ಇಂಗ್ಲೆಂಡ್​ ವಿರುದ್ಧದ ಮೊದಲ ಟೆಸ್ಟ್​ನಲ್ಲಿ ಮೂವರು ಕ್ಯಾಪ್ಟನ್​ ಕಂಡರು! ಶಾಕಿಂಗ್ ಹೇಳಿಕೆ ನೀಡಿದ ಮಾಜಿ ಕ್ರಿಕೆಟಿಗ | IND vs ENG

IND vs ENG Test: ಹೆಡಿಂಗ್ಲಿಯಲ್ಲಿ ನಡೆದ ಮೊದಲ ಟೆಸ್ಟ್​ನಲ್ಲಿ ಇಂಗ್ಲೆಂಡ್​ ಎದುರು ಸೋತ ಭಾರತ ತಂಡ, ಇದೀಗ ಜುಲೈ 02ರಿಂದ ಪ್ರಾರಂಭವಾಗಲಿರುವ ಎರಡನೇ ಟೆಸ್ಟ್​ ಪಂದ್ಯ ಗೆದ್ದು ಬೀಗಲು ಎದುರುನೋಡುತ್ತಿದೆ. ಇದಕ್ಕೆ ಮೈದಾನದಲ್ಲಿ ಅಭ್ಯಾಸ ಕೂಡ ನಡೆಸುತ್ತಿದೆ. ಈ ಮಧ್ಯೆ ಮೊದಲ ಪಂದ್ಯದಲ್ಲಿ ಶುಭಮನ್​ ಗಿಲ್​ ಜಾಗದಲ್ಲಿ ನನಗೆ ಮೂವರು ಕ್ಯಾಪ್ಟನ್​ ಕಾಣಿಸಿದರು ಎಂದು ಟೀಮ್ ಇಂಡಿಯಾ ಮಾಜಿ ಸ್ಪಿನ್ನರ್​ ಮುರಳಿ ಕಾರ್ತಿಕ್​ ಅಚ್ಚರಿ ಹೇಳಿಕೆ ನೀಡಿದ್ದಾರೆ.

ಇದನ್ನೂ ಓದಿ: ರೈಲ್ವೆ ಹಳಿ ಮೇಲೆಯೇ ಕಾರು ಚಾಲನೆ: ಯುವತಿಯ ಹುಚ್ಚಾಟಕ್ಕೆ ತಡವಾದ ರೈಲು, ಕಾರಣ ಕೇಳಿದ್ರೆ ದಂಗಾಗ್ತೀರಾ! Railway Tracks

ನಾಲ್ಕನೇ ಇನ್ನಿಂಗ್ಸ್​ನಲ್ಲಿ ಭಾರತ ಕೊಟ್ಟ 371 ರನ್​ ಗುರಿಯನ್ನು ಬೆನ್ನತ್ತಿದ ಇಂಗ್ಲೆಂಡ್​ ಪಡೆ, 5 ವಿಕೆಟ್​ಗಳ ರೋಚಕ ಜಯ ಸಾಧಿಸಿತು. ಟೀಮ್ ಇಂಡಿಯಾ ಆಟಗಾರರ ಪ್ರದರ್ಶನ ಕುರಿತಂತೆ ಮಾತನಾಡಿದ ಕಾರ್ತಿಕ್​, "ನಾವು ನೆಪಗಳನ್ನು ಹೇಳಬಹುದು. ಆದರೆ, ಸಮಸ್ಯೆ ಏನೆಂದರೆ ತಂಡ ಗಳಿಸಿದ್ದು 835 ರನ್. ಒಬ್ಬ ಬೌಲರ್ ಐದು ಬ್ಯಾಟ್ಸ್‌ಮನ್‌ಗಳನ್ನು ಔಟ್ ಮಾಡಿದ್ದಾರೆ. ಅದರ ಹೊರತಾಗಿಯೂ ತಂಡವು 5 ವಿಕೆಟ್‌ಗಳಿಂದ ಸೋಲು ಅನುಭವಿಸಿದೆ. ಇದೆಲ್ಲದರ ನಡುವೆ ಭಾರತ ತಂಡದಲ್ಲಿ ಒಬ್ಬರಿಗಿಂತ ಹೆಚ್ಚು ಕ್ಯಾಪ್ಟನ್​ಗಳು ನನಗೆ ಕಾಣಿಸಿದರು. ಇದ್ಯಾಕೆ ಅನ್ನೋದು ನನಗೆ ನಿಜಕ್ಕೂ ಅರ್ಥ ಆಗಲಿಲ್ಲ" ಎಂದರು.

"ಒಂದು ಕಡೆ ಕೆ.ಎಲ್. ರಾಹುಲ್ ಮತ್ತು ರಿಷಭ್ ಪಂತ್ ತಂಡದ ಕ್ಯಾಪ್ಟನ್​ ಶುಭಮನ್ ಗಿಲ್‌ಗೆ ಏನನ್ನಾದರೂ ಒಂದು ಸೂಚಿಸುತ್ತಿದ್ದರು. ಅದೇನು ಎಂಬುದು ಸರಿಯಾಗಿ ಅರ್ಥವಾಗಲಿಲ್ಲ. ನನ್ನ ಪ್ರಕಾರ, ಒಬ್ಬ ಕ್ಯಾಪ್ಟನ್​ ತಂಡವನ್ನು ನಿರ್ವಹಿಸಿದರೆ ಸಾಕು. ಹಿರಿಯ ಆಟಗಾರರು ಏನಾದರೂ ಸರಿ ಅನಿಸಲಿಲ್ಲ ಎಂದರೆ ಒಂದು ಅಥವಾ ಎರಡು ಬಾರಿ ಗಮನಿಸಿ ಹೇಳಬಹುದು. ಆದ್ರೆ, ಪದೇ ಪದೇ ಅಲ್ಲ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/shubhanshu-shukla-message-from-space-over-a-call