ ಎಂದು ನಾನು ಯೋಚಿಸಿಲ್ಲ. ನನ್ನ ಲುಕ್​ ತೋರಿಸಲು ಕ್ಯಾಮೆರಾಗೆ ಪೋಸ್​ ನೀಡುವುದನ್ನು ನಾನು ಎಂಜಾಯ್​ ಮಾಡುತ್ತೇನೆ. ನನ್ನ ಫೋಟೋಗಳಿಗೆ ಸಾಕಷ್ಟು ಮೆಚ್ಚುಗೆಯ ಕಾಮೆಂಟ್​ಗಳು ಬರುತ್ತಿವೆ. ನನ್ನ ಸುಂದರ ನೋಟವನ್ನು ಜನರು ಮುಕ್ತ ಮನಸ್ಸಿನಿಂದ ಹೊಗಳಿದ್ದಾರೆ ಎಂದು ನೈಂಗ್​ ಹೇಳಿಕೊಂಡಿದ್ದಾರೆ.

ವಿಶ್ವದ ಅತ್ಯಂತ ಸಣ್ಣ ನಡುವಿನ ಗಿನ್ನೆಸ್​ ವಿಶ್ವ ದಾಖಲೆ ಯುನೈಟೆಡ್​ ಕಿಂಗ್​ಡಮ್​ನ ಎಥೆಲ್​ ಗ್ರ್ಯಾಂಜರ್​ ಹೆಸರಿನಲ್ಲಿದೆ. ಆದರೆ, ಅವರು 1982ರಲ್ಲೇ ಮೃತಪಟ್ಟಿದ್ದಾರೆ. ಅವರ ನಡುವಿನ ಸುತ್ತಳತೆ ಕೇವಲ 13 ಇಂಚಿನಷ್ಟಿತ್ತು. ಎಥೆಲ್​ ಅವರ ನಡು ನೈಸರ್ಗಿಕವಾಗಿರಲಿಲ್ಲ. ಅದಕ್ಕಾಗಿ ಸಾಕಷ್ಟು ತಯಾರಿ ನಡೆಸಿದ್ದರು. ನಡು ಸಣ್ಣಗಾಗಿಸಲು ನಿಯಮಿತವಾಗಿ ಕಾರ್ಸೆಟ್ಸ್ ಧರಿಸುವ ಮೂಲಕ ಜೀವಿತಾವಧಿಯವರೆಗೂ ನಡುವಿನ ತರಬೇತಿ ಪಡೆಯುತ್ತಿದ್ದರು.

ಇನ್ನು ನೈಂಗ್​ ಅವರ ನಡುವನ್ನು ಈವರೆಗೂ ಪರಿಶೀಲಿಸಿಲ್ಲ. ಆಕೆಯ ಕೆಲವೊಂದು ಫೋಟೋಗಳು ನಡುವಿನ ಸುತ್ತ ಎಡಿಟ್​ ಮಾಡಿರುವಂತೆಯೇ ಕಾಣುತ್ತದೆ. ಆದರೂ ಇದನ್ನು ಆಕೆ ನಿರಾಕರಿಸಿದ್ದು, ನಿಜವಾದ ನಡು ಎಂದಿದ್ದಾಳೆ. ಆಕೆಯ ಫೋಟೋಗಳಿಗೆ ಬರುವ ಬಹುತೇಕ ಕಾಮೆಂಟ್​ಗಳು ಆಕೆಯ ಪರವಾಗಿಯೇ ಬಂದಿವೆ. (ಏಜೆನ್ಸೀಸ್​)

https://www.vijayavani.net/seafood-lover-faces-hand-amputation-after-fishbone-pierced-his-fingers-caused-flesh-eating-bacterial-infection/