ರಸ್ತೆಯಲ್ಲಿ ಉಗುಳಿ 33 ಲಕ್ಷ ರೂಪಾಯಿ ದಂಡ ಕಕ್ಕಿದ ಮುಂಬೈಕರರು!

ಮುಂಬೈ : ಕಳೆದ 10 ತಿಂಗಳಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳಿದ್ದಕ್ಕಾಗಿ ಬರೋಬ್ಬರಿ 33 ಲಕ್ಷ ರೂ.ಗಳ ದಂಡವನ್ನು ಬೃಹನ್​ಮುಂಬೈ ಮುನಿಸಿಪಲ್ ಕಾರ್ಪೊರೇಷನ್(ಬಿಎಂಸಿ) ಸಂಗ್ರಹಿಸಿದೆ. ಅಧಿಕೃತ ಮಾಹಿತಿಯ ಪ್ರಕಾರ ಬಿಎಂಸಿ ನೇಮಿಸಿದ್ದ ಕ್ಲೀನ್​-ಅಪ್​ ಮಾರ್ಶಲ್​ಗಳು 16,659 ನಾಗರೀಕರಿಂದ ಈ ದಂಡದ ಮೊತ್ತವನ್ನು ಪಡೆದಿದ್ದಾರೆ.

ಕರೊನಾ ಹಿನ್ನೆಲೆಯಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಮಾಸ್ಕ್​ ತೊಡುವುದರೊಂದಿಗೆ, ಉಗುಳದಿರುವಂತೆ ಬಿಎಂಸಿ ಆದೇಶ ಹೊರಡಿಸಿದ್ದು, ಅದರ ವ್ಯಾಪ್ತಿಯಲ್ಲಿ ರಸ್ತೆಯಲ್ಲಿ ಉಗುಳಿದವರಿಗೆ ತಲಾ 200 ರೂ.ಗಳ ದಂಡ ವಿಧಿಸಲಾಗುತ್ತದೆ. ಗರಿಷ್ಠ ದಂಡವಾದ 5.59 ಲಕ್ಷ ರೂ.ಗಳನ್ನು ಕುರ್ಲಾ ಮತ್ತು ಸಕಿನಾಕ ಪ್ರದೇಶಗಳಿರುವ ಎಲ್​ ವಾರ್ಡ್​ ಒಂದರಿಂದಲೇ 2,888 ಪ್ರಕರಣಗಳಲ್ಲಿ ಸಂಗ್ರಹಿಸಲಾಗಿದೆ ಎನ್ನಲಾಗಿದೆ.

ಇದನ್ನೂ ಓದಿ: ಜುಲೈ 11 ರಂದು ಹೊಸ ರಾಜ್ಯಪಾಲರ ಪ್ರಮಾಣ ವಚನ

ಇದರೊಂದಿಗೆ, ಬಿಎಂಸಿಯು ಸುಮಾರು 29.71 ಲಕ್ಷ ನಾಗರೀಕರಿಂದ, ಮಾಸ್ಕ್​ ಹಾಕದೆ ಓಡಾಡಿದ್ದಕ್ಕಾಗಿ, 59.82 ಕೋಟಿ ರೂ.ಗಳ ದಂಡವನ್ನು ಕಲೆಹಾಕಿದೆ. ಕರೊನಾ ಹಿನ್ನೆಲೆಯಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಕಡ್ಡಾಯವಾದ ಮಾಸ್ಕ್ಅನ್ನು ಧರಿಸದೆ ತಿರುಗಾಡುವ ಮಂದಿಗೆ ತಲಾ 200 ರೂ.ಗಳ ದಂಡ ಬೀಳುತ್ತದೆ. (ಏಜೆನ್ಸೀಸ್)

https://www.vijayavani.net/murder-case-registered-against-bjp-leader-suvendu-adhikari/

https://www.vijayavani.net/video-rajnikant-duplicate-gives-a-flop-show/

https://www.vijayavani.net/s-woman-got-insurance-by-husbands-fake-death-certificate/